الموضوع: اللوجان المانيوال فول اوبشن 2013 وصلت اخيرا يا رجال

المشاركة الأصلية كتبت بواسطة abusamra41

ياجماعه انا الحمد لله استلمت النهارده العربيه لوجان مانيوال فول اوبشن من فرع المقطم والناس هناك محترمين اوى لقيت نفس اللون اللى اخترته البترولى الحمد لله وجت العربيه وشيكت على كل حاجه وورونى كل حاجه وخلصت الاجراءات وروحت بيها الحمد لله والعربيه جميله جدا الحمد لله والعربيه هتزيد من اول بكره اذن الله الفين جنيه وربنا يكرم الجميع

ألف مبروك يا باشا :) ربنا يباركلك فيها ويفرحك بيها يا رب
ياريت لو ينفع تقولي عملت إيه من ساعة ما دخلت لغاية ما خرجت عشان معنديش فكرة خالص http://www.nilemotors.net/Nile/327100-a.html

المشاركة الأصلية كتبت بواسطة abusamra41

الله يبارك فيك وعقبالك انا اولا حاجز ف التوكيل فرع المقطم انا مندوب المبيعات كلمنى من اليوم الخميس وقالى تعالا على يوم الاحد او الاتينن بالكتير عشان العربيه سعرها هيغلى من اول يوم التلات اللى هوه 1-1-2013 فتوكلت على الله ورحت النهارده الحمد لله اول حاجه طبعا دفعت بقيه فلوس العربيه فى الخزينه وبعد كدا العربيه كانت جت من المخزن المندوب عملى بير للموبيل مع البلوتوث اللى ف الكاسيت وبعد كدا الفنى قعد معايا ورانى الكتالوجات والعربيه من جوه ومن بره ورقم الماتور والشاسيه والكبوت والشنطه الحاجات اللى فيها وبعد كدا اخدت ورقه المبايعه من الشركه ليا والافراج الجمركى وبعد كدا اخدت عريبتى وتوكلت على الله وربنا يباركلى فيها ويرزقنى فيها بكل خير ويبعد عنى شرها اللهم امين وكل سنه وانتم طيبين

اللهم آمين وإن شاء تاخد منها كل اللي انت عايزه :) بس كده انت اللي هتخلص ورقها بكره بس هتمشي ازاي من غير نمر؟ فيه زمايل لينا عالمنتدى كتبوا قصص حزينة إن العربية اتوقفت ومواقف مش ظريفة بسبب الموضوع ده

المشاركة الأصلية كتبت بواسطة abusamra41

ربنا ستار وانا ان شاء الله هروح ارخصها بكره باذن الله ومعايا كل الورق المبايعه والافراج الجمركى واللى يوقفنى اوريله الورق هيلاقيه بتاريخ امبارح وانا ف السكه هرخص وربنا يسترها معانا اجمعين

اللهم آمين وبالتوفيق . الموضوع ده يفيدك :)
http://www.nilemotors.net/Nile/319591-3.html

1000 مبروك انضمامك للوحوش . و ربنا يديك خيرها و يكفيك شرها . آمين .