عرض للطباعة
كنت قريت ان صيانات العربيات الاسبيرانزا بتبقى كل ٥٠٠٠ كم او ٣ شهور ايهما اقرب. سؤالي لو انا مش بمشي بالعربية كتير يعني ال ٣ شهور دول حاعمل فيهم ٢٥٠٠ كم بالكتير حاضطر اعمل الصيانة برضه و لا مش لازم؟
لأن بالمنظر ده ممكن اعمل صيانة ال ٦٠٠٠٠ عند ٤٠٠٠٠ كم :E_braces[1]:
لازم ياباشا والا هتخرج برة الضمان لو ملتزمتش بالمدة.
انا نفس حالتك مش بمشى كتير بالعربية .انا عامل صيانة ال 35 الف عند 21 الف بسبب انى مش بعمل عداد بالعربية انما ماشى فى الصيانات بالمدة اللى هى 3 شهور.
بس معنى كده ان فيه حاجات حتتغير في العربية و هي لسه جديدة مش كده ؟
طيب هل اقدر اثناء الصيانة اختار اللي يتغير و اللي يتساب و لا التوكيل بيغير كله علطول ؟
معلش سؤال اخير، اسعار الصيانات بتبقى كام تقريبا يعني اعمل حسابي على مبلغ كام كل ٣ شهور ؟
حصلت مع زميل ليا مكنش يعرف موضوع أيهما أقرب دي (كم أو المدة) ولما راح عاوزين يخرجوه بره الضمان .. وكانت شغلانة وخناقة كبيرة وتهليل .. وفي الأخر بيوروله كتيب الضمان لاقى مكتوب الشرط ده .. ومكنش واخد باله منه .. وفي الأخر كملت ضمان بعد المناوشات دي كلها .. فخلي بالك من النقطة دي .
المشكلة الحقيقية أن أي توكيل في مصر بيبقى بيستنشق على حجة يخرج بيها العميل من الضمان بأي شكل .. فمتديهمش الفرصة دي .
انا كنت بعمل ال 5000 كيلو في 4 شهور او 4 و نص .... و كنت ماشي بالكيلو .... و خرجت من الضمان وانا عامل 45000 خلال 3 سنين
و خلال ال 3 سنين دول عملت صيانة 5 و 10 و 15 و 20 و 25 و 30 و 35و 40 ...يعني عامل 8 صيانات بس خلال 3 سنين مش عامل 12 صيانة زي المفروض....
الفكرة اني اكيد مش هعما ال 5000 في سنتين طبعا و امشي بالكيلو ..... انما طالاما مش في الرينج العادي شغال
مظبوط فيه حاجات هتتغير والعربية لسه جديدة .. زى زيت الفتيس انا غيرته عند ال 18 الف وهو اصلا بيتغير عند ال 30 الف.اقتباس:
المشاركة الأصلية كتبت بواسطة ahmed_farouk
بص انا مش متاكد من اجابة السؤال التانى بس انا فاكر فى صيانة ال 20 الف قالى هنكشف على التيل لو سليم هنسيبه لو متاكل هنغيره (كنت ساعتها عامل حوالى 13 الف بس) وساعتها التيل طلع سليم ومازال سليم ومتغيرش.
الصيانات بتختلف اسعارها حسب مايتم فيها:
- الصيانة العادية اللى مفيهاش تغيير اى حاجة: 110 جم
- صيانة عادية + تغيير زيت وفلتر: حوالى 450 جم
- صيانة 30 الف انا عاملها ب 610 جم (صيانة + تغيير زيت موتور وفلتر زيت + تغيير زييت فتيس)
- صيانة ال 40 الف هى اللى جملى شوية معرفش كام بالظبط بس بتعدى الالف عشان بتغير فيها طقم السيور والذى منه.
صيانه ال 40000 بحوالى 1900 جنيه فى التوكيل ولابد منها .
يالهوى!!!اقتباس:
المشاركة الأصلية كتبت بواسطة akmm
مش كتير لانها تشمل تغير كاتينه وبلي وسير دينامو وبلي دينامو وزيوت وبوجيهات وفلاتراقتباس:
المشاركة الأصلية كتبت بواسطة khaled_saga
الف شكر ليكو يا جماعة على تفاعلكم . انا كلمت خدمة عملاء اسبرانزا و قالو ان ال m12 صيانتها كل ١٠٠٠٠ كم او ٦ شهور ايهما اقرب. انا بصراحة مش عارف ايه الحكمة في كده يعني ايه الهدف من انه يغير حاجات في العربية قبل ما ييجي معادها !
حاجة تانية بقى ان العربية مش موجودة عندهم اساسا و احتمال تيجي على شهر ٣ (ده على كلامهم) و الموجود عندهم حاليا a113 و ال a620 فقط
امماقتباس:
المشاركة الأصلية كتبت بواسطة ahmed_farouk
يعني لسه ما اشترتش العربيه
علي العموم انتظر شويه افضل
لان في كلام ان الموديلات هاتتغير
اقتباس:
المشاركة الأصلية كتبت بواسطة hugan
بردو يالهوووووى :E_braces[1]:
القصة مش فى ايه هيتغير اكتر من ان المبلغ محترم
طيب قولى يا هوجان بلى ايه؟ قصدك بلى العجل؟ فيه تغيير سير تكييف كمان؟ الزيوت تشمل زيت فتيس (اللى اعرفه انه بيتغير كل 30 الف)؟؟
اقتباس:
المشاركة الأصلية كتبت بواسطة ahmed_farouk
ياراجل لسه مشترتش العربية؟ لو حاببها اكيد هتلاقيها فى معارض برة التوكيل كتير .. لو مش مستعجل استنى شوية زى ما اخونا هوجان قالك ان ممكن موديلات جديدة تنزل
الغريب كلام الصيانة كل 6 شهور او 10 الاف اشمعنا الموديلات القديمة كل 3 شهور او 6 الاف كم بس اقولك الحقيقة كل 3 شهور احسن لان الاسبرنزات بتحب الصيانة كل شوية خصوصا العفشة البايخة بتاعتها .. لكنها فى المجمل عربية جميلة برغم مشاكلها
بلي عجلاقتباس:
المشاركة الأصلية كتبت بواسطة khaled_saga
انا ماقولتش بلي عجل نهائي
الصيانه تشمل
سير كاتينه
عد 2 بليه شداد +1بليه بلحه
سير مجموعه تكيف + دينامو ا لاثنين سير واحد
عدد 2 بكره او بليه لسير التكييف
بوجيهات
زيت موبيل + فلتر زيت فلتر تكييف فلتر هواء
زيت الفتيس براحتك انا ع نفسي بغيره كل 20000
اظن ان السرفيس ده يعتبر اقل اسعار بين التوكيلات في مصر
لكن لو عملته عند اي ميكانيكي زي ما انا باعمل يتكلف كله 1000 او اقل
اقتباس:
المشاركة الأصلية كتبت بواسطة hugan
شكرا يا باشا للتوضيح
معلش فيه مسميات فى العربيات مفهماش اوى فافتكرت ان قصدك بلى العجل
اكيد هعملها فى التوكيل مادام جوة الضمان وبينى بينك ولو انها اغلى من برة لكن اضمن
ايون اضمن وانضفاقتباس:
المشاركة الأصلية كتبت بواسطة khaled_saga
واللي عايز يحافظ علي عربيته وكفائتها
يعمل شغله في التوكيل
لكن بالنسبه لي ما ينفعش
خليك متابع الصيانه لان التوكيل بيتلكك عشان يخرجك بره الضمان وعن تجربه العربيه عامله 85 الف كيلو وغيرت الاتى على الضمان
1- علبه دريكسيون 2500 جنيه غير المصنعيه
2-مساعد امامى يمين 600 جنيه
3-لوحة عدادات 1200 جنيه
4-كالون امامى شمال 250 جنيه
مسكو كتاب الضمان ورقه ورقه عشان لو مكنسل صيانه شغل تلكيك انا فاضل 10000 كيلو والضمان يقولى باى باى ومن الاخر انته فى الفتره دى عرفت مشاكل العربيه وممكن بعد ماتخلص فتره الضمان ممكن تتابع مشاكل العربيه بره التوكيل نصيحه للمره الاخيره خليك متابع الصيانات فى التوكيل
ايمين باشا قولى انت لما غيرت علبة دركسيون كانت ايه اعراض تلفها؟ اصل انا رايح يوم الاتنين وبصدد تغييرها عشان فيه دبدبة فى العفشة وتخبيط فى دواسة الدبرياج احيانا واخيرا نقر فى الطارة نفسها مع النقر والمطبات الرخمة.اقتباس:
المشاركة الأصلية كتبت بواسطة aftr
على فكرة سعرها دلوقتى 1950 جم فى التوكيل
يالهوى المساعد الواحد 600 جم!! انا مغير ال 2 مساعدين امامى من 3 اسابيع والبطاحات وبلى البطاحات بس الحمد لله ضمان ومدفعتش مليم .. ربنا يستر علينا بعد ما الضمان يخلص :_Alshmokh22[1]:
و سعرها"علبة الدريكسيون" في المتحده ب 1800 حسب كلام م/محمد رشاد
بس بيتعملها طقم اصلاح ب 500 -600 ...بدل التغيير يعني
هو الصراحة يا محمد مش مهم سرعها مادام انا لسه جوة الضمان :E_braces[1]: المهم انها تبقى متوفرة عشان لو فعلا هى اللى فيها العيب تتغير واخلص بقا من الوش دهاقتباس:
المشاركة الأصلية كتبت بواسطة hemaa_82
انا عملت صيانة الالف ف عيسي بالمنصورة ودفعت 410 وكتبوا ف الضمان صيانة ال10000 او شهر 6 القادم ايهما اقرب محدش جاب سيرة ال5000 الا موظف الستعلامات قالي هتلاقي مفتاح الصيانة ف m11ظهر عندك تعالي واحنا بنلغية بس مع اني ايضا مشاوري مش كتير وممكن ادخل علي شهر 6 وانا معملت ال10000 خاااااالص بس لازم اروح