الموضوع: تم منح الشركة المصرية للاتصالات رخصة تقديم خدمات المحمول

المشاركة الأصلية كتبت بواسطة hossam_elwani

مش ممكن adsl يكون هو السبوبه لشركات المحمول استغللا للمصريه للاتصالات؟؟

بص يا باشا.... مع الفشل الذريع و الخسارة المستمرة لخدمات التليفون الارضى..... ارباح المصرية للاتصالات مصدرها حاجتين.... تى اى داتا اللى بيتحتكر (خلى بالك بتحتكر دى) اكتر من 70% من نطاقات الانترنت المخصصة لمصر+ الارباح من نسبة 45% اللى بيملكوها فى فودافون.... اما الدى اس ال بالنسبة لشركات المحمول فلسه فى اوله و معملش نسبة كبيرة لسه من شغلها

المشاركة الأصلية كتبت بواسطة elawany13

بقول لإدارة المصرية للإتصالات جتها خيبه اللى عاوزه خلف !!!
طوروا نفسكم الأول كمقدم لخدمة التليفون الأرضى
شوفوا البلد محتاجه ايه جديد واعملوه بدل الفشل اللى انتوا فيه ده
طوروا الكلابلات والسنترالات والأجهزة وقدموا خدمة انترنت محترمة وبسعر مناسب وانتوا هتكسبوا
(بقالهم سنين بيقولوا نعمل على تطوير السنترال حالياً ومش عارف حاليا ديه هتخلص امتى )
لو غاويين مجال الاسلكى ادخلوا فى مجال انترنت الواى ماكس أو الانترنت الفضائى
هيه ديه القطاعات اللى محتاجه خدمات فى مصر وليها مستقبل واعد فعلاً
مش المحمول اللى كل واحد بقى عنده 3 خطوط مش عارف يعمل بيهم ايه !!!

المصرية للاتصالات انا شخصيا مفقوع منها و من مستوى خدماتها بسبب تجارب شخصية مش بس بسبب ارقام و حقائق اقتصادية...... جيت اغير تليفون الشقة بأسمى.... احتاج الموضوع لزيارتين للسنترال الذى يبعد عنى اكتر من 40 كم و عمل طلب ووقوف فى طابور الخ الخ من الطريقة التعبانة فى خدمتهم للعملاء..... فى المرة الاولى الاغبياء كلمونى الساعة عشرة الصبح عشان قال ايه يعملوا معاينة يتأكدوا بيها انى انا اللى ساكن فى الشقة!!!! طيب يا عم ما انت لو عاوز ورق الشقة كله اللى بأسمى و ايصالات كهرباء و غاز موجود..... لكن لأ لازم زيارة..... و لأنى كنت خلاص فى اخر طريقى للشغل يوميها قلتلهم مش هينفع طبعا..... و ادى وش الضيف.... محدش كلمنى تانى و انسى..... روحت عملت طلب تانى..... المرة دى بقى كتر خيرهم محدش كلمنى اصلا :) و لا كأنى عملت حاجة..... روحت متناسى التليفون الارضى خالص.... لغاية ما العدة الاصلية باظت و الكوردلس باظ و مصلحتهمش و مرميين و كل ما اشوفهم اقول احسن انا مش عايز انفع الشركة الزبالة دى

اه نسيت احكيلكم على تجربة مع خدمة العملاء بتاعتهم فى الاول كده..... كنت عايز اضيف خدمات اظهار رقم الطالب و الانتظار.... تكلفتهم مع بعض 18 جنيه شهريا..... كلمت خدمة العملاء.... سألنى الخط بأسم مين.... بأسم فلان و بياناته كذا.... تم اضافة الخدمات.... طيب بعد كده عايز الغيهم لان الاظهار مشتغلش.... لأ حضرتك لازم تشرفنا فى السنترال و تعمل طلب..... طب ما انا طلبتهم بالتليفون و اتعملوا بالتليفون.... لأ معلش.... طيب يا عم الخط مش بأسمى... غيره بأسمك...... و دى كانت بداية الطلبات بتاعة تغيير الخط اللى كان مصيرها النسيان

و قال يقولك محمول.... ده هيبقى ازبل محمول فى البلد.... ده اذا كان محمول اصلا و مقالكش تعالى الاول السنترال :)

المشاركة الأصلية كتبت بواسطة windofchange

معاك حق يا mahora مننساش انهم اجبروا اتصالات يغلوا سعر الدقيقة والا تطلع بره السوق ياريت تصحح لي ...ده اللي فاكره عن الموضوع ده

اللى بيعمل كده يا باشا بيبقى المرفق القومى لتنظيم الاتصالات..... حكومة برضه يعنى و ابو زمل مع المصرية للاتصالات فى المنظومة اللى عايزة النسف,,,,, و ده بقى بينه و بين كل شركات الاتصالات قضايا للركب :)

المشاركة الأصلية كتبت بواسطة mtak

يالا فلوس تانيه تروح فى الهوا و تخلى الناس تصرف اد كده برضه فى الهوا

انا اشجع حاجه زى كده لما يكون هناك محتكر واحد او 2 على الاكثر

انما المشكله من خلال رؤيتى القاصره ان هناك فلوس كتييييييييير هاتطلع من جيوب المصريين فى شئ لا عائد منه او مؤثر فى الوقت الحالى

كانت اتصرفت فى مشاريع انتاجيه افضل

أغلب النشاط الإقتصادى حاليا قائم على الإتصالات من أول البائع الجائل و العامل باليومية فى الشارع لأضخم الشركات العالمية

كمان الثورة المصرية قامت و نجحت بالإعتماد على وسائل الإتصال الحديثة

زيادة المقدمين للخدمة يصب مباشرة فى صالح المستخدم من ناحية الأسعار و من ناحية تحسين الخدمة

المشاركة الأصلية كتبت بواسطة elawany13

بقول لإدارة المصرية للإتصالات جتها خيبه اللى عاوزه خلف !!!
طوروا نفسكم الأول كمقدم لخدمة التليفون الأرضى
شوفوا البلد محتاجه ايه جديد واعملوه بدل الفشل اللى انتوا فيه ده
طوروا الكلابلات والسنترالات والأجهزة وقدموا خدمة انترنت محترمة وبسعر مناسب وانتوا هتكسبوا
(بقالهم سنين بيقولوا نعمل على تطوير السنترال حالياً ومش عارف حاليا ديه هتخلص امتى )
لو غاويين مجال الاسلكى ادخلوا فى مجال انترنت الواى ماكس أو الانترنت الفضائى
هيه ديه القطاعات اللى محتاجه خدمات فى مصر وليها مستقبل واعد فعلاً
مش المحمول اللى كل واحد بقى عنده 3 خطوط مش عارف يعمل بيهم ايه !!!

+111111111111111111