من التجمع الخامس الي المستشفي الامريكي

**arateb** · 28-12-2012 02:32 PM

عاوز اروح من شارع التسعين الي المستشفي الامريكي اللي في مساكن حد يفدني يا جماعه لو سمحتو

**dede_dodo88** · 28-12-2012 04:34 PM

بفرض أن قصدك مستشفى الأمريكي في شيراتون..
من التسعين خلي داون تاون على يمينك و كمل على طول و أدخل يمين أتجاه المطار خليك في الطريق ده على طول لحد ما هتلاقي على يمينك بنزينة موبيل في بعدها بشوية منزل للمطار هتنزله و تفضل ماشي.. في كوبري ممكن تطلعه و تنزل هتلاقي بعديه كوبري تاني قاطع الشارع بالعرض قبليه يمين هتدخل فيه و تفضل ماشي على طول لحد ما تلاقي أول ملف شمال بعد صن سيتي بشوية هتلفه و تدخل أول يمين من ظهر صن سيتي هتمشي شوية لحد ما توصل لشريط المترو هتلاقي على شمالك الناحية التاني بنزينة موبيل.. مستشفى الأمريكي في نفس شارع البنزينة جنب محل سامسونج..

**mohamed_selim** · 28-12-2012 09:37 PM

وصفه تمام بس اسمحلى اضيف تفاصيل
هتطلع من التسعين على الدائرى و تكمل فى اتجاه طريق السويس ... هتنزل نفق كلية الشرطه و بعديه هتلاقى منزل طريق السويس تنزل النزله التانيه (اول نزله بعد ما تعدى من فوق طريق السويس هتلف بيك و تنزل اتجاه الماظه) ... هتكمل شويه و قبل كوبرى الجيش تاخد يمين و عند مطلع الكوبرى خش يمين (يمين قوى مش تمشى جنب الكوبرى) هتمشى على وصله حوالى ٢ كيلو هتوصلك لشارع تخش اجبارى يمين (لو فوت الدخله دى و طلعت الكوبرى ممكن تكمل زى الوصفه اللى فوق هتلاقى كوبرى بالعرض تخش من جنبه يمين كانك نازل من عليه) و تكمل طوالى هتعدى على صن سيتى على شمالك و تكمل تاخد اول يوترن و ترجع بس خلى بالك السوترن بعيده شويه ... بعد اليوترن هترجع و هتلاقى نفسك هتعدى من تحت كوبرى خارج من المطار تخش يمين فى اول فتحه بعد ما تعدى من تحت الكوبرى و طوالى هتخش اجبارى يمين و تمشى شويه صغيرين هتلاقى بنزينة موبيل على الشمال تلف و ترجع تخش من جنبها المستشفى فى الشارع ده