الموضوع: مشكلة الحرارة التي مرت بي ... وحلها النهائي

المشاركة الأصلية كتبت بواسطة dr.hazem

بالنسبالي مش مقتنع ان المشكلة كانت لان المواسسير اعرض والكلام ده
انا مغير الراديتير ومركب الواسع الصيني والحمد لله مفيش مشكلة نهائي واعتقد ان فعلا كان مسدود مش اكتر....
بالمناسبة..
السدد والوساخه بيحصل حتى مع الميه الخضرا...
تحياتي

sent from my se arc s using forum runner

المشاركة الأصلية كتبت بواسطة dr.hazem

بالمناسبة برضو...
مفيش حاجة اسمها الميه ترجع سخنه جوه الماتور...
امال الثيرموستات فايدته ايه؟
ده بيسمح بدخول وخروج الميه في درجات حرارة معينه...
ثم ان الراديتير الميه فعليا جواه بتغلي مش بتبرد لكن مهما كانت هتكون اقل حرازه من الماتور وبالتالي هتقلل حرارة الماتور

:-)
تحياتي

sent from my se arc s using forum runner

ياباشا أنا قعدت سنتين بعد ما غيرت الردياتير ما فيش أي مشكلة ومش واخد بالي من أي سخونة ... المشكلة لم تظهر إلا بعد ما ابتديت أسافر بالعربية وأقرص عليها جامد

حتى وهي واقفة على السلانسيه وفي عز الحر مهما تسيبها شغالة عمرها ما تسخن .. لكن لو قرصت عليها شوية بالبنزين وهية واقفة هاتبتدي تسخن وتلاقي مؤشر الحرارة بيرفع

وبعدين أنا سلكت الردياتير الصيني نفسه كذا مرة وبرضه مافيش نتيجة

ولو الجو حر وعملية التبريد مش جيدة المياه هاترجع فعلا سخنة للموتور والترموستات مش هايقدر يمنعها لأنه هايكون مفتوح لأن الموتور نفسه سخن وعايز يبرد ... لكن هايلاقي المياه راجعة سخنه .. حتى لو كانت أبرد من الموتور نفسه لكن مش بالدرجة الكافية لتبريده ... ومش هايبرد كويس والحرارة هاترفع واحدة واحدة


عملية تبادل الحرارة بين المياه والهواء الخارجي .. هو ده الفرق الوحيد بين الردياتير الأصلي والصيني

مواسير المياه الرفيعة دي هاتبرد المياه في لحظة حتى لو الجو حار

وبرضه ياباشا ماتقارنش بين درجة الحرارة هنا في مصر وبينها في الأردن .. لأن أنا في الشتاء مهما مشت بالردياتير الصيني عمر العربية ما هتسخن .. والإثبات إني سنتين فعلا ماشي بيه جوة البلد من قرص ولا شد ولا سرعة عالية .. وآخري على الدائري 80 - 90 كيلومتر / الساعة وعمر العربية ما سخنت مني بنفس الردياتير

الفرق الوحيد إن الموتور لما بيكون عليه حمل وبيسخن جامد ومحتاج يبرد بسرعة الردياتير الصيني مش بيقدر يسد معاه

المشاركة الأصلية كتبت بواسطة exact

أنا شاري ردياتير في الصيف اللي فات أصلي للسويفت وفعلا خدت بالي من حكاية المواسير دي

اللي موجود من الصيني ده 17 ماسورة مدورين والأصلي 32 ماسورة رفيعين مبططين مع اختلاف واحد عن الردياتير بتاع العربية الدينسو

ردياتير الدينسو فالسويفت 32 ماسورة في صفين... يعني 64 ماسورة وتخانة كل واحدة حوالي سنتي في ربع سنتي وفاصل بين كل صف واللي وراه حدوالي نص سنتي.... تمام؟؟

الردياتير الجديد 32 ماسورة صف واحد مستطيل بس تخانتها واخدة مساحة الصفين يعني اتنين ونص سنتي في نص سنتي وده يمكن بيحسن الكفاءة كمان

اهم حاجة مع مواتير السوزوكي هو عدم تركيب ردياتير ذو مواسير داخلية من النحاس تحت أي ظرف لمنع تكون الصدأ والترسبات... وضبط التاكيهات... وعدم استخدام بنزين 80 لأنه حقيقي بيسخن العربية وضبط الكهرباء

بالضبط كدة ... حضرتك لخصت بالأرقام كل الفيلم الهندي اللى عمال أحكي فيه من أول الموضوع

لما المياه تمشي في 17 ماسورة دائرية عريضة ... عمرها ما هاتبرد بنفس مستوى المياه اللى هاتمشي في 32 ماسورة رفيعة ومساحة تعرضها للهواء أكبر ... خصوصا في الجو الشديد الحرارة وتشغيل مستمر للسيارة على سرعة عالية

جزاك الله خيرا على المشاركة