السلام عليكم
كنت عايز قبل ما افرش العربية اغسلها غسله حلوه من الداخل فهل فيه مشكلة في غسلها من الداخل ؟
عرض للطباعة
السلام عليكم
كنت عايز قبل ما افرش العربية اغسلها غسله حلوه من الداخل فهل فيه مشكلة في غسلها من الداخل ؟
حضرتك تقصد الكراسي والأرضية .. لو كدة مفيش مشاكل .. بس متغرقش الدنيا بالمية لو حتغسلها بنفسك .
بنزينة وطنيه بيغسلو الفرش والسقف ب 100 جنيه
يا أبو المعاطي باشا .. الكراسي أغسلها بحتة قماش وفيها شوية صابون على خفيف علشان تشيل البقع وما شابه .. أما الأرضية فهي موكيت .. أكنسها في بنزينة بالمكنسة الكهرباء .. ومتحاولش تغسلها بنفسك بمية علشان الموكيت ميكمكمش .
وكدة كدة كل ده حيتغطى بالجلد في الأرضية والراجل حينضف قبل ما يفرشه على الأرض وكذلك الكراسي .. فمش حيبان حاجة .. بس علشان يبقى التركيب على نضافة .
بلاش المياه جوا العربية خصوصا على الموكيت اللى فى الأرض ...... طبعا معظم العربيات الحديثة فيها وصلات كهربائية تحت فى الأرضية متعلقة بفتحات التكييف الخلفى مثلا أو الإيرباج ..... ولو مفيش بلاش برضه المياه مش هتنشف بسهولة والموكيت ممكن تخلعه لو تعرف وتغسله برا أحسن أو تغسلها فى مغسلة
بص على حسب حالة الفرش عندك لو الموضوع جامد اوى او قليل ولو مستغلى ال 100 جنيه ممكن تروح لسروجى هو بردو بيغسل وبينضف السقف والفرش وممكن يدخل النضافه فى مصنعية تركيب الفرش روحله واستفهم منه ولو حسيت انه غالى اتفق معاه عالتركيب بس ونضف فى البنزينه وروحله