بصوا يا اخوانا..... عشان نفهم فى كبسولة كده الموارد الرئيسية للاقتصاد المصرى..... اولا و ده لحسن الحظ انه مش مورد خارجى لكنه جيبى و جيبك و جيوب كل الناس.... اللى هو الضرايب اللى بيسموها الموارد السيادية (ليه قلت لحسن الحظ انه مورد داخلى مش خارجى: لان فى بلد زى ايران تعتمد بالاساس على تصدير البترول لما منعوا عنهم تصدير البترول العملة المحلية فقدت جزء كبير من قيمتها)..... اما موارد العملة الاجنبية فهى كالتالى:
1- الله يرحمها السياحة..... قبل الثورة كان بيدخل مصر 12 مليون سائح كل مليون منهم = مليار دولار داخلة البلد..... حاليا السياحة فى الانعاش يعنى تقريبا الاقتصاد المصرى خسر ال 12 مليار دولار دول
2- التصدير..... حوالى 30 مليار دولار لكن للاسف كلها تصدير لمواد خام و سلع زراعية مش صناعية بس مش مهم المهم تفضل شغالة
3- الاستثمار الخارجى المباشر: قبل الثورة كان 17 مليار دولار..... للاسف حاليا تقلص هذا الرقم الى 1.6 مليار دولار
4- قناة السوييس..... و دى الحمد لله من الموارد شبه الثابتة فى الايرادات و بتعمل بتاع 4 او 5 مليار دولار سنويا
5- تحويلات المصريين بالخارج و دى بتجيب حوالى 11 او 12 مليار دولار سنويا
للاسف اللى منيل الدنيا ان احنا بنصدر ب 30 مليار و بنستورد ب 60 مليار و تخيلوا الفرق المهمول لصالح الواردات اللى لازم تقل..... خاصة مع النقص الواضح فى الموارد اللى قلتها فوق
المفضلات