الموضوع: مشكلة ف النور العالي والواطي وتم الحل

الصنايعيه وما ادراك ما الصنايعيه ... وان كان مش كلهم ... المهم ان تكون وصلت كويس علشان مايحصلشى شرز او تلامس خاطىء لاقدرالله ..........

المشاركة الأصلية كتبت بواسطة islamagdi

انا كان عندي مشكلة في النور العالي والواطي شوية يفصل وشوية يشتغل

روحت لاتنين كهربائية كل واحد يقولي غير المفتاح اصله بيعلق . اقوله طيب شوف الفيوز يمكن تكون حاجة معلقة يقولي غير بس المفتاح. وعلى فكرة الكهربائية عايزين يفكوا ويركبه بس لكن لما تكون مشكلة مبيحبوش يدورا ويتعبوا نفسهم
واحد صاحب يقالي ممكن تكون الكتاوت

المهم

دورت على المفتاح ملقيتوش .
بعدين قررت اصلحها بنفسي

عرفت الفيوزات من المانيول بتاع العربية شوفتها لقيتها سليمة

فتحت الكبوت
فكيت الكتاوت ووصلت عليها 12 فولت اشتغلت يعني سليمة (هي فيها ملفين جربت الاتنين اشتغلوا)

بقيت ادوس على الزرار واشوف الريليهات لقيت واحد بيلقط يبقى كده المفتاح سليم

قلت يمكن يكون الريليه فيه مشكله غيرته بواحد تاني جنبه برده ما اشتغلتش يبقى الريليه سليم

في علبة الكهربة من فوق الضفيرة متركبة بجاكات كده بدوس عليها اشتغلت

طلع ف الاخر الضفيرة مش راكبة كويس

بس الحمد لله وصلت للمشكلة وقلت اقولها لكم يمكن يكون فيها فايدة

الحمد لله انها جت بسيطه

وفعلا الصنايعيه بيكسلو يدورا على المشكله

انا حصل معايا كده برضه بس فى الفوجات