الحلقة ئلي فيها سن طويل في مجموعه العدة والاستبن الغرض منها فك وخلع غطاء صاموله العجل من الجنط
عرض للطباعة
الحلقة ئلي فيها سن طويل في مجموعه العدة والاستبن الغرض منها فك وخلع غطاء صاموله العجل من الجنط
يا ياشا الف مبروك اولا علي العربيه
انا لسه مستلمها لوالدي من حوالي شهر و العربيه اكثر من رائعه يمكن تكون بتزهقك في الأول علشان موضوع التقل في الطلعه لكن صدقني حاتستمتع بيها جدا مع مرور الوقت و هي الحقيقه مشجعاني اني اجيب واحده بس الموضوع محتاج شويه تفكير و تجميع حبه فلوس كتير علشان اجيبها .
تحياتي
اوبااااااااا ،،، فينا من كده ولا ايه؟؟ :E_braces[1]:
انا فعلا لاحظت الحركات دي في بداية تشغيل الزينون بس مش قادر الاحظها مع لف الدركسيون
تقدر تقولي هي بتشتغل من انهي حته في القائمه؟؟ وبعدين في حاجه تانيه في ال assistance خاصه بالإضاءة مش قادر اعرف بتعمل ايه؟؟
وموضوع التقل ده ساعات بيحسسني ان العربيه مش هتسعفني ربنا يسهل وأتعود عليه بسرعه
معلش فيه عندي سؤال تاني في مثبت السرعه ،، هو بيفصل اول ما ادوس فرامل ولازم بعد كده اشغله تاني مفيش حل تاني؟؟
ومفيش محدد للسرعه بمعني اني اخلي العربيه مثلا ماتزيدش عن ٩٠ مثلا مهما دوست علي البنزين؟؟
وحاجه تانية برضه إنذار السرعه صوته واطي جداً لدرجة اني ما بسمعهوش ،، هي "تن" واحدة وخلاص ،، ليه مبيصدعش؟؟؟
معلش هتقل عليك
واضح إن حضرتك كان معاك عربية ياباني قبلها بس أوعدك إسبوعين تلاتة بالكتير وحتتأقلم عالموضع 100% شرط إنك متسوقش عربية ياباني معاها وأنا بالنسبالي موضوع تقل الطلعة ده ميزة لإن مثلا اللانسر طلعتها خفيفة فبتلاقيها في الزحمة كل شوية تنط منك ومش راسية كده ومهما خففت الدوسة فبتخليك إنت وإللي جمبك مش مرتاحين ده غير إن إللي قاعد جمبك ممكن بطنه تقلب من تنطيط العربية في الزحمة بعكس الأوكتافيا طلعة موزونةاقتباس:
بينك وبينك انا بدات اتخنق من العربية ،، موضوع التقل اللى فى الطلعه ده مضايقنى جدا جدا ،، بحس اني عايز اقف على دواسة البنزين علشان تمشى
وبالنسبة لمثبت السرعة بيفصل مع الفرامل طبعا ومبيفصلش مع تزويد البنزين
وعشان تستنأف تثبيت السرعة في زرارين واحد +RES وده بيرجعك أوتوماتيكيا للسرعة إللي كنت مثبت عليها مسبقا يعني مثلا لو مثبت على 150 وبعدين فصلته ونزلت لسرعة 50 مثلا أما تدوس عليه تاني حترجع 150 لوحدها من غير ماتضغط على البنزين
أما زرار -SET بيثبت على السرعة الحالية
ولو مش عايز مثبت السرعة يفصل مع الفرامل ممكن تخفف السرعة من خلال زرار -set من غير الحاجة لضغط الفرامل وبعدها تدوس ضغطة واحدة على +RES عشان العربية ترجع لسرعتها المثبتة مسبقا
العربية طلعتها تقيلة لكن غير كده سحبها زي إخواتها اليابانية بالضبط إن لم تكن أسرعاقتباس:
وموضوع التقل ده ساعات بيحسسني ان العربيه مش هتسعفني ربنا يسهل وأتعود عليه بسرعه
مفيهاش محدد سرعةاقتباس:
ومفيش محدد للسرعه بمعني اني اخلي العربيه مثلا ماتزيدش عن ٩٠ مثلا مهما دوست علي البنزين؟؟
وحاجه تانية برضه إنذار السرعه صوته واطي جداً لدرجة اني ما بسمعهوش ،، هي "تن" واحدة وخلاص ،، ليه مبيصدعش؟؟؟
وبالنسبة لصوت إنذار السرعة فأنا شايف إنه كفاية قوي شاشة الترب كميوتر بتتعطل وبتفضل كاتبة إنك تجاوزت السرعة ودي في رأيي أكثر تنبيها وأوضح بكتير من صوت الإنذار المتواصل بتاع الياباني
وبالنسبة للأوكتافيا مفيش قلق منها حتى في السرعات العالية لإن ماشاء الله العربية طوبة عالأرض على أي سرعة ومهما كانت ظروف الطريق
انا اسف ياباشا على تأخرى فى الرد
- خاصيه ال AFS موجوده فى قائمه Assistance بس زى ما قلت لحضرتك انا لسه مش جربت العربيه بالليل علشان احكم ده بيشغل اتجاهات النور ولا لأ ...
- بالنسبه لموضوع التقل اللى فى الطلعه ... بصراحه الأخوة الأعضاء ردوا احسن رد على حضرتك بس احب اطمنك وأحكيلك حكايه حصلت معايا ... فى عام 2005 نزلت الأوكتافيا ال A5 مصر وكان نازل اعلاناتها وهى متغطيه وكان كل اسبوع بمنوا علينا ويكشفوا منها حته المهم انا كنت فى الوقت ده متابع قوى لمجله WhatCar الإنجليزيه وكانت المجله عامله مواضيع عن العربيه دى وطالعين بيها السما المهم نزلنا التوكيل واشترينا واحده وكانت اول فئه اوتوماتيك ب 156 الف من غير كاسيت ولا مثبت سرعه ولا تكييف كليماترونيك .. اشتريناالعربيه الحمد لله ... طبعا وانا سايق العربيه من ارتوك اوتو المقطم حتى منزل المقطم كنت هاتهبل العربيه مش عاوزة تسحب خالص انا ماشى على 50 مثلا والعربيه على السرعه الخامسه ومش عاوزة تدوس عن كده - على فكره دى كانت اول عربيه اوتوماتيك اشتريها وعمرى ماكنت سقت عربيه اوتو ماتيك 6 سرعات فى حياتى - بصراحه كنت هأعيط واتخنتقت من العربيه موت حسيت انى خدت اكبر مقلب فى حياتى لحد ماطلعت بره القاهرة وطلعت على الطريق الصحراوى فوجئت بحاجه تانيه خااااااااااالص العربيه ماشاء الله وهميه بجد الفتيس ال 6 سرعات ده جااااااااااامد ولحد دلوقتى مش مالى عينى اى عربيه غيرها _ سوى الجولف 5 بصراحه هى نفس السحب والركوبه بس فى الملفات حاسس انها اثبت يمكن علشان هاتشباك_ انا اشتريت عليهالانسر وكروز والانترا كل دول مع بعض كوم والأوكتافيا كوم تانى وحتى لما اجى اجرب عربيات صحابى كورولا او الالنترا ... والدليل ان العربيه ال 2005 لسه معانا لحد دلوقتى و اشترينا فانتازيا وصعب ان احنا نفرط فى الأوكتافيا...
مش تستعجل فى الحكم على العربيه شويه لما تتعود علي الفتيس هتعرف بدوسه بنزين انك تتحكم امتى ينقل بدرى وامتى ينقل متأخر وامتى مش ينقل لما تكون بتسحب .....
الف مبروك يا عم على العربيه
خلاص جبت العربيه و عمال تعمل مواضيع و سيبتنى هايم فى ملكوت الله بدورلى على عربيه و مش لاقى
اهدى بدل مانشك عين
الحق امن على العربيه
الف مبروك يا حبيبى و ربنا يباركلك فيها و يرزقك خيرها و يكفيك شرها ان شاء الله