ممكن حد من خبراء المنتدي يقول لي احسن حاجة ممكن تنظف الرشاشات
عرض للطباعة
ممكن حد من خبراء المنتدي يقول لي احسن حاجة ممكن تنظف الرشاشات
فيه منظف بيتحط مع البنزين سعره 80 جنيه تقريبا..
وممكن تحطهم على جهاز الألتر سونيك هيرجعهم جداد بــ 100 جنيه ودا أفضل حل وأحسن من المنظف بكتير.
جميل ...............
في الجهازدا يا باشا
1 - الترا سونيك
2 - منظف رشاشات التنك ب 35 جم stp
وفيه stp ٍسعره 65 جنية ودا منظف لدورة البنزين بالكامل والراشاشات وطرمبة البنزين وكمان لما بيحترق جوه الماتور بينظف البساتم من الكربون
قبل التفويل هتحط العلبة كلها
وتفول العربيه بلكاااامل " المنظف دا بيتحط على 50 ل 80 لتر بنزين"
ويفضل انك تمشى بالعربيه على طريق سريع وتحرق على الغيارات بتاعة العربيه كل فتره وتوصل ل rbm عالى لفتره
عشان المنظف يضخ لفتره طويلة داخل نظام دورة البنزين والرشاشات
لو في حد عنده الألتراسونيك في الإسكندرية ............يا ريت يفيدنا
انا كنت سامع كده فعلا وناس تقلك بعد لما تاخد المشوار تغير الفلتر ده صح ولا غلط
انا كنت استعملته حطيته علي 20لتر اول ماشتريت العربيه الي بياعها قالي جيبه عشان كان بيستعمل بنزين 80 ولما حطيته العربيه في الطلعه تتقل وبعدين تسحب كويس ياريت تصحح ليا المعلومه
يفضل ان الفلتر ميكونش متوسخ وانت بتحط المنظف عشان مياخدش وساخة الفلتر على الرشاشات ويوسخها
بس مفيش داعى انك تغير الفلتر لان المنظف مش هيبوظه
والسحب اكيد المفروض انه يتحسن بعد إستخدامك للمنظف ومتحسش باى كتمة
يعني من كلامك الاحسن
1- اغير الفلتر لو بقاله فتره مع العلم انا بستعمل بنزين 92
2- افول التانك
3- احط المنظف
4- امشي علي طريق سريع
5- احرق علي الغيارات يعني rbm عالى لفتره يعني مثلا اول لحد 3 والتاني لحد 3 والثالث لحد 3ونص او اربعه والرابع زي التالت والخامس زي ميجي صح الحرق ولا ازاي
وياريت كمان لو تقول نوع كويس كده انته وصلت المعلومه كامله
شاكر جدا لتعبك
اول حاجة يفضل فلتر البنزين يكون نظيف او متغير من قريب
ثانيا اشترى العلبة بتاعة المنظف " افضل stp العلبة الفضية او الى لونها اسود "
حطها فى التانك وانت فى محطة البنزين بعدين فول العربيه لللأخر
طبعا يفضل تكون هتسافر مثلا مشوار 100 كيلو على الاقل
احرق على الغيارت بس مش كل المسافة اكيد
انا عن نفسى بوصل ال rbm ل 5.5 فى النقلات وبمشى فتره حوالى 3 دقايق على سرعه عالية على 4 rbm كل شوية
لو البوجيهات هتتغير غيرها بعد ما تخلص المنظف وياريت تنظف البوابة والحساسات وتعمل ideal learn وبإذن الله تحس بتحسن
الف شكر ليك
انا فعلا استفدت وان شاء الله الكل يستفاد
الواحد كمان بعد لما ينظف دورة البنزين كلها والبوابة والحساسات ييغسل الريداتير ويغير لمياه خطرا خليي العربيه تفوق
شكرا جدا ليك
حسام السويدي
موضوع الحرق علي النقلات ده مش صح الافضل السير بالعربية علي سرعة ثابته 80 او 90 كم /ساعة ودا علشان تنظم وقت مرور المنظف في الرشاشات
فى اخر شارع فؤاد شمال فى شارع شمال اسمه صلاح الدين الشارع كله بتوع قطع غيار فى واحد صاحبى راح عمل الرشاشات هناك بس هو كمان مش فاكر اسم المحل
بس قولى ايه السبب اللى يخليك تحكم على ان الرشاشات عاوزه تنظيف ؟؟؟؟؟
الالتراسونيك مش بس جهاز تنظيف ده كمان بيقيس الرشاشات فممكن يبقى عند مشكله في رشاش او اتنين يعمله تأثير على السحب وممكن يدخلوك في دايره البوجيهات والفلتر ونوع البنزين ،،،،،،،،، الخاقتباس:
بس قولى ايه السبب اللى يخليك تحكم على ان الرشاشات عاوزه تنظيف ؟؟؟؟؟
سؤال مهم
و معرفش إجابته.......لو في مشكلة في الرشاشات أعتقد هتبقى عايزة تتغير......... و لو مفيش طيب ما هس تمام، هنضفها ليه؟
بجانب ان تنظيف الرشاشات بالالتراسونيك بيرجعها لحالتها تقريبا وخصوصا ان معظم الاضافات بتاعة تنظيف الرشاشات ملهاش تأثير قوي وواضح قوي
يعنى انا اقصد انى عندى احيايا بحس العربيه مكتومه و احيانا لا
انا فكيت الرشاشات و رشيت عليهم كارب كلينر بس ما حستش بفرق
عشان كده كنت عاوز اعرف ايه هى الاعراض الى تبين تلف او انسداد الرشاشات
انا اعرف لو بتسيل هاتغيب فى الدواره