طبعا علشان الجلاكسى اس 3 سعرة غالى اوى
غانا فكرت اشترى الجلاكسى اس تو بس من غير ضمان علشان بيبقى ارخص كتير
فممكن تفيدونى
1- سعرة حاليا من غير ضمان
2- سعرة بالضمان
3- صناعتةبتكون كورى ولا فيتنامى ولا صينى وهل فى فروق بينهم
4- فى حاجة معينة ابص عليها فى الموبايل علشان الغش
وشكرا جزيلا مقدما واتمنمى الرد والتفاعل لأنى مستعجل فى الشرا علشان بصراحة هشترية هدية
حرام تجيب جهاز زى دة من غير ضمان...دى حاجه كمان هو من غير ضمان فى حدود من 2400 ل 2500 وبضمان ب 2800 ل 2900 ومتفرقش صناعته ايه لانه فى الاخر سامسونج
الاس 3 مينى افضل والسعر متقارب
نصيحة هات ال s III لان فرق السعر لا يقارن بفارق الهاردوير سواء فى الشاشة و البروسيسور او التكنولوجيا اللى فى الجديد
الاس تو معايا من سنه ونصف وبصراحه ممتاز بس اكيد ال3 اجمد بكتير من حيث السرعه والاداء
السامسونج شركة محترمه وكبيره بس هاتو بضمان احسن
بعد السؤال واللف والدوران
اس 3 سعرة بالضملان حوالى 4000 جنية
واس 2 بالضمان حوالى 2800 جنية
يعنى فرق 1200 جنية
وانا جايبة هدية لزوجتى ومش هيفرق معاها البروسيسر الكواد كور من البرسيسور الديول كور
المهم صوت الجهاز يكون عالى وكاميرا 8 ميجا بيكسل
-والتصوير 1080 فل اتش دى
-سريع
-شاشة تاتش كبيرة
-زجاج مضاد للخدش والكسر لأنها ساعات كتير تنسى الموبايل فى ايد البنت الى تنزل فى الموبايل ترزيع
-الرامات 1 جيجا وعلى فكرة ddr3
-متوافر لة جرابات ووشوش كثيرة
-واهم حاجة لونة طبعا يكون وردى أو احمر ودى أهم ميزة بالنسبالها هههههههههههههههههه
اما باقى التكنولوجيا فمش مهمة بالنسبالها
اما اس 3 مينى فأقل فى
البروسيسور
-الكاميرا 5 ميجا بيكسل
-الفيديو 720 اتش دى
-الشاشة ليست ضد الكسر-
-الرامة 1 جيجا ddr2
في الحالة دي توكل على الله في ال s2, مش إستخصار في المدام بس فعلا الستات مش غاويين تكنولوجي زينا وال s2 هيبقى زي الفل معاها وزيادة. مبروك مقدما.اقتباس:
المشاركة الأصلية كتبت بواسطة ahmed12345678
فعلاً الاس 3 ميني اختيار افضل في الحالة دي.اقتباس:
المشاركة الأصلية كتبت بواسطة alfath8
الاس 3 ميني سعره أقل من 2000 جنيه بالضمان.
صحيح هو أقل مواصفات قليلاً من الاس 2، لكنه احدث في الصناعة ونسخة الآندرويد اللي عليه أحدث بكتير والفرق ما بين النسختين كبير جداً.
الاس 2 خلاص عمره الافتراضي كموبايل جديد خلص. انت بتتكلم عن موبايل بقاله سنتين.
توكل على الله واشتري الاس 3 ميني
دي مقارنة ما بين الموبايلين
Samsung I8190 Galaxy S III mini vs. Samsung I9100 Galaxy S II - GSMArena.com
باشا معلش أختلف معاك وأقولك ليه ...اقتباس:
المشاركة الأصلية كتبت بواسطة itsonlyme
معاك إن الإس ٢ موديل قديم عن الإس ٣ ميني بس تقريبا كل المواصفات في صالح الإس ٢، ميفرقش بقى بقاله سنتين بقاله ٣ سنسن الراجل هيشتريه جديد.
إن كان على نسخة الأنرويد، الإس ٢ بينزله آخر نسخة جيلي بين ٤.١ إللي هي على الإس ٣ والنوت ٢ وأخويا معاه إس ٢ ومنزل ٤.١ والمفاجأه ... الجيلي بين للإس ٢ مضاف ليه كل الخصائص المتطورة في الإس ٣ المتعلقة بالسوفتوير زي السمارت ستاي ... إلخ.
أنا معاك لو بنقارن بين إس ٢ و إس ٣ أو نوت ٢ ... لاكن بين إس ٢ و إس ٣ ميني، الإس ٢ يكسب طبعاااااا.
يظهر اني كنت غلطان في سعر الاس 3 ميني. سعره 2750 جنيه. يبقى الاس 2 فعلا أحسن.اقتباس:
المشاركة الأصلية كتبت بواسطة ahmed_m_ashraf
أنا اتخلبطت ما بين الاس ديوس والاس 3 ميني
الاس ديوس هو اللي سعره 2000 جنيه ومواصفاته طبعا اقل من الاس 3 ميني.
اسحب نصيحتي بشراء الاس 3 ميني. سعره زي الاس 2 بالظبط لكن اقل في المواصفات رغم انه احدث.
'طب فى حاجة معينة تنصحونى انى ابص عليها ةانا بشترى
وهل فى فرق بين الاس2 الكورى والصينى والفيتنامى
مع احترامى للجميع فية حاجات لازم تعرفوها الاول عشان انا كنت فى الحوار لمدة 8 شهور وفهمتة كلة ومتابعة من اولة ولاخرة ومسكت الاجهزة كلها وعارف اخرها من اولها اية ..
طبعا ال s2 الموجود حاليا بالضمان هية النسخة التى بحرف ال g فيكون كود الجهاز i9100g والنسخة دية نازلة معالجة لبعض عيوب موجود فى النسخة العالمية i9100i , وهية الحرارة المرتفعة والبطارية التى لاتدوم اكثر من 9 ساعات فى شغل متوسط ويوم فى شغل خفيف جدا
وعشان يعالجوا العيوب دية عملوا التليفون بالنسخة ال g ب cpu مختلف عن اللى موجود فى النسخة العالمية وهو من الواضح فى المميزات انة 1.2 جيجا dual core لكن فى الحقيقة انة لا يتعدى ال 1008 mhz , وكمان ال gpu مختلف فطبعا هو اقل فى الاداء من ال S2 النسخة العالمية
كمان الفرق الثالث هو ان التليفون لا ينزلة التحديثات الا بعد مرور شهر ونصف من نزول التحديث للنسخة العالمية , يعنى لو نزل تحديث لل i9100i هينزل للنسخة ال g بعد شهر ونصف الى شهرين
* حاليا مافيش نسخة عالمية بضمان ابدا الا بقى لو متخزنة وبقالها كتير لكن لو لفيت فى اى مكان مش هتلاقى نسخة عالمية بضمان , كلة حاليا اللى موجود النسخة الi9100g بضمان وعامل 2750 جنية
وخلى بالك النسخة دية بتهنج ووحشة وناس كتير بتتشكى منها
والنسخة العالمية : مشاكلها الحرارة العالية والبطارية مابتقعدش وفية عيوب كمان لو عايز اقولهالك
* ال S3 mini : كويس كموبايل بس سعرة على الاوبشن دة حراااااااام وبسبب العيوب الاتية :
1- التليفون كاميرا امامية Vga قوتها 0.3 ميجا تعبانة جداااااااا
2- البطارية بتاعتة ضعيفة مابتقعدش اكتر من 18 ساعة شغل خفيف
3- الموبايل الشاشة بتاعتة ال touch wiz بتاعها العادى مش ال 4 الجديد اللى موجود فى كل موديلات سامسونج الحالية
4- الموبايل شريحتة mini- sim يعنى لازم تاخد شريحتك وتروح فودافون وتطلع واحدة ب30 جنية
5- كارت الميمورى تحت البطارية يعنى عشان تشيل الكارت لازم تقفل التليفون وتشيل البطارية وتطلع الكارت ودة طبعا بالمنظر دة رجعنا لسنين ورا
6- التليفون شاشتة مافيش عليها اى نوع حماية نهائى
7- التليفون مابينزلش مصر بال nfc عشان بس تبقوا عارفين
سعر التليفون دة على فكرة 2425 جنية عشان بس تبقوا عارفين وبالضمان
لو انت عايز نصيحتى ليك هات واحد من الاتنين : يأما S2 النسخة العالمية بدون ضمان وعليها ضمان من المحل من 15 يوم لحد شهر على حسب المحل , او S advance الموبايل دة روعة فى كل حاجة وسعرة 2100 جنية بس فية كل حاجة
ولو عايز تسأل على اى حاجة قولى
كلامك مضبوط وإن كنت في كلامي أقصد النسخة العالمية.اقتباس:
المشاركة الأصلية كتبت بواسطة semsem kane
انا شاكر لحضرتك جدا وانا كنت قرات فى بعض المواقع عن موضوع الاس 2 الجى بس مكنتش اعرف انه الموضوع للدرجة دىاقتباس:
المشاركة الأصلية كتبت بواسطة semsem kane
وانا فعلا كنت بفكر فى الادفانس بس مشكلتة ان الكاميرا بتاعتة 5 ميجا بيكسل واتش دى وليس فل اتش دى وكمان مفيهاش زوووم والريفيوهات فى النت مبشكرش فى الكاميرا بتاعتة وكمان الموبايل المتاح منه اللون الاسود فقط والموبايل هيكون لمراتى والستات دايما بيحبوا الالوان زى الاحمر او الوردى
بس ليا استفسار بالنسبة لبطارية الادفانس بتقعد اد اية لانى لقيت البطارية بتاعتة 1500 امبير فى حين ان الاس 2 1650 امبير مع العلم ان كثافة الشاشة فى الادفانس 233 فى حين انها فى الاس 2 217
وكمان استفسار هى بطارية الاس 2تعبانة اوى كدة اصلها بالشكل دة الموبايل مش هيكون عملى لمراتى بردة
واستفسار اخير معلش عاوزاعرف بقية عيوب الاس 2
طيب شوف ياباشا هنمسك الموضوع واحدة واحدةاقتباس:
المشاركة الأصلية كتبت بواسطة AHMED12345678
1- والله موضوع الكاميرا دة عايز اقولك حاجة حلوة صور بالاتنين وصدقنى مش هتلاقى فرق ملموس يمكن الفرق مابينهم 3% ليس اكتر فى التفاصيل بتاعة الصورة مش فى وضوح الصورة لكن لا يمكن تكتشفها كدة فى الموبايل لازم تتحط على كمبيوتر وتكبر اكتر عشان تشوف الفرق دة وصدقنى مش هيكون زى مانت متخيل , ودة عن تجربة على فكرة
2- بالنسبة للزووم اللى مش موجود فى ال S advance طيب هو انت فاكر ان الs2 فية زووم لأ مافيهوش زووم هو كل اللى فية انة بيقرب المساحة الموجودة , لكن على حساب جودة الصورة , لكن ال S advance صور بالوضع اللى علية وادخل على برنامج تعديل الصور اللى موجود مع الجهاز واعمل corp واتفرج على الصورة افضل من الزووم 100 مرة ومن غير تأثير على نقاء الصورة لان عدسة الAdvance ممتازة فعلا من افضل كاميرات ال5 ميجا الموجودة
3- سيبك من الريفيوهات انزل على التجربة الفعلية وانت تشوف بنفسك الفرق وقارن بينهم
4- الادفانس فية منة ابيض واسود فقط والابيض موجود بس قليل جدا
5- بطارية الادفانس 1500 امبير بس اشد من بطارية ال S2 ودة راجع لحاجتين اول حاجة ان شاشة الAdvance اقل حجما من ال s2 , وال cpu بتاع الs2 غير المعالج بتاع ال Advance عشان كدة البطارية بتطير بسرعة
6- الشاشة فى ال Advance الوانها اكتر سنة بسيطة من الS2 بالرغم من شاشة الs2 super amoled plus , بس شاشة ال Advance قمة فى الروعة والجمال ممتازة الى ابعد الحدود فى كل حاجة الصراحة
7- بطارية ال S2 تعبانة جدا فعلا , مقابل ان بطارية ال s advance بتقعد 3 ايام شغل خيف جدا , ويومين شغل متوسط ويوم واحد شغل باستمرار , والموبايل بيكفى لتحدث 5 ساعات متواصلة
8- عيوب ال s2 تكملة للعيوب اللى انا قولتها فوق :
1- الموبايل مع التصوير ال 1080 مافيش فية زووم + انة مساحة تصوير الدقية فقط بتعمل 100 ميجا وطبعا مساحة كبيرة جدااااااااااااااااااااا
2- التليفون حجمة كبير ومربع الشكل فبيصعب مسكة شوية
3- الشاشة عرضها مع طولها اثناء التصوير بصيغة البانوراما مش بيطلع الصورة مظبوطة لو بتصور اشخاص تحس انهم طالعين مش مظبوطين طولا وعرضا
4- فية نقطة حمراء بتطلع فى الفيديو اثناء التصوير الليلى وبتبقى ظاهرة وانت بتتفرج على الفيديو
5- اشارة الراديو مش قوية لازم يكون المكان فى اشارة كويسة
6- صوتة واطى وخصوصا فى الفيديو
7- الجهاز لما بتيجى تشغل خاصية ال noise cancelation صوت السماعة بيوطى جدااا واحيانا بتسمع صدى صوتك تانى
واحقاقا للحق بردة , يقال ان ال s2 ان التحديث الجديد ( jelly bean ) هيعالج مشكلة السخونة وتكاد ستكون معدومة , البطارية هتتظبط شوية , وهيعالج المشاكل اللى كانت بتحصل فية
ولسة هنشوف , والتحديث دة فاضل علية ايام , وطبعا هيكون للنسخة ال i9100i مش ال G لان النسخة دية لسة قدامها بتاع شهرين عشان تتحدث
انا عاجز عن الشكر لحضرتك ومتشكر جدا على النصيحة
وان شاء الله على الاس ادفانس
عن تجرب النسخة g شغالة و مفيهاش الكلام ده كله ... يمكن يكون حالات فردية بس اي موبايل لازم تشحنة مرة كل يوم :) و بعدين ولا بيهنج ولا بتاع و لو هنج مهوا اي موبايل بيهنج ...
انا شايف انو انسب من اس 3 عشان حاجة و شكله مبلوع اكتر و المستطايل شكله منطقي اكتر ... و ديه اذواق
و في رنج ال 3 مفيش غيره و مش مستاهلة فرق ال الالف عشان ال اس 3
ايا كان الموبايل اللي هتشتريه ...اهم حاجة العلبة تكون متبرشمة ..لو مش متبرشمة متاخدهاش
++++111111111اقتباس:
المشاركة الأصلية كتبت بواسطة ibrahimmostafa
ربنا يباركلك فية , بس المشكلة كلها ان التليفون مكتوب علية انة 1.2 جيجا هرتز , والشركة مخلية الcpu اخرة 1008 ميجا هرتز , ونادرا لما بيوصل لل1.2 دة ازا كان بيوصلهم اصلا , ودة السبب اللى بيخلى التليفون بيهنج , ياباشا المشكلة دية بتقابل ناااااااااااااااااااااس كتير هية مش حالة فردية ولا حاجةاقتباس:
المشاركة الأصلية كتبت بواسطة Deshahcoka
ياباشا انا التليفون دة مع صاحبى لازم كل يومين التليفون يهنج منة وعشان تشغل التليفون تنى لازم تشيل البطارية وتركبها تانى , هو دة التهنيج اللى انا بكلم علية
ودية قابلت نااااااااس كتير مش هو بس على فكرة
- كمان اللى كان بيميز الs2 هو ال cpu بتاعة القوى ( exynos) وطبعا دة اللى موجود فى النسخة ال i , لكن اللى موجود فى النسخة ال g مختلف تماما TI OMAP 4430
النهاية لو صاحب التليفون بقارن مابين ال s2 , s3 mini يبقى اكيد طبعا ال S2 يكسب
ولو بيقارن مابين ال s2 وال s advance يبقى الحكم هنا على حسب اختيارة لان الفروقات مابينهم قليلة جدا
وعموما دية الفروقات مابين ال S2 ,s advance
1- بالنسبة للسرعة بتاعة المعالج : الفرق غير ملحوظ نهائيا ويكاد يكون منعدم وذلك لجودة المعالج الموجود فى ال S advance فهو من افضل انواع المعالج الموجود فى السوق ودة نوعة
( S5PV310 Exynos 4210 )
2- الرامات فى ال S2 اعلى 1 جيجا مقابل 786 بس مش دية الفعلية لان الارقام الفعلية الحقيقة للجهازين بتكون كالاتى
ال S advance : الرامات بتاعتة 555 ميجا
ال S2 : الرامات بتاعتة 831 ميجا بالنسبة الجينجر بريد , و681 بالنسبة لل ics
3- شاشة ال S2 اكبر ب 0.27 بوصة
4- الكاميرا 8 ميجا بيكسل وتصوير 1080p مقابل 5 ميجا وتصوير hd 720p : وهنا الفرق غير ملحوظ اوى وزى ماقولتلك عشان تلاحظة يبقى على كمبيوتر
5- شاشة ال S advance اتقل سنة بسيطة فى الالوان
6- ال s advance : صوتة اعلى من ال s2
7- ال s advance بطاريتة بتقعد اكتر
دة اللى هتحس بية وانت ماسك الاتنين ولك حرية الاختيار
ال S advance سعرة بالضمان :2100- 2150 جنية
ال S2 : سعرة بالضمان :2750 النسخة الg , والنسخة العالمية غير موجودة ولو لقيتها هتكون ب3000 جنية
ال S2 النسخة العالمية : 2400-2450 جنية بدون ضمان , ودية انت ونصيبك
ونصيحة منى امسك اى تليفون قبل ماتشترية
طيب ماتجرب تشوف ال sony S وفى انواع كتير من سونى, انا معايا sony acro S بصراحه ممتاز بمعنى الكلمه, ممكن حضرتك تبص عليه بصه مش حتخسر حاجه.
حد يعرف التحديث الأخير Jelly Bean للاس 2 هينزل لمصر امتى ؟!!
شهر يناير بس دة للنسخة ال i
يا باشا والله كلهم موبايلات و يهنج شغال مش شغال مهوا كلهم كدة مفيش الا ال 3310 الي كان باشا :) شوف انتا الانسب في السعر و الشكل و الذوق لان ده حاجة للمدام حتمسكا كل شوية فحتفتكرك مش حتشوف البروسيسرو الي جواه و الرامات ::)
الحمدلله الذى وفقنى
اشتريت الجلاكسى اس ادفانس وكان سعرة يتراوح ما بين 2050 الى 2150 ولكن انا اشتريت الى سعرة 2150 لان الى كان سعرة 2050 كانت عليتة مفتوحة وكانت الجهاز معروض برة العلبة
والموبايل ممتاز فعلا وسريع والتاتش فىة ممتاز والكاميرا كويسة جدا على عكس ماكنت متوقع
والجهاز صناعة فيتنامى والبطارية صناعة يابانى مش عارف ازاى
واخيرا اشكرا الاخ سم سم منسق قسم هوندا على نصائحة المفيدة الى ساعدتنى فى شراء الجهاز
الف مبروكاقتباس:
المشاركة الأصلية كتبت بواسطة ahmed12345678
احنا كلنا بنشكر الاخ سمسم على التليفون ......بسبب كلامه انا اشتريت جهاز واقنعت بنت اختى بيه وجابته واقنعت زميلتى فى الشغل وجابته والحمد لله كلنا بعد التجربه 3 شهو ر محدش ندمان عليه بالعكس تليفون فيه اكثر من المتوقع.... و سمسم كان بعتلى لعبه عربيات نيد فور سبيد شيفت نزلتها عند صاحبى معاة س2 كل شويه يهنج منه وانا عمرها ما هنجت معايا وكمان عندة الماجيك جاك بيهنك التليفون كتير فعلا اكيد موضوع البروسيسور بياثر
مبروك. أنا عبز أقولك مراتي معاها جلاكسي y ب 725 جنيه ومع ذلك التاتش. ممتاز!
ما بالك بموبايل ب 2000 جنيه.
مبروك على المدام وعقبال ما تجيب لنفسك :)
ياباشا ربنا يخليك وربنا يباركلك فية , ولسة ان شاء الله هتكتشف فية بلاوى , الجهاز ملىء بالاوبشن الغير محدود بجد فعلا سمارت فون ممتازاقتباس:
المشاركة الأصلية كتبت بواسطة AHMED12345678
ياباشا على اية احنا اخوات واى حاجة عايزها فى التليفون انا فى الخدمةاقتباس:
المشاركة الأصلية كتبت بواسطة r_gamal1
بس غريبة موضوع الS2 انة يهنج كدة كل شوية فى لعبة , المفروض يعنى ان ال cpu والرامات , اعلى بس زى ماقولتلك قبل كدة دة كلام نظرى فقط على الورق , لكن على الواقع الفرق مافيش
يا عزيزى الزوج مبيجبش حاجة لنفسةاقتباس:
المشاركة الأصلية كتبت بواسطة ahmed_m_ashraf
الزروج شمعه تحترق من أجل مراتة وعيالة
صبرنا يا رب ......... هو اية الى الواحد عملة فى نفسة دة
ههههههههههههههههههههههههه ههههههه
انا متشكر ليك جدا ومعلش هتعبك معايا لما التحديث الجديد ينزل عشان اكيد مش هعرف يتعمل ازاىاقتباس:
المشاركة الأصلية كتبت بواسطة semsem kane
فعلا انا وصاحبى مستغربين من موضوع التهنيج دة مع اللعبه فعلا البروسيسور فارق