السلام عليكم
يا جماعة عايز اروح شارع السكة البيضا اللي متفرع من الاوتوستراد من دائري الطالبية
انزل اي نزلة؟؟
عرض للطباعة
السلام عليكم
يا جماعة عايز اروح شارع السكة البيضا اللي متفرع من الاوتوستراد من دائري الطالبية
انزل اي نزلة؟؟
شارع السكه البيضا بين الاوتوستراد و صلاح سالم يبقى اخر شارع قبل امتداد رمسيس على اليمين و على ناصيته دار المركبات و اخره من الاوتوستراد قدام باب نادى المقاولين (النادى مش الاستاد) و انت جاى من الدائرى ممكن تنزل كورنيش و تاخد صلاح سالم و تخليك طوالى اما تعدى مشيخة الازهر تطلع كوبرى الفردوس و قبل الكوبرى اللى بعده تخش يمين او تنزل الاوتوستراد و تمشى فيه طوالى لحد ما تعدى نادى المقاولين و تاخد اليوترن اللى من تحت منزل اكتوبر فى اول يمن تبقى فى السكه البيضا
جزاك الله خيرا
انا حاليا بنزل نزلة الكورنيش وبعد كده مجري العيون والسيدة عائشة وصلاح سالم
انا كنت بستفسر لو كملت الدائري اي نزلة بتودي للاوتوستراد علي طول؟؟
مش متاكد من النزلات بس لو انت هتكمل على الدائرى هتعدى فوق الاوتوستراد و تنزل يمين عشان تكون فى الاتجاه الصح (زى نزلة الكورنيش كده) و الاوتوستراد هيكون فى يفط النزله اللى قبله توديك اتجاه المعادى و تكمل تعدى من فوق الاوتوستراد و تنزل يمين
اتمنى اكون ساعدتك