تقرير : ريو 2013 هاى لاين وكيل

مساء الخير عليكما ...حبيت اعمل التقرير ده علشان كل اللى محتار فى الريو يلاقى اجاباته هنا ..انا اشتريت ريو 2013 سودا هاى لاين وكيل لان بصراحة قلبى مجبنيش اجيب الخليجى و اضحى بخمس سنين ضمان من كيا ..و كمان ببساطة لاننا مش فى الخليج ..ناس هاتقولك دى تقفيل احسن او ثبات اعلى ..اللى انا شايفه ان جنط 17 الموجود فى الخليجي مش مناسب تماما لطرق مصر المكسرة..و كمان لو جبت العربية و طلع فيها حاجة مين يعملهالك..فكك بقى يقولوا شركات بتبيع ضمان و الكلام ده..عمره ما هيكون زى ضمان الوكيل....فى البدايه احب اقول ان العربية دى يمكن احسن عربية فى فئتها السعرية ..متحاولش تقارن بينها و بين نيسان لانك كدة هاتظلم نيسان لان العربية دى احسن بكتير و خصوصا بعد مشاكل ثبات نيسان على الطريق اللى المستهلكين اشتكوا منه بسبب طولها المبالغ فيه و ارتفاعها عن الارض حوالى 15 س:140109~347:م ..العربية واسعة الى حد معقول جدا من الداخل و ثباتها عالى على الطريق لحد 150 كم/س و دى كانت اقصى حاجة انا قدرت اجيبها لان الطريق ما ساعدش..نظام الصوت تحفة مش عارف يمكن علشان عربيتى هاى لاين ولا ده العادى بتاع ريو صوت الموتور يكاد يكون منعدم الا فى حالات الشد بتلاقى وحش فى الكبوت مع استهلاك بنزين عالى اثناء عملية الشد..تجميع العربية معقول جدا بالنسبة ل 1400 مع غلق نظام الايكو اللى معجبنيش لانه خانق العربية جوا المدينة و ان كان هايبقا فعال جدا مع السفر على طريق طويل زى طريق شرم مثلا...دريكسيون العربية ناعم بشكل مبالغ فيه اثناء القيادة داخل المدينة وان كان بتقل اثناء السرعات بشكل اتوماتيكى..ده مبدئيا و اسيبكوا تتفرجوا على العربية و بعدين نكمل..

تم تغير العنوان ليناسب محتوى الموضوع

مشرف 6 ب
27/12/2012
5.11 pm

الف مبروك وربنا يديك خيرها و يكفيك شرها يارب و شكرا على التقرير يا باشا و اهلا بيك ضمن رابطه ملاك الريو .... بس عاوزين كام صوره كده حلوين للعروسه علشان التقرير يحلو بقه ..

تحياتى

الف مبروك عليك وتبقى مشكلة استهلاك البنزين تحت الرصد والتقييم منك ... فى انتظار النتيجه

الف مبروك يا باشا ..

تسلم إيدك

ألف مبروك ... وربنا يبارك لك فيها.

الف مبروك ربنا يباركلك فيها و يكفيك شرها .
عايزين صور يا باشا عشان التقرير يكمل و يبقى مرحع لاى واحد عايز يشترى

ألف مبروك ... وربنا يبارك لك فيها.

يا اهلا وسهلا في نمور الريو ده شرف لينا والله

انا برضه بجد العربية معايا ليها تقريباً 7 شهور وفعلاً 10\10 انا عن نفسي مش حاسس بموضوع البنزين ده لان تقريباً متوسط الاستهلاك عندي حوالي 12.3 الي 13.8 في كل 100 كيلو وكله جوه البلد فعلشان كده انا مش حاسس ان فيها مشكلة عندي وراضي بأداء البنزين ده

انا كنت من اول يوم جبتها وانا ببنزين 95 لغاية ما البنزين 95 اتشال من عليه الدعم بقيت بحط 92 يمكن ده عمل فارق في بداية العربية الله اعلم انا حبيت اقول

اقتباس:

---

نظام الصوت تحفة مش عارف يمكن علشان عربيتى هاى لاين ولا ده العادى بتاع ريو

---

موضوع الصوت في العربية ده فعلاً رائع لان في الهاي لاين نظام صوت Arkamys وده من احسن انظمة الصوت لغاية دلوقتي شوف الفيديو ده الشركة Arkamys بتعرض نظام الصوت في العربية

[youtube]http://www.youtube.com/watch?v=okTU0kKteN4[/youtube]

الف مبروك و منتظرين الصور

مبرووووك ياباشا وعايزين صور بقي كده
وهاتش باك والا سيدان وتقرير كويس كده
ربنا يكفيك شرها يارب

اقتباس:

---

المشاركة الأصلية كتبت بواسطة 2code

يا اهلا وسهلا في نمور الريو ده شرف لينا والله

انا برضه بجد العربية معايا ليها تقريباً 7 شهور وفعلاً 10\10 انا عن نفسي مش حاسس بموضوع البنزين ده لان تقريباً متوسط الاستهلاك عندي حوالي 12.3 الي 13.8 في كل 100 كيلو وكله جوه البلد فعلشان كده انا مش حاسس ان فيها مشكلة عندي وراضي بأداء البنزين ده

انا كنت من اول يوم جبتها وانا ببنزين 95 لغاية ما البنزين 95 اتشال من عليه الدعم بقيت بحط 92 يمكن ده عمل فارق في بداية العربية الله اعلم انا حبيت اقول
موضوع الصوت في العربية ده فعلاً رائع لان في الهاي لاين نظام صوت arkamys وده من احسن انظمة الصوت لغاية دلوقتي شوف الفيديو ده الشركة arkamys بتعرض نظام الصوت في العربية

[youtube]http://www.youtube.com/watch?v=oktu0kkten4[/youtube]

---

ياباشا كنت عايز اسال على ارتفاع الريو على المطبات ايه؟؟ بتحك ولا كويسة؟ اشكرك

مليون ميروك على العربية وربنا يديك خيرها ويكفيك شرها ومنور رابطة كيا ريو بجد عايزين نعمل رابطة للملاك عشان نتعرف على بعض اكتر ونعرف اخبار العربيه مع الملاك

هو حضرتك تقصد ان ثبات الريو لحد 150k/h فقط يعنى المعدل الطبيعى للثبات فيها نقل 100-120 مثلا ارجو الرد

هل يوجد بالهايلاين وكيل باركنج سنسور ام لا?????

اقتباس:

---

المشاركة الأصلية كتبت بواسطة 2code

انا برضه بجد العربية معايا ليها تقريباً 7 شهور وفعلاً 10\10 انا عن نفسي مش حاسس بموضوع البنزين ده لان تقريباً متوسط الاستهلاك عندي حوالي 12.3 الي 13.8 في كل 100 كيلو وكله جوه البلد فعلشان كده انا مش حاسس ان فيها مشكلة عندي وراضي بأداء البنزين ده

---

استهلاكها 12.3-13.8 لكل 100 كيلو جوه البلد !!!!!!!!!!!!!!
ده كتير جدا على 1400
ده أكتر من استهلاك أي 1600

ولا أنا فاهم غلط ؟؟!!!!!!!