سؤال بخصوص اللابتوبات الجديد اللي فيها هاردين

**د.محمود صلاح** · 27-12-2012 04:18 PM

السلام عليكم

استفسار من اللي اشترى اللابتوبات الجديدة اللي فيها هارد SSD
للنظام وبيكون قليل يعني حوالي 20 جيجا او 32 جيجا
وهارد ديسك عادي

....

ايه اخباره ؟ الهارد الجديد عرفت ان عدد مرات الكتابة فيه محددودة برغم سرعته واداؤه

فهل مناسب اشتريه ولا خليني مع النظام القديم افضل ؟

-------

وبخصوص وندوز 8 الجديد هل سهل في تركيب البرامج والكراكات زي ال 7 ؟ بالذات الرار وال IDM ?

a;v

شكرا للردود

**naser_56** · 28-12-2012 12:37 AM

هو بخصوص الهاردات ssd مش محدوده ذي ما انته متخيل في الكتابه عليها يعني عن تجربه واستعمال للجهاز اكثر من ٦شهور وفورمات اكثر من مره وتجربه برامج تشغيل ذي ابونتو وباك تراك وبعد ده كله عملت فحص للهارد اداني ان التايم لايف بتاعه باقي فيه حوالي ٨ سنين وبعدين الميزه كمان ان الهارد مش هيضرب معاك وبالتالي مستحيل هتفقد اي بيانات هامه كل ما في الامر انه خلاص مش هيكون قابل للكتابه ولكن تستطيع القراءه منه يعني بسهوله تقدر تسترجع بياناتك تاني وكمان العمر بتاعه الي هو ٨ سنين الي اداهمني ما اتوقعش اي هارد ميكانيكي هيديني حتي نصفهم ولكن ماتخدش سعه قليله موضوع ال٢٠ وال ٣٠ ده انساه اقل حاجه حاول تاخدها يكون ٦٤ وتخليه سيستم ولو نذلت اي برامج تحميل ذي الانترنت دونلود مانجر مثلا حاول انك تخليه يحفظ التحميلات في الهارد hdd

عموما مستقبل الهاردات بالتأكيد لصالح ال ssd فتوكل علي الله ومتخافش من حاجه يكفي قله استهلاكه للباور وقله مشاكله خوفا من حركه او شي او صدمات وكمان انعدام الحراره فيه وده بخلاف السرعه الكبيره في القراءه والكتابه وده هيبان معك بوضوح في نظام التشغيل وسرعه الاقلاع وكمان سرعه اقلاع البرامج

**مواطن مصرى** · 28-12-2012 12:51 AM

الهارد الجديد solid state driver ممتاز جدا جدا فى كذا حاجه :

1- سرعه القراءه عاليه جدا .. 360 mb فى الثانيه مقابل من 33 الى 100 فى فى الهارد العادى .. يعنى هتنقل اى حجم بيانات فى ثوانى

2- يحتوى على interface memory موصل بالـ ram مباشرة مما يعنى سرعه اقلاع boot للويندوز تصل لعشر اضعافها مع الهارد العادى و سرعه تنفيذ اوامر اى برنامج محمل عليه تصل لخمس اضعاف سرعتها مع الهارد العادى ..

3- استهلاك الباور اقل 4 مرات

4- مفيش موتور و ابره و طبقات ديسك .. يعنى مفيش bad sectors .. مفيش حرارة او سخونه ..

بس فيه مشكلتين اساسيتين ..

1- مساحه صغيره و سعر عالى لانها لسه تكنولوجيا جديده .. انا مشترى 120 gb بالفين جنيه مع ان الهارد العادى 500 gb باقل من 500 ..

2- حاول تخليه للويندوز بس .. متنزلش عليه اى حاجه غير ويندوز و برامج .. احفظ ........s و اى حاجه تانى على الهارد العادى و خلى ده للويندوز و البرامج فقط ...

بخصوص ويندوز 8 ...

المشكله الرئيسية فيه هى تعريف كارت الشاشه من نوعى radeon - nvidia فلو حضرتك عندك تعريف كارت الشاشه توكل على الله و شغله .. معندكش احفظ التعريف القديم على windows 7 باى برنامج لحفظ التعريفات و اعد تحميله مع ويندوز 8 و هايشتغل عادى ...

مشكله الكراك تم حلها بكراك متداول وارد جمهورية الصين الشعبية قتل موضوع activation تماما ..

**د.محمود صلاح** · 28-12-2012 03:41 PM

شكرا للردود جزاكم الله خيرا

لقيت لابتوبين فيهم هارد كومبو يعني HDD + SDD مع بعض في نفس الوقت وال SDD 30 جيجا بس واعتقد مش كفاية ابدا للوندوز

ولقيت اللابتوبات اللي كلها SSD مش معدية 256 جيجا ومافيهاش سي دي والشاشة 14 ورفيعة جدا والكيبورد الناقص 96 زر

الواحد محتار لحد الآن ll

بخصوص سؤالي عن وندوز 8 انا قصدي كراكات البرامج زي ال rar و ال idm بتشتغل عليه ولا لأ ؟؟