بعد شهر و نصف من الشراء حان الان موعد صيانة ال 5,000كم :crying1: :)
كنت عايز اعرف رقم رينو علشان احجز الصيانة
و مجهز ورقة كاتب فيها ملاحظاتي علشان يظبطوهالي ان شاء الله
بالمناسبة و انا طالع تاقاهرة امبارح شفت 5 تريلات محملين رينو لوجان :)
عرض للطباعة
بعد شهر و نصف من الشراء حان الان موعد صيانة ال 5,000كم :crying1: :)
كنت عايز اعرف رقم رينو علشان احجز الصيانة
و مجهز ورقة كاتب فيها ملاحظاتي علشان يظبطوهالي ان شاء الله
بالمناسبة و انا طالع تاقاهرة امبارح شفت 5 تريلات محملين رينو لوجان :)
مبروك وعقبال صيانة ال 60000 .. رقم رينو 16202
لو فى مشكله فى الاتصال بالرقم المختصر ممكن تحجز الصيانه عن طريق إرسال رساله خاصه لصفحتهم على الفيسبوك دى زى ما هما كاتبين فيها
http://www.facebook.com/renaultegypt
مبروك وعقبال ال100 ألف :]
الف مبروك لحضرتك وكلامك صحيح عن التريلات ده دفعه لسه وصله من الجمارك للتوكيل عشان اخيرا هنستلم عربيتنا باذن الله
عقبال صيانه ال200الف كده ان شاء الله
اللى اعرفه فى صيانه ال5الاف بيتم تربيط عفشه وتشيك على العربيه عموما وهى مجانيه
لو تعرف تفاصيل اكتر ياريت تفدينا عشان انا برضو قربت على صيانتى :)
تحياتى والف مبروك
افضل لك الصيانه في مركز سموحه . و عقبال صيانه ال 50000
بعتلهم 2 رسالة يا جماعة و محدش رد عليا
و هل فعلا موضوع الدواسات الاصلية مع صيانة ال 5,000 لغاية دلوقتي ؟ يعني اشيل الدواسات اللي انا جايبها و انا رايح ولا بيدوهالي حتي لو كنت حاطط ؟
كلمتهم النهاردة و حجزت يوم الاحد الساعة 11 صباحا ان شاء الله و مجهزلهم قائمة كبيرة علشان يضبطوهالي في الصيانة
العربية راحت الصيانة في مركز سموحة
الكراسي مكانتش ثابتة + فيه صوت صفارة بعد سرعة 90-100 + فيه حرارة من تحت الدركسيون + الزجاج في الرفع بطئ + استهلاك بنزين عالي + السحب مبقاش زي الاول + عاوز طقم الدواسات الهدية
اولا بيقولوا انهم زودوا عزل العربية علشان موضوع الحرارة
بالنسبة للكراسي قالوا في مركز العامرية
و صوت الصفارة بيقولوا هتكون من العجل و برضه تتعمل في العامرية مع انكم هنا بتقولوا تعديل وضعية الكبوت
بالنسبة لرفع الزجاج البطئ اللي جنب السواق هو اللي اتضبط لكن بتاع السواق زي ما هو
استهلاك البنزين بيقرأ لي 9,4 بس بحسه عالي
السحب في الاول كان احسن من دلوقتي يمكن علشان الزيت؟!
بالنسبة بقي لطقم الدواسات فهو عاجبني جدا جدا علشان اول ما اشتريت العربية كنت بدور علي الطقم اللي هو زي فرش الارض بتاع العربية قالولي بيبدأ من 120 فأشتريت اللي ب 60 جنيه طلعت رينو بتوزع اللي كان نفسي فيه ببلاش :)
اه محدش طبعا غسل العربية ولا بره ولا جوه مع انها مكتوبة في صيانة ال 5,000 و من ضمن الحاجات اللي شيكوا عليها انهم شافوا المساحات بس لو كانوا شافوها فعلا كانوا غيروا المساحة اللي قدامي علشان بدأت تبوظ من تحت
الخلاصة لو عندي شكوي من اي حاجة عايزة تتضبط في العربية هبقي اعملها في العامرية طالما كل حاجة هناك و لو صيانة عادية هبقي اخلصها هنا علشان اقرب
من النهاية انا شايف كل اللي بشتكي منه ده تفاهة بصراحة يعني حاجات بسيطة زي المساحة و الغسيل و كده حاجات بسيطة تتعمل بره بس طالما كتبوا عنها ليه ميعملوهاش !!! هعديها علشان بحبك يا لوجي بس :)
مبروك يا باشا :) وارفعلنا صور للدواسات الخرافية دي لو وقتك يسمح :)
مبرووك على الصيانه و عقبال ال 100000
مبروك وعقبال ال100 ألف d:
اول صيانة ال5000 ولا 1000
أول صيانة 5000 وهى مجانية وتشمل مراجعات وتربيط عفشة فقط
حجزت بكرة ان شاء الله صيانة ال 10 في العامرية
سألتهم علي التكلفة هتبقي 531 + 10% ضريبة مبيعات يعني في حدود 590 جنيه !!!