تغيير كاوتش نيسان صنى الجديدة

**hamadakotb** · 26-12-2012 10:25 PM

السلام عليكم صقور نيسان
عندى استفسار للاخوة اللى قاموا بتعريض الكاوتش للصنى الجديدة من 15-65-185 الى 15-60-195 هل يؤدى ذلك الى خروج العفشة من الضمان ام ان ذلك لا يؤثر على ضمان العفشة؟

شكرا لحضراتكم

**anona** · 26-12-2012 10:33 PM

مهم الرد

**saint2011** · 26-12-2012 10:55 PM

شوف حضرتك هو لن تؤثر على العفشة فى شىء لكن مهندس التوكيل ميقدرش يقولك كده عشان لا قدر الله لو قالك مفيش مشكلة عرض ممكن يبقى الموضوع سداح مداح وكل واحد هيعمل أللى هو عايزة ولو حصلت مشكلة لقدر الله هيقولك ده مهندس التوكيل قللى مفيش مشكلة عرض لكن أحنا كلنا كملاك للصنى الجديدة هنخاف على عربياتنا أكتر من أى حد والتعريض لمقاس 195-60-15 له أساس علمى وتم شرحة أكثر من مرة ولن يؤثر سلبا على العفشة او الثبات أو الأتزان بل على العكس هيزودهم وللعلم 195-60-15 ده كان المقاس للسوبر صالون الشكل القديم وبعدين المقاس ده أعتمده كمان الدكتور يوسف قلب الأسد منسق القسم المساعد وأحد أهم أعلام قسم نيسان وصقرنا الهمام وأيضا توكيل بريدجستون صدق على هذا المقاس كتعريض إيجابى بدون أى تأثيرات سلبية

**hamadakotb** · 26-12-2012 11:05 PM

شكرا استاذ حاتم على التوضيح ، دايما كده مرجع لنا فى كثير من الامور.

**anona** · 26-12-2012 11:44 PM

لو عرض المقاس وحصل اى مشكلة فى العفشة وهى فى الضمان ما موقف الشركة من الضمان ولا ها يتلكك بالتعريض
وشكرا للاهتمام

**hamadakotb** · 27-12-2012 12:10 AM

متابع باهتمام

**saint2011** · 27-12-2012 12:15 AM

المشاركة الأصلية كتبت بواسطة anona

لو عرض المقاس وحصل اى مشكلة فى العفشة وهى فى الضمان ما موقف الشركة من الضمان ولا ها يتلكك بالتعريض
وشكرا للاهتمام

شوف حضرتك لو هيتلكك بالتعريض يبقى أصلا هو عايز يتلكك على أى حاجة وحتى لو مش معرض هيدور على حاجة تانية يتلكك عليها ممكن يقولك أنت خدت مطب جامد وده سوء أستخدام وبرضه مش هيغيرلك حاجة فى الضمان أتمنى تكون وصلت لحضرتك