| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 20

  1. #1

    الصورة الرمزية D . a .\ AYMAN

    رقم العضوية : 12806

    تاريخ التسجيل : 12Jun2008

    المشاركات : 2,817

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : D . a .\ AYMAN غير متواجد حالياً

    افتراضي مشكلة الحرارة التي مرت بي ... وحلها النهائي - Facebook Twitter whatsapp انشر الموضوع فى :

    hasad">

    طبعا اللى تابع معايا مشكلة الحرارة اللي مريت بيها في الموضوع ده


    فاكر التفاصيل ... ياريت لمن لم يقرأه أن يعود اليه أولا


    طبعا في عدد من الأخوة الأفاضل اللى ردوا عليا في الموضوع ده قالولي إن المشكلة دي ردياتير مش أكتر وده اللى خلاني أفكر في الموضوع ده تحت شوية هاتشوفوا


    المهم بعد لف ودوران حوالين نفسي وبرغم إن حكمي على الزيت لم يكن خاطئ تماما لأنه فعلا فرق في سحب العربية جدا ... يعني بعد ما كنت بجيب بالعربية بالكتير قوي 110 - 120 بالعافية بعد تغيير الزيت لاقيت العربية عايزة تجري لوحدها وبقيت عايزة تجيب 120 - 140 وكنت أوقفها .. وطبعا صوت الموتور والأحساس براحة العربية إنها مرتاحة مش مخنوقة ... كل ده أنا لسة حاسس بيه لغاية دلوقتي برغم إني عامل أهه بالزيت الشل حوالي 10000 كيلو برضه ... لكن لسة كويس جدا

    لكن تبقت مشكلة الحرارة اللى لسة موجودة ... هى قلت فعلا بدرجة ملحوظة لكن لسة موجودة برضه وده مش طبيعي حتى لو كان الجو حر جدا زي ما كان في الوقت ده ... لأن مش ده اللى انا اتعودت عليه من العربية ... وكمان مش الياباني اللى يسخن مش شوية هوا سخنين

    المهم قلت لأ لازم أروح لميكانيكي بيفهم نشوف الموضوع واحدة واحدة

    روحت فعلا وقالي لازم نفك الردياتير ونسلكه الأول قبل ما نتكلم في حاجة كبيرة .. وقد كان ..


    أول ما بتاع الدرياتيرات فكه ...

    قالي : الردياتير ده مش بتاع العربية يابيه صح
    قلته : صح إنت عرفت منين
    قالي : ده شغلي أنا يابيه وانت ما لكش فيه
    قلتله : قولي بس إنت عرفت منين يمكن كلامك يكون فيه الحل
    قالي : (بضيق صدر وبالعافية) إن الردياتير الأصلي بيكون الماسورة بتاعته ريشة رفيعة عشان كدة بتتسد كل فترة من المياه العادية وبنحتاج نسلكها ... لكن ده الماسورة بتاعته مدورة كبيرة ومساحة مقطعها كبيرة واستحالة تتسد بأي شكل من الشكال

    طب أنا أصلا مش بستعمل مياه عادية نهائي والعربية ما تحطش فيها سوى مياه الفابريكا الخضراء بتاعتها وغيرتها بمياه موبيل من فترة قصيرة ... يبقى المدورة الواسعة دي هاتتسد ليه بقى أصلا


    أنا سمعت كدة وتنحت ... ولاقيت فعلا الحل في كلامه ...


    قلتله : بس كدة وشكرا قفل اللى انت فاتحه ده وما تسلكش حاجة ...
    قالي : ليه بس يابيه ... ده جزاتي يعني إني بشرحلك
    قلتله : لأ ياسيدي مش كدة بس انت بتقول إن الماسورة دي مش بتتسد .. صح ؟
    قالي : صح
    قلتله : خلاص هاتسلكها ليه بقى
    قالي : بس يمكن ...............
    قلتله : ولا يمكن ولا ما يمكنش قفل الدنيا دي وهاتاخد حق الفك والتركيب ياسيدي

    هو سمع دي وراح مقفل كل حاجة وخد خمسين جنيه برضه ... بس مش خسارة فيه لأنه تعب برضه في الفك والتركيب وكفاية المعلومة اللي خدتها منه ... دي لوحدها تسوى كتير




    الفرق بين الأثنين بقى

    الردياتير الأصلي التبريد بتاعه بيكون عبارة مواسير مستطيلة رفيعة جدا طولية بعرض الردياتير وبتخلي كل حجم المياه الموجودة فيها يتعرض للهواء فبيتم تبريده بالكامل في لحظات معدودة لأن كمية المياه الموجودة في الماسورة الواحدة قليلة جدا ... عشان كدة بتكون كفاءة التبريد فيها عالية

    لكن الردياتير التقليد للاسف التبريد بتاعه عبارة عن مواسير مدورة مساحة مقطعها كبيرة وكل ماسورة بتشيل كمية مياه كبيرة وبيصعب على الهواء الداخل للردياتير إنه يوصلها بالكامل .. وده بيتسبب في إن جزء كبير من المياه ممكن يرجع تاني للموتور وهو سخن دون أن يتم تبريده بالكامل





    دي بعض الصور للردياتيرات الأصلي وباين فيها إن الخطوط الفضي الطولية دي هية المواسير بتاعة المياه




    سبيوكوا من الحاجات المدورة اللى تحت دي لكن مواسير التبريد هية الخطوط الفضي اللى بالطول واللى ما بينها دي صفائح التبريد المشعة للحرارة






    ودي صورة كمان لردياتير أصلي بس ده بتاع بيجو 505 تقريبا ونحاس مش فيبر وبرضه المواسير اللى شايلة المياه هية الرفيعة اللى واخدة من فوق لتحت بالطول دي






    وده واحد فايبر







    أما دي بقى صورة للردياتير الصيني معلش هي مش واضحة قوي بس لو دققتوا النظر هاتشوفو جوة شرائح الألمونيوم المشعة للحرارة في مواسير مدورة فضي .. هي دي اللى بتكون شايلة المياه



    ودي صورة كمان المواسير المدورة باينة فيها أكتر من جوة








    قصة الردياتير دي بقى إيه ...،

    في مرة من المرات وانا ماشي في إحدى شوارعنا الجميلة ورا إحدى السيارات ... فجأة لاقيت العربية اللى اللى قدامي راحت محودة جامد بتتفادى حاجة قدامها أنا مش شايفها حتى من خلال الزجاج بتاعه ... لاقيت إيه بقى في وشي ... بلاعة جميلة خالص وسو كيوت ارتفاعها حوالي نص متر بس .. وطبعا لبست فيها من غير كلام كتير

    والنتيجة إكسدام وردياتير وشوية حاجات كدة فوق بعض

    وطبعا لما جبت الردياتير من عند سوزوكي سنتر في التوفيقية .. الناس هناك مشكورة حلفتلي بكل الأيمانات إنه الأصلي بتاعها اللى بيجي من الهند ... وللأسف أنا ما عنديش علم فيه عشان أقدر أفرق الأصلي عن التقليد الصيني فخدته وأنا فرحان ومشيت وركبته





    نرجع لموضوعنا ... إوعى حد يتوه مني ... رجعت البيت وطلعت الردياتير الأصلي بتاعي ونزلت روحت لواحد في الحرفيين بتاع ردياتيرات وغيرت عنده العلبة اللى كانت مكسورة وركبت علبة جديدة ورجعت البيت تاني ... غيرت الردياتير التقليد وركبت الردياتير الأصلي بتاعها

    ... وقد كان بفضل الله ... ذهبت مشكلة الحرارة الى الأبد بإذن الله .. وكانت التجربة طبعا في طريق الصعيد الجديد وأنا متجه لأسيوط (طريق فاضي تماما بكون ماشي فيه لوحدي تقريبا وبقابل عربية كل نص ساعة حاجة زي كدة - بس دلوقتي إبتدى يعمر كتير وطريق رهيب بصراحة وجميل جدا في تخطيطه وحد السرعة عليه 120) .. وبفضل الله كنت ماشي 120 - 140 - 160 لتجربة السيارة وبحمد الله وما شاء الله ... لم يهتز مؤشر درجة الحرارة من مكانه لشعرة صغيرة حتى

    ونراكم على خير بإذن الله

    D . a . \ A Y M A N
    A . S . Y

    N.Y.S.M.A سابقاً


  2. #2

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    10000مبروك
    حل المشكله

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1


  3. #3

    الصورة الرمزية D . a .\ AYMAN

    رقم العضوية : 12806

    تاريخ التسجيل : 12Jun2008

    المشاركات : 2,817

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : D . a .\ AYMAN غير متواجد حالياً

    افتراضي -

    الله يبارك في حضرتك يافندم

    D . a . \ A Y M A N
    A . S . Y

    N.Y.S.M.A سابقاً


  4. #4

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    الف مبروك يا باشا حل مشكلة الحرارة
    كويس انك نقلت تجربتك في شرائه لأن الريداتير اتخرم عندي اليومين اللي فاتوا و اتشقلبت و فكيته تحت البيت و روحت لحمته و رجعت ركبته الموضوع بسيط بس محتاج الواحد يقلب بلية تحت العربية و فوقيها هههههههههه

    يا تري سعره كام عند سوزوكي سنتر و ايه البيانات المكتوبة عليه او النوع ؟؟

    و طبعا شل واضح انه لم يفقد سمعته منذ قديم الأزل

    بس انا زعلان منك بقي تكون في القاهرة الجديدة و متجيش المقابلات ينفع كده :)


  5. #5

    الصورة الرمزية drmagieed

    رقم العضوية : 110111

    تاريخ التسجيل : 12Aug2011

    المشاركات : 1,663

    النوع : ذكر

    الاقامة : Egypt-Mansoura

    السيارة: Aveo 2007 MT

    السيارة[2]: Fiat 128

    دراجة بخارية: معرفش أسوقها

    الحالة : drmagieed غير متواجد حالياً

    افتراضي -

    ألف مبرووووووووووووك ومعلومة مفيدة جدا لكل أعضاء المنتدي!!!

    اللهم إحفظ مصر آمنه مطمئنه سخاء رخاء وسائر بلاد المسلمين ... اللهم امين


  6. #6

    الصورة الرمزية Mostafa.Ismail

    رقم العضوية : 13108

    تاريخ التسجيل : 17Jun2008

    المشاركات : 1,147

    النوع : ذكر

    الاقامة : فيصل

    السيارة: NA

    السيارة[2]: Astra 1.6/A 2004

    دراجة بخارية: NA

    الحالة : Mostafa.Ismail غير متواجد حالياً

    افتراضي -

    طريقة تحليلك للمشكلة تستاهل تتدرس. والف مبروك لحل المشكلة.

    مصطفى إسماعيل

    mostafaismail سابقا


  7. #7

    الصورة الرمزية D . a .\ AYMAN

    رقم العضوية : 12806

    تاريخ التسجيل : 12Jun2008

    المشاركات : 2,817

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : D . a .\ AYMAN غير متواجد حالياً

    افتراضي -

    اقتباس المشاركة الأصلية كتبت بواسطة amr axel مشاهدة المشاركة
    الف مبروك يا باشا حل مشكلة الحرارة
    كويس انك نقلت تجربتك في شرائه لأن الريداتير اتخرم عندي اليومين اللي فاتوا و اتشقلبت و فكيته تحت البيت و روحت لحمته و رجعت ركبته الموضوع بسيط بس محتاج الواحد يقلب بلية تحت العربية و فوقيها هههههههههه

    يا تري سعره كام عند سوزوكي سنتر و ايه البيانات المكتوبة عليه او النوع ؟؟

    و طبعا شل واضح انه لم يفقد سمعته منذ قديم الأزل

    بس انا زعلان منك بقي تكون في القاهرة الجديدة و متجيش المقابلات ينفع كده :)

    بصراحة مش فاكر سعره قوي لأن الحادثة بتاعة البلاعة دي كانت من حوالي سنتين وشوية بس كان حوالين الـ 300 جنيه وماكانش مكتوب عليه أي حاجة

    وعلى فكرة أنا عرفت موضوع المقابلة بعد ميعادها للأسف .. لأني حاليا شغال في أسيوط والشغل في أسيوط بقى ما أقولكش حاجة جميلة جدا بصراحة ... مابقاش في وقت حتى أعرف أدخل المنتدى زي زمان


    اقتباس المشاركة الأصلية كتبت بواسطة drmagieed مشاهدة المشاركة
    ألف مبرووووووووووووك ومعلومة مفيدة جدا لكل أعضاء المنتدي!!!
    اقتباس المشاركة الأصلية كتبت بواسطة mostafa.ismail مشاهدة المشاركة
    طريقة تحليلك للمشكلة تستاهل تتدرس. والف مبروك لحل المشكلة.

    الله يبارك فيكم جميعا وحفظنا الله وإياكم

    الف شكر على مروركم العطر

    D . a . \ A Y M A N
    A . S . Y

    N.Y.S.M.A سابقاً


  8. #8

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    بالنسبالي مش مقتنع ان المشكلة كانت لان المواسسير اعرض والكلام ده
    انا مغير الراديتير ومركب الواسع الصيني والحمد لله مفيش مشكلة نهائي واعتقد ان فعلا كان مسدود مش اكتر....
    بالمناسبة..
    السدد والوساخه بيحصل حتى مع الميه الخضرا...
    تحياتي

    Sent from my SE Arc S using Forum Runner

    don't judge a car unless you have driven it

    hm414 سابقا


  9. #9

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    بالمناسبة برضو...
    مفيش حاجة اسمها الميه ترجع سخنه جوه الماتور...
    امال الثيرموستات فايدته ايه؟
    ده بيسمح بدخول وخروج الميه في درجات حرارة معينه...
    ثم ان الراديتير الميه فعليا جواه بتغلي مش بتبرد لكن مهما كانت هتكون اقل حرازه من الماتور وبالتالي هتقلل حرارة الماتور

    :-)
    تحياتي

    Sent from my SE Arc S using Forum Runner

    don't judge a car unless you have driven it

    hm414 سابقا


  10. #10

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    hasad">

    الف مبروك يا باشا حل المشكلة
    الحمد الله ..



 
صفحة 1 من 2 1 2 الأخيرةالأخيرة

المواضيع المتشابهه

  1. اخطر مشكلة فى السيراتو وحلها مع بائعه البخور
    بواسطة ابو ليلى في المنتدى كـــــيا
    مشاركات: 115
    آخر مشاركة: 11-11-2016, 12:02 PM
  2. مشكلة تيل فرامل اوكتافيا وحلها وتغيير زيت الفرامل
    بواسطة mezo73 في المنتدى زيوت وسوائل أخري
    مشاركات: 16
    آخر مشاركة: 22-09-2013, 02:41 PM
  3. اعادة تدوير الحرارة التي تخرج من الكمبيوتر لتدفئة الغرف والمنازل
    بواسطة hossam_elwani في المنتدى المنتــــــدى الاجتمــاعى
    مشاركات: 2
    آخر مشاركة: 20-12-2012, 07:13 AM
  4. مشاركات: 14
    آخر مشاركة: 26-11-2012, 11:23 PM
  5. مشكلة الحرارة وحلها
    بواسطة DESIGNER105 في المنتدى بــروتـــون
    مشاركات: 17
    آخر مشاركة: 06-11-2012, 02:28 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2