بص ياباشا فلتر البنزين في الكتالوج مكتوب بيتغير على 40 ألف..لكن هنا في مصر عشان البنزين كله شوائب ورصاص قول غيره على 20 ألف مثلا حلو.
فلتر الهواء كله 10 آلاف يتغير..وكله 2000 كيلو مثلا ابقى نظفه.
البوجيهات بتتغير كله 10 آلاف وهات الــ NGK الأصليين بتوعها من شركة التوفيق السيدة زينب بــ 50 جنيه الطقم.
الأسلاك ملهاش عدد كيلوات بس لما تقدم وتتشقق أو لما العربية تنتش أو لو بقالها مدة كبيرة متغيرتش مثلا ساعتها تتغير.
وتقريبا عشان تاخد أقصى أداء من ظبة الفيشة لازم تحط بنزين 95 بس حرام طبعا اللتر بقى بــ 5 جنيه وشوية
حاجة كماان هتفرق معاك أوي في اداء العربية وعن تجربة..ألا وهي..الرشاشات..
لو مسدودة أو فيها مشكلة بتخلي العربية مش تمام وتاكل بنزين..جرب تنظفها كده بالمنظف أو بجهاز الألترا سونيك (ودا أفضل بكتييييير) وهتلاقي العربية بقت حاجة تانية معاك في السحب وفاااايقة جدا وعن تجربة.
المفضلات