شوية اسئلة لبرسونا 2009

**chahutpartout** · 28-12-2012 06:49 PM

السلام عليكم و رحمة الله بركاته

عندي شوية اسئلة بخصوص برسونا 2009
انا كات عندي مشكلة من فترة ان كالون الباب باظ و وديته لواحد بتاع مفاتيح و معرفش يصلحه و اتغلبت مؤقتا علي المشكلة اني عملت ريموت دلوقتي كنت عاوز اعرف لو حد عارف واحد شاطر يصلح الكالون المشكلة انة بيقفل كويس بس مابيفتحش و الراجل اللي وديتهوله قعد 4 ساعات و في الاخر معرفش يعمل حاجة

سؤال فني تاني انا الشتا السنة دي لاحظت ان الثرموستات بينزل لغاية ال 50 لما اكون ماشي في طريق سريع و بليل و مش عارف دة طبيعي و لا لأ لانه ماحصلش معايا قبل كدة

اخر سؤال انا وانا طالع من ركنة خبط في عامود بالجانب ف في حتة من الباب دخلت لجوة و حتحتاج رد علي البارد بس مش هارف حد كويس خصوصا انه اعتقد حيحتاج يفك الباب من جوة

اسف علي الاطالة
و لكم جزيل الشكر

**chahutpartout** · 28-12-2012 08:06 PM

انا‏ ‏اسف‏ ‏الثرموستات‏ ‏بيوصل‏ ‏تحت‏ ‏٧٠‏ ‏علي‏ ‏طول‏ ‏مش‏ ‏عند‏ ‏٥٠

**D . a .\ AYMAN** · 29-12-2012 02:36 PM

بالنسبة للترموستات ... إحتمال يكون ترموستات الكوعة بيفضل مفتوح عشان كدة المياه بتدخل الموتور باستمرار ومش بتديله فرصة يسخن خصوصا على السرعة العالية في الشتاء

محتاج تكشف على ترموستات الكوعة وتغيرها لو باظة

الخبطة اللى في الباب ... لو حضرتك فكيت فرش الباب من جوة هو كله اربع مسامير وبعد كدة تشد الباب من الكلبسات اللى ماسكاه

فكه وتركيبه سهل .. بس محتاج أو مرة حرص عشان ما تكسرش الكلبسات اللى ماسكاه

وبعد كدة تزق الباب من جوة بإيدك ... بس الكلام ده لو الخبطة بسيطة والصاج داخل لجوة فقط وبعيد عن السوك والحواف

الكالون معرفش بصراحة ... بس أي حد بتاع كوالين بيفهم مش هياخد معاه وقت بإذن الله .. أكيد الراجل الأولاني برضه خبرته مش قد كدة

**chahutpartout** · 30-12-2012 07:36 PM

شكرا جدا لردك
انا ان شاء الله حاكشف علي الثرموستات مع صيانة الخمسين ان شاء الله

بالنسبة للخبطة هي جاية في الحتة اللي تحت المراية بالظبط بس ممكن اشوف لو حاعملها لوحدي او اشوف حد

اما الكالون فخايف اوديها لحد تاني يعد يلعب في العربية و بعدين ميعرفش برضة خصوصا اني ماعرفش حد كويس

**dr-mohamed** · 02-01-2013 07:08 AM

بالنسبة للكالون بتاع العربية فيه واحد في شارع البحر الاعظم في الجيزة قبل كشري زيزو تقريبا بشارع او اتنين بس في نفس اتجاه زيزو شغال في البروتون بشكل اساسي وشغله كويس ونضيف جربته قبل كدة بس للاسف مش معايا تليفونه