الموضوع: العربية بتبرد فى الطرق السريعة

المشاركة الأصلية كتبت بواسطة midooo_119

نفس الموضوع عندى بس بيظهر لما يكون الجو برد و بجرى بسرعه متوسطه بلاقى المؤشر نزل.. لكن هى دى مشكله فحاجه يعنى تاثر عالحاجه فالعربيه؟؟

تأثر على تجميع العربية و تأثر على إستلاك البنزين على الأغلب.....

العربية مصممة للعمل فى درجة حرارة معينة و بناء عليه أى تغيير سواء أعلى أو أقل بيأثر على أداء العربية.

المشاركة الأصلية كتبت بواسطة beshomilan

انا شايف ان ده شىء طبيعى
لانى طبيعى مع السرعة العربيه تبرد بالذات باليل فى البرد ده
والله اعلم

المشاركة الأصلية كتبت بواسطة hugan

طبيعي
في ايام البرد والطريق المفتوح ان العربيه تبرد شويه والمؤشرينزل
لان العربيه بتلاقي الهواء البارد وبسرعه التبريد بيكون اعلي
المفترض انك تقلق لو العكس والمؤشر يرتفع في الطريق المفتوح

طبعاً مش طبيعي

المشاركة الأصلية كتبت بواسطة hugan

طبيعي يادكتور
الاسبرانزا والشاهين في البرد والهواء والطريق المفتوح
الطريق المفتوح
الامبير بينزل 20 درجه علي الاقل
لكن بمجرد التوقف الامبير يكون ثابت علي المنتصف

كده فيه عندك مشكلة فى الثرموستات اللى راكب أو على الأقل الثرموستات اللى راكب مواصفاته مختلفة عن الأصلي......يعني بيفتح على درجة حرارة أقل من اللى المفروض يفتح عليها.

المشاركة الأصلية كتبت بواسطة cogy

انا عندي نفس المشكلة وفية ناس اهو غيرت ترموستات ونفس المشكلة طيب مهي لو الترموستات بايظة كانت العربية في الزحمة هتسخن علي الاخر العربية علي اي طريق سريع بتبرد علي الاخر فين الحل ياجماعة

حسب الثرموستات اللى أتركب........فيه ثرموستات يفتح عند 80 درجة مثلاً و فيه واحد تاني يفتح عن 85 أو 90...........ده اللى ممكن يكون عامل الفرق.

المفروض تشتري ثرموستات بتاعها بنفس درجة الحرارة اللى بيفتح عليها الأصلي اللى كان جاي فى العربية.

أختلاف درجات الحرارة فى الثرموستات بيكون علشان أختلاف الجو فى المناطق الجغرافية المختلفة

يعني مثلاً الجو فى أوروبا ممكن يسمح بتبريد الموتور لو الثرموستات فتح عند 100 درجة مئوية بيكون الوقت كافى لتبريد الموتور قبل ما يوصل مثلاً لدرجة 110 مئوية.

بينما فى مصر ممكن يكون لازم يفتح عند 90 علشان يلحق يبرد قبل 110

و ممكن فى الخليج يكون بيفتح على 85 أو 80.

الأرقام تقريبية......للتوضيح بس.


The thermostat's main job is to allow the engine to heat up quickly, and then to keep the engine at a constant temperature. It does this by regulating the amount of water that goes through the radiator. At low temperatures, the outlet to the radiator is completely blocked -- all of the coolant is recirculated back through the engine.Once the temperature of the coolant rises to between 180 and 195 F (82 - 91 C), the thermostat starts to open, allowing fluid to flow through the radiator. By the time the coolant reaches 200 to 218 F (93 - 103 C), the thermostat is open all the way.


راجعو الموضوع ده.........شارحين فيه تفاصيل دورة التبريد بالكامل.


HowStuffWorks "How Car Cooling Systems Work"