السنتر

**moby** · 22-07-2008 09:20 PM

المشاركة الأصلية كتبت بواسطة Sherif Khalifa

للاسف معرفش مكان كتاوت الفبريكة فين
بس لو فى نفس المكان اعتقد هتكون نفس المشكلة

الكتاوت موجود فى الناحية اليمين المقابلة لعلبة الفيوزات فى الشمال
تحت الفبر يوجد كمبيوتر السيارة ويوجد تحته كتاوت السنتر الفبريكة..

**Sherif Khalifa** · 22-07-2008 10:20 PM

المشاركة الأصلية كتبت بواسطة moby

بعد التحية
أرجو من حضرتك شرح الموضوع ده تفصيليا
لآنى أعانى من مشكلة السنتر عند غسيل السيارة ولم أجد لها حل حتى الأن..
مع العلم السيارة لانوس كاملة 2001 ولكن تم تركيب سنتر بالريموت والأنزار
عليها على سنتر الفبريكة..فكيف يدخل الماء لا أعلم ؟؟؟
وشكرا مقدما.....

الكتاوت الى بتركب بيركبوها داخل علبة الفيوزات الموجدة جنب رجلك الشمال
المنطقة دى بيدخلها مياة من رشاش المياة لما يغسل العتب بتاع الباب (علشان كدة بنبه على العامل ميجبش عليها مياة) علشان ممكن تعمل مشكلة اكتر من السنتر, العربية كلها ممكن تفصل كهرباء تماما لما فيش الفيوزات تملح مع الوقت و دا حصل معيا فعلا

الحل انك تفك الكتاوت و تنظف الدايرة بتاعتة بمزيل صدأ و تلفة بكيس بلاستك كعازل للمياة
و كمان احشى ورا منطقة الفيوزات بكيس بلاستك علشان تحمى ضهرها من مياة الامطار و الغسيل
ارجو انى اكون افدتك

**moby** · 22-07-2008 10:39 PM

المشاركة الأصلية كتبت بواسطة Sherif Khalifa

الكتاوت الى بتركب بيركبوها داخل علبة الفيوزات الموجدة جنب رجلك الشمال
المنطقة دى بيدخلها مياة من رشاش المياة لما يغسل العتب بتاع الباب (علشان كدة بنبه على العامل ميجبش عليها مياة) علشان ممكن تعمل مشكلة اكتر من السنتر, العربية كلها ممكن تفصل كهرباء تماما لما فيش الفيوزات تملح مع الوقت و دا حصل معيا فعلا

الحل انك تفك الكتاوت و تنظف الدايرة بتاعتة بمزيل صدأ و تلفة بكيس بلاستك كعازل للمياة
و كمان احشى ورا منطقة الفيوزات بكيس بلاستك علشان تحمى ضهرها من مياة الامطار و الغسيل
ارجو انى اكون افدتك

شكرا جزيلا..
سوف أحاول فك علبة الفيوزات وعزلها كما قلت..
لكن الغريب من أين تدخل الماء بالضبط ... و كيف لم يلاحظ ذلك مصنعين السيارة ؟؟

**Sherif Khalifa** · 22-07-2008 11:25 PM

اصل دا مجرد غطاء بلاستك مش عازل للمياة
تانى حاجة المياة الى خارجة من رشاش المياة بتخرج بقوة شديدة جدا فا طبيعى انها تتسرب من اى مكان

**mohamedsayed** · 23-07-2008 12:17 AM

الكتاوت الاصلي بلفعل ناحيه اليمين اخلف الكنترول ولونه اسود بفيشه بيضاء ودائما العيب فيه

اما اللي في الناحيه الشمال الاصلي فهو في النوبيرا بجانب علبه الفيوزات

**acounter01** · 24-07-2008 10:13 AM

عزيزي موبي
المشكلة بدأت معايا بعد غسيل العربية اجي اقفل العربية بالريموت يقفل باب السائق فقط
ولما أجي افتح باب السائق يتم غلق باقي الأبواب مع العلم اني لسة مركب الإنذار جديد
في نفس الوقت ممكن اغلق السيارة بالريموت يتم غلق كل الأبواب مضبوط كما قال الكتاب المشكلة دي جننتني وحتي الأن لم أعرف حلها
في ال قالي ركب سنتر جديد
وفي ال قالي دفيرة الكهرباء بها مشكلة
وفي ال قالي سوف الفيوزات انا بصراحة اتجننت

**minagold** · 24-07-2008 03:14 PM

انا نفس المشكلة دى عندى بس فى النوبيرا دل مش بس كدة انا اوقات انزل الاقى العربية فيها بابين تلاتة مفتوحين و المشكلة طلعت ان وحدة السنتر الرئيسية اللى فى باب السائق بيدخلها مياة من الغسيل و دة طلع ان الكوتش اللى بين الزجاج و الصاج نفسة مفسح و الجلد مش على الازاز كويس و دة كان بسبب ان الجلد نشف فمبقاش يمسك زى الاول ... جرب تروح لحد بتاع ازاز يبوصلك على الجلد اللى حولين الازاز و انتا اكيد ممكن تلاحظ الفرق دة بين باب السائق و اى باب تانى

**moby** · 24-07-2008 10:52 PM

المشاركة الأصلية كتبت بواسطة acounter01

عزيزي موبي
المشكلة بدأت معايا بعد غسيل العربية اجي اقفل العربية بالريموت يقفل باب السائق فقط
ولما أجي افتح باب السائق يتم غلق باقي الأبواب مع العلم اني لسة مركب الإنذار جديد
في نفس الوقت ممكن اغلق السيارة بالريموت يتم غلق كل الأبواب مضبوط كما قال الكتاب المشكلة دي جننتني وحتي الأن لم أعرف حلها
في ال قالي ركب سنتر جديد
وفي ال قالي دفيرة الكهرباء بها مشكلة
وفي ال قالي سوف الفيوزات انا بصراحة اتجننت

عزيزى
بعد التحية
سبب كل ذلك دخول الماء الى وحدة السنتر الرئيسية الموجودة فى باب السائق
أو كتاوت وحدة السنتر الرئيسية وتعالج بعزل الكتاوت بكيس نيلون و تحكم غلقه..