الموضوع: مدى الرؤية في مراية الجين 2 بالصور لمن يريد أن يرى بنفسه

ما شاء الله عليك تقرير رائع

المشاركة الأصلية كتبت بواسطة mhassan9

أنا شايف أنه كويس جدا والشطفه اللي في المرايا اللي من فوق دي مش مؤثرة علي حد علمي

معلش أستاذ توت أنا ليا سؤال بعيد عن الموضوع شويه
هو الألون بتاعت الجين بتبهت مع الوقت زي بقيت العربيات علي المدي القصير ولا عمرها الأفتراضي كويس
أنا بسأل لأني حاجز عربية وقدامي ٣ أختيارت فقط
أسود - أحمر - فضي لأن دا بس اللي متاح حالياً

الأسود أنا مستبعده ولو أنه عاجبني جدا في العربية بس دا لون مينفعش مع مصر
الفضي كان لون عربيتي القديمة فحابب أغير للأحمر بس خايف يبهت مع الوقت ويبان فيه التجريح زيه زي الأسود ودي ميزة الفضي اللي مش بيبان فيه

فهل الأحمر من تجربتك في ألوان الجين لون عملي ولا أخليني في الفضي
ومعلش خرجت بره الموضوع سامحني بس أصلي محتار شويه

رأيى المتواضع.... الفضى

*انا لما رحت المعرض مكانش عارض غير الاحمر وهو جامد اوى عليها وخصوصا مع الاضاءة، وهو ده اللى حببنى فى العربية
بس بعد كدة مجيبتوش لسببين
1- عشان العين والحسد لانه حلو اوى وملفت جدا
2- اللون بيغير بعد فترة وبيبهت قوى-شفت العربيات اللى بقالها فى حدود سنة-

انا لسه مستلم الفضى من اسبوع وهو عملى جدا وشيك،وحافظ عليه من الشمس بانك تجيب غطاء
وربنا يوفقك ومتنساش الاستخارة

المشاركة الأصلية كتبت بواسطة tutankhamoun

الأخوة الكرام ... السلام عليكم .
في الفترة الأخيرة أثار البعض التساؤلات على مراية الجين 2 و مدى الرؤية فيها و هم طبعا أخواني المقبلين على شراء سيارة جين 2 .
طبعا الوصف بالكلام بيكون صعب و مش بيوصل بنفس طريقة الرؤية .

أنا أخدت شوية صور للمراية و أنا ماشي في الطريق للتوضيح .
و سأقوم بالشرح لكل صورة حسب ما كنت شايفها وقت ألتقاطها .

الصورة الأولى :

الصورة مبينة تقريبا حارتين .... الرئية بتكون واضحة للسيارات البعيدة عنك
لو في عربية في في مسافة معينة من عربيتك ... ساعات مش بتبان .... هايظهر أكتر في الصور اللي جاية .


الصورة التانية

العربيات قربت مني قوي ...
طبعا أنا شايف عربيتين .... العربية اللي في الحارة الملاصقة لي و العربية في الحارة التي تليها
مدى الرئية جيد ... (أنا كنت على مطب علشان كدا العربيات ظاهرة و كأنها أوطى مني )



الصورة رقم 3

العربية اللي في الصورة دي كانت لاصقة في العربية بتاعتي تقريبا و لما بدأت تبعد عن رؤية المراية و تقرب مني قوي ....



الصورة رقم 4

خدوا بالكم بقى من العربية الفولكس اللي في الصورة رقم 4 ..... و الصورة رقم 3 اللي فاتت .



الصورة رقم 5 و الأخيرة .



في النهاية .
مراية الجين 2 مدى الرئية فيها جيد و لا يزيد عن ذلك .

مراية البرسونا أفضل طبعا علشان تصميم مراية الجين 2 متعمد علشان الشكل الرياضي و التصميم الأيرودينامك الخاص بالسيارة .

مع العلم .
أن المرايا يمكن تعديلها كهربائيا في الأربع أتجاهات (فوق و تحت و يمين و شمال )

و أنا بحب أضبط المراية بحيث أبقى شايف عربيتي نفسها و أقارن مكانها بالعربيات على الطريق علشان أعرف هما قريبين مني مسافة أد أيه .

شكرا وتسلم ايديك وجزاك الله خيرا
وانا شايف انها معقولة وكويسة عن تجربة

تسلم على الصور ياباشا والتوضيح انا معايا برسونا وجايب مرايتين صغيرين بلاستيك بيتلزقو عالمرايا الاصلية ومفيدين جدا وباشوف كل حاجة