الموضوع: الرجاء الإفادة من مالكي الكيا ريو 2013

من الحاوي للسيارات ... ب 114000 خليجي .. بس لسه مشوفتهاش و هستلم الاسبوع الجاى ... بس اللي اعرفه لحد ناو انها خليجي فيها بلوتوث و مالتي فنكشن ... و ليدات مرايات و معرفش بقه الجنوط سبور شكلها ازاي .. يعني اقصد عادية ولا الومنيوم نفس شكل ال 17 اللي في الهاى لاين ... ياريت بقه تقولولي فيها ايه بالظبط لأني معرفش فيها ليدات ولا لأ ؟ و ايه الكلام ؟ و شكرا عالرد يا باشا اول مرة ابعت و حد يرد عليا بسرعه واضح ان هنا احسن من منتدي تاني و ناس كمان اكثر احتراما و مساعدة شكرا ليك يا بوبو
يعني هيه الفئة قبل الاخيرة من الخليجي ... فيها ايه بقه مالأخر و ايه اللي ممكن يكون ناقص

المشاركة الأصلية كتبت بواسطة Mohab555

قولنا انت اشتريت انهى فئه و بكام و منين و احنا نقولك كل حاجة ..... أنت تأمر

جبتها ب 114000 ج خليجي الفئة التانية بعد الهاي لاين full option نفسي اعرف بس الجنوط .. اللي هيه شكلها عامل ازاي عشان جايبها قسط و مشوفتهاش فلو حد منكوا معاه نفس الفئة او لف كتير و شاف يقوللي ياريت

المشاركة الأصلية كتبت بواسطة mohab555

صحيح انت نسيت تقولنا جبت نهى لون !!! ينفع كده طب !!! ههههههههههههه و مبررروك مقدما ان شاء الله ومستنيين تقرير محترم و معاه كام صوره لما تستلم ان شاء الله ...
بص طبقا لوصفك الى انت اتكلمت فيه اعتقد ان دى الفئه الى قبل قبل الهاى لاين مش هاى لاين و دى مواصفاتها على حد علمى المتواضع (1 ايرباج - abs - جنط 17 - طاره ملتى - بلوتوث - مرايات ضم + اشارات فى المرايات -فوانيس قدام فيها ليدات و الفانوس الخلفى عادى مش ليدات - باركنج سنسور )
ودى صور الفئه الى فيها الامكانيات ( ما قبل الهاى لاين ) الى فاتت :
-----------------------



--------------------------------------
بص بالنسبه لموضوع الضمان لو انت عاوز الضمان اوى كده فى شركه كويسه الناس بتشكر فيها اسمها aaa و دى السنه فيها ب 1100 و الثلاث سنين ب 2100 ..
يارب اكون قدرت افيدك
تحياتى

الله يبارك فيك .. كتير عليا يا ربي و كمان بالصور ناقص تحطلي فيديو .. :d بإذن الله هصور و بعد كام يوم كده اما استلم هقول التقرير ليكم .. ايه اخبارها .... انا جبت الابيض .. بس انا معرفش مقاس الجنط 17 ولا 15 لأني سمعت انه 15 سبور تردد الى مسامعي يعني ؟ و شكرا ليك و للمعلومات دي .. اما الضمان بإذن الله هشتري ضمان 3 سنين

مجبتش ليه هاي لاين ؟ علشان فيها فرامل ebd ؟ دي مهمة جداً جداً لعلمك وهتفرق معاك لانها بتوزع الفرامل على الاربع عجلات فعلشان كده دي من اهم الحاجات اللي في الهاي لاين

انا معايا هاي لاين وكيل جنط 15 لكن الخليجي كله بيبقى 17 مش 15 وطبعا الجنط 17 سئ في شوارع مصر وانت اكيد عارف مشاكل الجنط الكبير مع السيراتو وشوارعنا الجميلة

لكن الخليجي بيتلعب فيه كتير جداً ومواصفاته تحسها تفصيل فعلشان كده متستبعدش تلاقي مواصفات مختلفة عنك في الخليجي

المشاركة الأصلية كتبت بواسطة 2code

مجبتش ليه هاي لاين ؟ علشان فيها فرامل ebd ؟ دي مهمة جداً جداً لعلمك وهتفرق معاك لانها بتوزع الفرامل على الاربع عجلات فعلشان كده دي من اهم الحاجات اللي في الهاي لاين

انا معايا هاي لاين وكيل جنط 15 لكن الخليجي كله بيبقى 17 مش 15 وطبعا الجنط 17 سئ في شوارع مصر وانت اكيد عارف مشاكل الجنط الكبير مع السيراتو وشوارعنا الجميلة

لكن الخليجي بيتلعب فيه كتير جداً ومواصفاته تحسها تفصيل فعلشان كده متستبعدش تلاقي مواصفات مختلفة عنك في الخليجي

شكرا للنصيحة الغالية .. بس انا أتأكدت ان الجنط 17 .. و بعدين 17 أحيانا بيكون افضل ... خاصة اني بسافر كتير جدا و محتاج ثبات اكتر ... ثم ان الخليجي مفيش فرق بينه و بين الوكيل .. الفكرة بس كلها في الوكيل انه ارخص 50ج في المصنعية ... بس لكن اوبشنز ااقل أكيد ... و عمتن مش فارقة معايا اوي دي كيا و دي كيا ... بس هل تتخيل ان الكيا اللي بتيجي مصر زي اللي بتروح السعودية و الاردن و الامارات ؟؟؟ طبعا و قطعا لأ ... مش عيب الشركة ولا عيب المستهلك .. ده عيب الزمن :d و عمتن ربنا يباركلك فيها يارب و يارب الوكيل و الخليجي و الهندي كمان يكون مرتاح بس و يكون بأمان و سلامه و الشركة تكون تمام مع الكل دي اهم حاجه و خلاص

المشاركة الأصلية كتبت بواسطة mostafaelfayed

شكرا للنصيحة الغالية .. بس انا أتأكدت ان الجنط 17 .. و بعدين 17 أحيانا بيكون افضل ... خاصة اني بسافر كتير جدا و محتاج ثبات اكتر ... ثم ان الخليجي مفيش فرق بينه و بين الوكيل .. الفكرة بس كلها في الوكيل انه ارخص 50ج في المصنعية ... بس لكن اوبشنز ااقل أكيد ... و عمتن مش فارقة معايا اوي دي كيا و دي كيا ... بس هل تتخيل ان الكيا اللي بتيجي مصر زي اللي بتروح السعودية و الاردن و الامارات ؟؟؟ طبعا و قطعا لأ ... مش عيب الشركة ولا عيب المستهلك .. ده عيب الزمن :d و عمتن ربنا يباركلك فيها يارب و يارب الوكيل و الخليجي و الهندي كمان يكون مرتاح بس و يكون بأمان و سلامه و الشركة تكون تمام مع الكل دي اهم حاجه و خلاص

اتمنى ان يكون كلامك صح ومتشوفش الحقيقة المره اللي غيرك مليون واحد شافها مع الخليجي لو طلع فيه عيب صناعة في العربية - هتلاقي التوكيل هنا بيقول لك روح ارجع بيها بلدها