نصيحه لتركيب الغاز (تخصص ابو جنى طبعا ;) ) .. ويا ريت الاعضاء الكرام يفيدوني

مقدم على شراء byd و حشغلها في شركه وان شاء الله انا اللي حشتغل عليها ... والترتيب اللي انا عايز اعمله اني بعد سنه ابيع العربيه واخد اللي ربنا كرم بيه واجيب موديل 2014 او حاجه اعلى وطبعا مش حتنزل من تمنها كتير بتقديري حوالي 10000 جنيه .. دا لو ربنا ستر وسلم وفضلت كل الامور على حالها ومتوسط مشيها طبيعي .. (ولا ايه رأيكم )

طيب في حالة ما اذا ركبت غاز .. ايه تاثير الموضوع ده ؟
حدفع 6500 كاش او 550 على 12 شهر .. يعني بعد سنه حتكون تكلفة السياره زادت عليا قمية اسطوانة الغاز ... الاسئله .
ايه تأثير تركيب اسطوانة الغاز على جسم السياره .. انا سمعت انهم بيخرمو في البودي نفسه :( .. ففهمت ان البودي بيتأثر .. هل التأثير ده بيكون واضح لو انا فكرت اشيل الاسطوانه واركبها في العربيه الجديده .. وهل التخاريم بسبب المسامير اللي حتتركب في بطن العربيه حتنزل من تمنها وتقريبا قد ايه ... ؟ (( يا ريت لو في صور لعمليه التركيب تدلوني عليها ))

هل لو بعت العربيه باسطوانة الغاز حقدر اضيف سعر الاسطوانه على ثمن العربيه ولا العكس دي بتنزل التمن ؟
ايه هيه المحافظات اللي حلاقي فيها الغاز ؟

ايه نظام الغاز القسط 550 دول .. هل هو عادي .. بمعنى انه اكني شاري سلعه من محل وكل شهر اروح ادفع القسط يعني مش ملزم امون من المحطه دي تحديدا ولا التزم معاها بحاجه .. او ممكن ادفع القسط ده في اي محطه تابعه لنفس الشركه .. وهل في اييييي ميزه للشراء كاش .؟

وهل حيفرق معايا السعر لو ركبت جهاز غاز مستعمل وحيكون سعره كام تقريبا .. لاني عرفت اني ممكن اشتري الاسطوانه مستعمل وباقي الوصلات من الشركه بعد الكشف على الاسطوانه وانها بكده حتوفر علي حوالي 2500 جنيه ؟؟!!

واخر سؤال ان شاء الله .. سمعت كتير اشتكو من موضوع شنطة العربيه مش بتقفل كويس . وان الميه بتتسرب فيها وقت غسلها ؟؟!!! .. وموضوع السوست الي بتنخفض لما الوزن بيزيد عليها خصوصا مع وجود اسطوانة الغاز 70 والناس اللي حتركب فيها واجهزتهم في الشنطه .. هل فعلا تستحق التغيير بسوست هوندا 95 زي ما قريت ؟

منتظر نصائحكم

Byd f3

((( نسيت احدد في الموضوع النوع)))

والله يا باشا بخصوص موضوع الغاز .. محدش مركب غاز غير الأستاذ/ أبو جنى .. فمحدش حيقدر يفيدك غيره .

والسوست الخلفية فيه مواضيع بتتكلم عن انخفاض العربية بعد تركيب الغاز وكيفية علاجها .. فحضرتك كلف نفسك بقرائتها .

الشنطة مش بتقفل كويس دي بتبقى محتاجة ضبط في التوكيل .. وحضرتك من إسكندرية .. توكيل اسكندرية أكثر من ممتاز .

ونصيحة قبل شراء العربية بصفة عامة .. حاول تقرأ المواضيع من البداية وتصفحها لتتوصل للقرار الصحيح بعد الاستخارة .

انا ركبت غاز في نيسان صني والتكلفه فعلا 540 كل شهر علي 12 شهر وكنت بدفعهم بالفعل بنزين شهريا والنتيجة باختصار افضل لان المسافه الي بقطعها يوميا من 6 اكتوبر للتجمع الخامس تستحق ده انما بخصوص التاثير علي السيارة من وجهه نظري لو ده حصل فرق السعر بين الغاز والبنزين هيعوض سعر الماتور كله بدل ما اعمر وبخصوص التكلفه الاسطوانه والجهاز بالنسبه للتكلفه يعتبروا اصل ثابت لو بعت العربيه ممكن تبيع من غيرهم وتركبهم في عربيه تانيه ولو فعلا الغاز سي ليه سيارات الاجرة و الميكروباص حولوا غاز من سنه 2000 ولا مشاكل تخص المواتير بالصورة المشار اليهم هو فعلا هيكون في تاثير علي العمر الافتراضي بس الفرق بين الغاز والبنزين هيغطي تكاليف الصيانه او تغيير الماتور بالكامل يعني لو بدل ما ادفع بنزين 500 جنيه شهريا بعد انتهاء القسط وادفع مثلا 150 غاز واشيل 100 جنيه علي مدي 5 سنوات جبت حق الماتور .وانا لما ركبت غاز في بنزينة 6 اكتوبر رئيس مهندسين التركيب معاه عربيه بي واي دي ومركب فيها غاز والحياة بيس

ودا كان رد المحترم ابو جنى في رساله وحبيت اضيفه هنا علشان لو حد عنده نفس الاستفسارات ويستفيد
يتركب الغاز . من محطة غاز تك فى مصطفى النحاس..
ودة علشان الناس بتثق فى تركيبهم..
وهاتمون غاز من اى محطة تانية..مافيش مشكلة
540 ج شهريا ..لازم فى المحطة اللى ركبت فيها..
لو هاتبيع بعد سنة ..بلاش تركب علشان التكاليف...لان كدة كدة..العربية بينزل من نمنها..ويبقى اتحملت خسارة تمن الغاز..
ممكن تفكة وتركبة فى الجديدة... ودة هاىسيب..مكان اخرام فى القديمة
نصيحة لك يا ..روح محة تركيب الغاز..وشوف بعينك أفضل
وممكن تشأل على الطبيعة ..افضل من النت..علشان تقدر تحسب الربحية كويس



بس هو للاسف مردش على مواضيع
-نسبة هبوط السعر بعد سنه .
-موضوع شراء الاسطوانه مستعمله وتوفير الفرق ومنين ممكن اتحصل عليها وايه الملاحظات اللي لازم انتبه ليها .
-موضوع تقفيل وعيوب التصنيع في الشنطه و السوست

والشكر طبعا واجب للاخ mohamedrabia لعرضه تجربته في عربيته الصني بس لو تكمل جميلك وتقولي عملية التخرييم اللي بتتم في العربيه عشان يركبو الجهاز وهل هيه مؤثره للدرجه الملحوظه اللي تخلي تمن العربيه يروح في داهيه لو فكيت الجهاز وحبيت ابيع السياره ...

تحياتي للجميع

اقتباس:

---

المشاركة الأصلية كتبت بواسطة petra_b2

والشكر طبعا واجب للاخ mohamedrabia لعرضه تجربته في عربيته الصني بس لو تكمل جميلك وتقولي عملية التخرييم اللي بتتم في العربيه عشان يركبو الجهاز وهل هيه مؤثره للدرجه الملحوظه اللي تخلي تمن العربيه يروح في داهيه لو فكيت الجهاز وحبيت ابيع السياره ...
تحياتي للجميع

---

الموضوع مش بالصورة الكبيرة اوي دي وعموما اي تخريم مقابله مسمار اخرام لتثبيت الاسطوانة واخرام لتعدية سلك الغاز
وكله في الشنطة واغلب العربيات عامله حاليا غاز والغالب مستقبليا هيعمل غاز بعد تعميم موضوع البنزين بالبونات لانه ارخص وكمان متواجد باستمرار

انا شايف ان الموضوع ان اجلا او عاجلا هيبقى اجبارى خصوصا ان امبارح استضاف محمود سعد واحد من وزاره الاقتصاد واتضح ان موضوع البنزين مصرين عليه وهيطبق فى شهر ابريل كل اسره حصتها 150 لتر شهريا طيب واحد زي يعمل ايه ده انا فى الصيف كل 3 ايام بحط 55 لتر يبقى على كده ده خراب مستعجل يبقى ساعتها توفير الغاز ضرورى نرجو من الله انهم كمان ميغلوش الغاز

اقتباس:

---

المشاركة الأصلية كتبت بواسطة memos

انا شايف ان الموضوع ان اجلا او عاجلا هيبقى اجبارى خصوصا ان امبارح استضاف محمود سعد واحد من وزاره الاقتصاد واتضح ان موضوع البنزين مصرين عليه وهيطبق فى شهر ابريل كل اسره حصتها 150 لتر شهريا طيب واحد زي يعمل ايه ده انا فى الصيف كل 3 ايام بحط 55 لتر يبقى على كده ده خراب مستعجل يبقى ساعتها توفير الغاز ضرورى نرجو من الله انهم كمان ميغلوش الغاز

---

ده لو الغاز برده زاد سعره هتبقي بجد مهزله يبقي بيقوموا اقتصاد مصر علي رقابنا وبجد هتبقي ثورة تانيه بس للجياااااااع

موضوع الغاز مش مستاهل هى هى البنزين بالضبط ؟ ال 6500 ج حطهم فى البنك حيطلعولك فوائد سنوية تساوى تماما الفرق بين البنزين والغاز ؟ ولا تبوظ العربية والموتور والبودى ؟؟ وفى الاخر حيتقص سعر العربية و يتخسف بيها الارض ؟؟فكر وانت حر؟؟

اقتباس:

---

المشاركة الأصلية كتبت بواسطة pop2107

موضوع الغاز مش مستاهل هى هى البنزين بالضبط ؟ ال 6500 ج حطهم فى البنك حيطلعولك فوائد سنوية تساوى تماما الفرق بين البنزين والغاز ؟ ولا تبوظ العربية والموتور والبودى ؟؟ وفى الاخر حيتقص سعر العربية و يتخسف بيها الارض ؟؟فكر وانت حر؟؟

---

انا اسف بس حسبتك مش سليمه لو واحد زى بيتكلف 1000 بنزين فى الشهر مقابل 170 غاز يبقى فيه وفر فى الشهر 870 ج يبقى بحسبه بسيطه 870*7شهور=6090على اعتبار ان شغلى مبيستهلكش المبلغ ده الا سبع شهور تقريبا ال6500 فى اتخن بنك يدوا فايده فى السنه 650ج يبقى انا فى السنه وفرت اكتر من تمن الغاز مش كده ولا ايييييييييييييييييه :Ta_clap[1]:

بالنسبة لموضوع الغاز فحضرتك بتروح للشركة وبتطلب تركيب الجهاز الجديد الانشجكشن وطبعاً لازم ضامن
وبتدفع 50 جنيه في الاول رسوم استعلام عنك وعن الضامن وممكن يجولك في نفس اليوم لو روحت بدري والجهاز بالتركيب سعره 6500 جنيه تقسطهم براحتك لو هتقسط على سنة واحدة يبقى بدون فوائد وممكن أكثر من سنة لحد اربع سنوات بس طبعا بفوائد وبتعفى من سداد أول قسط يعني أول دفع ليك هيكون بعد شهر من تاريخ التركيب
أما عن التموين فأي محطة غاز تقدر تمون منها
أما عن موضوع بيع العربية بعد كده ومشكلة التخريم فحضرتك هتبيع العربية بالغاز واكيد في خلال السنتين هيكون نزل جهاز أحدث تستفاد منه وتحمل سعر الغاز على العربية وقت البيع
أما عن موضوع ان العربية بتبقى واطية ده حقيقي لكن حضرتك بتغير السوست وبتبقى الامور تمام وانا عامل موضوع أسمه مشكلة في عفشة byd تقدر تقرأه وتستفيد منه
وانا تحت أمرك في اي استشارة
أخوك سامر المصري

تسلم يا اخ سامر على توضيحك ونصيحتك اللي مكنتش منتبه ليها خالص .. ان تكنولوجيا الغاز حتتغير بعد فتره .. ويكده مش حستبقى على القديم .... وانا فعلا اللي خلاني اسأل على موضوع السوست هوه لما قريت موضوعك الخاص بالعفشه .. وربنا يسترها معانا ومعاك

بالنسبه لرأيك يا pop انا بحسبه بصيته لمعدل الاستهلاك وكتر السفر حلاقيها بالغاز موفره معايا جدا بعون الله

وبحساب الفوائد البنكيه حسبتها طلعت بعيده خالص على المعادله

وتحياتي لكل اللي قدم فكره او خبرته عشان يفيد بيها الباقيين

أنا مش فاهم جزئية نزول جهاز للغاز أحدث دي ؟!

قبل كدة كان الغاز للعربيات الكربراتير وبيركب للانجكشن .. وبعد فترة بقى فيه جهاز بيركب للعربيات للانجكشن فقط .. فيه أيه تاني ممكن يتطور أو يتحدث عند تركيب الغاز !!

اقتباس:

---

المشاركة الأصلية كتبت بواسطة bassem.naguib

أنا مش فاهم جزئية نزول جهاز للغاز أحدث دي ؟!

قبل كدة كان الغاز للعربيات الكربراتير وبيركب للانجكشن .. وبعد فترة بقى فيه جهاز بيركب للعربيات للانجكشن فقط .. فيه أيه تاني ممكن يتطور أو يتحدث عند تركيب الغاز !!

---

هقولك على حاجة انا قرتها من فترة ومش فاكرها اوى بس هحاول اجمع الموضوع والموضوع يتلخص فى انه الغاز اللى موجود فى السيارات بالدول الاوروبية وخصوصا الباسات والجيتا بالتحديد انه فى زى خزنة كده صغيرة بيضاف اليها الزيت علشان كان الماتور بيسحب منها وهى العربية ماشية على الغاز لأن ده بيحافظ اكتر على البساتم وبيعمل زى عملية ليونة وتقل عملية السخونة و التآكل المتولد من الغاز ... شوفت بقى الاختراع ده وده طبعا ردا على كلامك هو فى ايه تانى ممكن يتطور او يتحدث عند تركيب الغاز ..... :b4_039::b4_039::b4_039::b4_039::b4_039:

طب بمناسبة ذكر الزيوت للعربيات اللي بالغاز .. أيه أنسب زيت للعربيات الغاز .. ولا مش فارقة كله واحد ؟!

والله انا شخصيا ( byd 2012 f3 غاز+بنزين ) كنت بحط موبيل بتاع التوكيل وبعدين غيرت لشيل الـ 5000كيلو واخر مرة دى حطيت زيت فاسكو ال 10000كيلو اللى موجود فى محطات كار جاز بتاعة الغاز وهبقى انزلو على 7000كيلو و شكلى هستمر عليه لأنى سمعت عنه كلام كويس وعلى فكرة هو تقريبا بيجى من الامارت والمفروض انه شركة بريطانية .