أرجو الإفادة أفيو أم رينو ساندريو 2013 أو سيارة أخرى زيرو
في حدود 85000 أوتوماتيك.......
أرجو الافادة وعرض الأسباب لو سمحتم ..... شكرا
عرض للطباعة
أرجو الإفادة أفيو أم رينو ساندريو 2013 أو سيارة أخرى زيرو
في حدود 85000 أوتوماتيك.......
أرجو الافادة وعرض الأسباب لو سمحتم ..... شكرا
السانديرو تعتبر انسب عربية فى الحدود دى و الموتور الجديد بتاعها 110 حصان
من وجهة نظري
رينو ساندريو 2013
هي الافضل بطلاقة
والله اعلم ..
و الله الحاجة اللي مخوفاني سعر قطع غيار الساندريو و صيانتها بالتوكيل
توكيل رينو افضل كتير من توكيل شيفروليه
فراي ..
طبب و هي أفيو مشاكلها ايه ..؟
لو حضرتك تحب بالتحديد ممكن تسأل فالقسم
انما لو مجرد نبذة بسيطة ممكن تشوف الروابط دي
نايل موتورز - NileMotors.net - مشاهدة نتائج الإستطلاع
http://www.nilemotors.net/Nile/138521-a.html
-------
وده تقيم للرينو ستيب واي من عضو اخ عزيز علينا كلنا
وكلامه ثقة والعربية قريبة جدا لل Sandero الي اعتقد انها هتكون افضل كنقطة السحب لانها اخف بعض الشئ وزن الستيب واي 1170 وتقريبا ال Sandero هتبقي 1050 بالكتير
http://www.nilemotors.net/Nile/325831-a.html
واي عربية كويسة بس في عربية افضل من عربية
كلامي قد يحتمل الخطأ لكن انا بقول وجهة نظر ليس الا
واسئل برضوا ملاك العربية والاخوة الاعضاء هيفدوك اكتر مني
بالتوفيق ..
رينو طبعا تكسب
عربيه جديدة - موتور اقوى و احدث 110 حصان 1600 سى سى 16 صباب - فيها اير باج - كماليات اكتر - توكيل محترم جدا اعتقد ثباتها كويس
الافيو بقى حدث ولا حرج ثبات فى الضياع الموتور ال 1500 بتاع اللانوس مع الاوتو يعنى بطه بلدى متزغطه حالا - مفيهاش اى نوع من انواع الامان - الاوبشن الوحيد هوه ال cd player ده لو موجود فيها اساسا
اشترى جين 2 كسر زيرو اتوماتك بال 85 الف وهتدعيلى فيها كل اللى تتمناه لتلك الشريحة السعرية
الى صاحب الموضوع
مين قال لحضرتك على موضوع قطع الغيار والتوكيل يافندم!!!؟؟
للاسف احنا شغالين بالسمع لانى كنت قبل ماشترى عربيتى برضو كنت بسمع كده
اطلب منك الاتصال بالتوكيل تليفونيا واسالهم على فانوس امامى على سبيل المثال وقولهم انك معاك العربيه وعاوز تغير فانوسها وشوف السعر كم
واتصل بغبور اللى الناس طالعه بيه السما واساله على اقل عربيه عنده وهى الفيرنا بكم الفانوس بتاعها
وهسيبك انت تسمع بنفسك السعرين وتقارن
بصراحه توكيل رينو من احسن التوكيلات اليومين دول
يكفى انك ممكن تتصل 24ساعه وناس فى منتهى الترحيب والامانه وبيستقبلوك بصدر رحب
تحياتى يافندم واى استفسار انا تحت امرك
رينو ساندريو افضل كسياره و توكيل و سعرها متناسب مع امكانياتها و شكل جديد و تكنولوجيا أحدث من الافيو اللى بقالها سنين و توكيلها محترم بيعرف يوصل للعميل و بيهتم به و فعلا قطع غيارها أسعارها عاديه زى اى عربيه زيرو و متوافرة كمان (حكايه غاليه دى كانت أيام زمان لما كانوا موديل و لا اتنين بالكتير و عدد عربياتها قليل لكن دلوقتى ما شاء الله منتشره)و دلوقتى التوكيل مع الشركه اللى معاها توكيل كيا و المجهود واضح بصراحه فى اعاده أحياء الماركه العريقه فى مصر .انا شايف انه مفيش مجال للمقارنه حضرتك لو كنت عملت الموضوع فى صوره استطلاع كان يبقى العد اسهل و ان كان الى الآن لسه محدش اختار الافيو :)
يا جماعة أنا رحت سمير ريان النهاردة و شوفت العربية الرينو الساندريو و الأستب واى فعلا العربية شكلها جميل ووسعة بس أنا محتار بينهم أضحى بالأوتوماتك مقابل الأبى أس و الجنوط و العتب ولا أجيب ساندريو أوتوماتك الفول أبشنز