عاجل...لظروف السفر

**mido229** · 28-12-2012 03:28 PM

السلام عليكم..

أنا بصراحة محتاج انى ابيع عربيتى ال جين2 لان الحمد لله جاتلى فرصة كويسة للسفر و المشكلة ان السفر كمان اسبوعين و عارف ان البيع المستعجل هيخلينى اخسر فى العربية خصوصا انها محتاجة شوية مصاريف و كنت ناوى اشتغل فيها بس النصيب .. فانا محتاج نصيحتكو ممكن تجيبلى كام و انزل بيها السوق ولا من على النت افضل؟؟
و هل لو ظبط الحاجات اللى فيها تفرق فى السعر كتير؟؟؟

العربية جين2 موديل 2006 مانيوال - لونها اسود - جميع الكماليات - فابريقة دواخل و سقف وشنطه
تحتاج الى الاتى:
بطاحه امامى يمين - كارتيرة زيت - ترشيح زيت من وش السلندر بعد تغيير الجوان (تقريبا محتاج تربيط الوش)
وبالنسبة للكماليات: محتاجة 2 تكمله اكره الباب (الجزء الصغير) - الزجاج الكهرباء الخلفى بيعلق - فى جزء صغير من وش الفانوس الخلفى مكسور (وعرفت انه بيتصب) - فرش داخلى

ده كل اللى فيها بالظبط...

ارجو الافاده من الاخوة الاعضاء...

**blazer** · 28-12-2012 03:35 PM

الشغل دا كلة يتعمل فى يوم واحد بإذن الله
اعمل إعلان على النت ودور فى المعارف والاصدقاء برده
او ممكن تعمل توكيل لحد وهو يبعها ليك

**Motarjim** · 28-12-2012 03:59 PM

ربنا يحسن لك بيعها، ويوفقك في سفرك.

أبعد عن سوق السيارات ده تمامًا، ولا تعدي من جنبه حتى...خليك في الإعلان عبر الإنترنت، أو عبر الوسيط مثلاً.

إن شاء الله ربنا يوفقك في بيعها.

موفق في سفرك بإذن الله.