شكرا للافاده وان شاء الله هفكر انزل السوق واشوف انا بتعجبنى حاجات كتيير ع النت بس للاسف مش معايا حد بيفهم
عرض للطباعة
150 الف كتير اوي
متجيب فيرنا او لانوس جديدة احسن
احسن حاجة طالما مش فاهم اوى فى العربيات تجيب زيرو و ديه هتبقى مضمونة 100% و 65 الف اظن يجيبوا فيرنا او لانوس زيرو و تبقى اشتريت نفسك من وجع القلب و المخاطر
ماشيه كتير قوى وانت بتقول عشرى يعنى حتقعد معاك كتير
طيب انت واخدها فاتحه بقها اصلا ده على اعتبار ان اللى قبلك بيعملها الصيانه فى مواعيدها بس الكم الكتير ده حيخليك تبتدى تغير حاجات كتير فيها بغض النظر متهانه و لا لأ.
و بعدين صاحب المعرض بيقولك كانت مع واحده شغاله فى السياحه ما هو ممكن يكون بيأجرها و عايز يبيع و طبعا عمره ما حيقولك انه كان بيأجرها و ساعتها العربيه تبقى متهانه رسمى .
دور على حاجه ماشيه كم قليل و ابعد عن المعارض لأن معظمهم نصابين الا لوتعرف حد ثقه و بنا يوفقك .
الف شكر على الرد بس انا اللى جابلى المعرض ده واحد صحبى ثقه وقالى ان اتعامل معاه اكتر من مرة . انا بصراحة عايز اجيب عربية كويسة واريح بالى بس مش عارف اعمل اية
اولا انت بتقول العربيه دى سياحه و كمان ماشيه 150 الف كيلو يعنى متهانه و متاخد خيرها و معرض اللى بيبعها و ما خفى كان اعظم من المعارض يا باشا دا ممكن يبعلك علبه سردين و تشربها انت بقى بعد ام تشترى المهم انو يكسب وخلاص زى ما الاخوه قالو ابعد عنها و ريح دماغك هتجبها و هتقرفك تصليحات و حورات الواحد بيجيب العربيه علشان راحه البال مش كل خميس و جمعه عند الميكاانيكى ولا ايه ؟
السلبيات:
- حضرتك عايز حاجة تعمر معاك وكمان مفيش خبرة سابقة فى مجال العربيات والصيانة!!
- الكيلوات كتير
- تاجر اللى بيبيعها
- العربية مش هتبطل صيانة فى المرحلة اللى جاية وخاصة إن العربيات الكورى مش معمرة للدرجة مع إنها لو جاية من برا مصر ( إستيراد معوقين مثلا ) وعاملة الكيلوات دى كانت هتبأا فبريكة ولقطة كمان بس الطرق والجو فى مصر بيقصروا عمر العربية.
- السعر عالى والمفروض بالكتير60 و تقل عن كده كمان وممكن بنفس السعر تجيبها عاملة كيلوات أقل بكتيير
الإيجابيات:
- فى شغل السياحة بتبأا الصيانة مضمونة شوية
- كويس إنه مالعبش فى عداد العربية
- العربية أوتوماتيك
- توافر قطع غيار هيونداى سواء جديد أو إستعمال