مش عارف اظبط المراية اليمين
كل ما امشى بالعربية واجى ادخل يمين افاجأ بعربية جاية من غير ما اشوفها فى المراية
هل ممكن تفيدونى فى كيفية ضبط المرايات
عرض للطباعة
مش عارف اظبط المراية اليمين
كل ما امشى بالعربية واجى ادخل يمين افاجأ بعربية جاية من غير ما اشوفها فى المراية
هل ممكن تفيدونى فى كيفية ضبط المرايات
خللى مرايتين الجنب بزاوية 90 درجة على جسم السيارة
MMamdouh
http://i83.photobucket.com/albums/j3...uh/mirrors.jpg
special thanks to my good friend Sameh Aziz
MMamdouh
لو سمحتوا
انا حاسس ان الاخ nnnnnn بيستخدم المراية اليمين على اساس ان الصورة فيها بابعاد حقيقية فبييجى يحود يمين يلاقى الكلاكسات اشتغلت من الى وراه على اليمين
حضرتك المرايا اليمين بتدى صورة غير حقيقية يعنى حضرتك بتشوف صورة العربية الى وراك ناحية اليمين بعيدة شوية فى المراية اليمين لكن الحقيقة ان العربية الى وراك ناحية اليمين اقرب بكتير من الى المراية بتقولهولك
لذلك انصح حضرتك باستخدام مراية الصالون لرؤية العربية الى جاية وراك من اليمين علشان مراية الصالون بتدى ابعاد حقيقية
ولا تستخدم مراية الجنب اليمين إلا لوانت بتبتدى تتحرك من الثبات لما تكون راكن فى اى حتة او واقف فى اشارة مثلا
ولو لاحظت هتلاقى نسبة كتيرة من الناس قافلة مراية الجنب اليمين علشان ماتنساش وتستخدمها غلط
حفظك الله وكفاك شر طريقك
انا مختلف معاك أشد الإختلاف يا أخ محسن
إستخدام المرايات الجانبيه مهم جداً جداً، بس لازم تاخد بالك إن أبعادها مش حقيقيه، عشان كده تلاقي العربيات الجديده كلها مكتوب على مراياتها نحذير "objects in the mirror are closer than they appear" بس ده معناه إنك تعمل حسابك مش تقفل المرايه خالص.
اكيد لما تيجي تخش يمين أو تغير حارتك لازم تبص في المرايه اليمين، ولو مش كده ما كانوش عملوا المرايه اليمين أصلاً
انا لسة مبتداء جديد فى القيادة وبعانى نفس المشكلة ان مراية العرابية ثابتة لا تغلق ولما بحاول احرك زجاج المرايا اليمين على اخرة لا ارى سوى جنب العربية وايضاً هل معنى ذلك ان المرايا الشمال ابعادها غير حقيقية .
وانا لانى لسة مبتداء فحتى الان لا اسطتيع تقدير المسافة بينى وبين السيارات القادمة خلفى وده بيخلنى اخاف ادخل لحارة فى المنتصف واحاول دائماً ان امشى على اليمين ولكن بهذة الطريقة اطر احياناً انى استنى العرابية المتوقفة لما تمشى لانى بخاف ادخل حد يخبطنى .
فارجو حل لهذه المشكلة اواقترحات ليها
واشكركم على الردود ومساعدة الاعضاء
bos ya man
elmafrod en elmrayat mabetgeblaks kol 7aga 3ashan fe 7aga esmaha blind area aw blind spot we de mante2a elmerayat mabetgebhash
check the following links
http://www.mynrma.com.au/cps/rde/xch...s.xsl/blis.htm
http://www.videojug.com/interview/driver-blind-spots
http://www.rta.nsw.gov.au/licensing/...iving_test.pdf
page7
انا بسوق و انا عندي 15 سنة و طلعت الرخصة و انا عندي 18 سنة و لكن بسوق في الطريق الفاضي أو ممكن أركن العربية و مش ممكن اسوق في الأماكن الزحمة و الميادين , تلاقيني بتلخبط و بيبقى كأني مش عارف أمشي خالص ,
المهم رحت لمركز تعليم و انا عندي 25 سنة علشان أعرف مشكلتي إيه , و الراجل اللي بيعلمني القيادة لما جربني لقى إن مشكلتي إني مش عارف اتحكم في المرايات ,
و علمني إنه طول ما إنا ماشي طوالي ابص على المراية إللي في الصالون فقط و كل فترة ابص (آخد لقطة من الطريق خلفي) و لما أكون عايز انتقل لحارة يمين أو آخد ملف يمين أو ادخل في شارع يمين يبقى لازم استخدم المرايات اليمين لفترة كافية مع تقدير بعد السيارات فيها و السرعة اللي انا ماشي بيها و كذلك بالنسبة للمرايا الشمال و طبعاً ده مع استخدام الإشارة المناسبة ,
و مع الإستخدام أصبح الموضوع عادة ,
و للعلم في ناس بتستخدم المرايا اللي في الصالون فقط و لكن الأفضل إنك تستخدم المرايات كلها و إلا مكنش المصنع عملها من الأساس .
أنا معرفش أسوق أبدا بدون المرايات الجانبية .... و بستغرب جدا من الناس إللي بتقفلها دة الواحد لو يطول يركب مرايه رابعة كمان عشان يكشف أكتر زوايا عربيته كان ركب
سواقين المكروباصات والتاكسى بيحطوا 19 مرايه قدام اعمل زيهم
بس هم مش بيحطوهم عشان يشوفوا زوايا اكتر
ده عشان حاجات تانيه مش ينفع نقولها هنا :)
انا معرفش احرك عربيتى من الجراج قبل ما اتاكد من ظبط المرايات الجانبيه ولو حسيت وانا ماشيه ان المرايات مش مظبوطه بزاويه الرؤيه الصحيحه اتلخبط واحس انى هعمل لا قدر الله حادثه عشان المرايات مش متظبطه اركن فورا واظبط
المرايات الجانبيه مهمه جدا ومرايه الصالون مينفعش اعتمد عليها 100% لانها بتجيب ابعاد الطريق اللى وراك لكن مش هتجيب ابعاد الطريق من الزاويه اليمين او الشمال ذى المرايات بتاعه الجنب
انا بظبط المرايات اليمين بحيث يظهر لى جزء بسيط من جنب عربيتى والرؤيه الاكثر للخارج يعنى معرفش موضوع 90 درجه ومفهمتش ازاى اعمله
ههههههههههههههههه أكيد مقصدش كدة ... بلاش سوء نيه يا راجلاقتباس:
سواقين المكروباصات والتاكسى بيحطوا 19 مرايه قدام اعمل زيهم
بس هم مش بيحطوهم عشان يشوفوا زوايا اكتر
ده عشان حاجات تانيه مش ينفع نقولها هنا
دة فيه كمان سواقين التوكتوك مره شوفت واحدة منهم حاطط 4 مرايات جانبية يمين و4 شمال
طبعا المريات الجانبية مهمة جدا, بس المشكلة فى المناطق العميا
انا لقيت حل بسيط جبت المريات المقعرة الصغيرة ولزقتها على المريات الجانبية
ميزتها انها بتجيب العربيات اللى مش باينة فى المريات الجانبية,, عيبها انها ساعات بتلخبط الواحد
ممكن تفيدونا بالصور الوضعية الصحيحة للمراية مع اظهار جزء من السيارة افادكم الله يا جماعة انا بعانى من نفس المشكلة
من المفترض دائما ان تكون عينيك دائما على مراية الصالون ( الداخلية )
يعنى كل حوالى 30 ثانية او دقيقة على الاكثر ليس اكثر من لمحة و دا هيديك دايما احساس عالى جدا بالطريق سواء السيارات خلفك مباشرة او خلفك يمين او شمال
اما عندما تريد الدخول يمين او شمال فطبعا تستعمل الاشارة قبل الدخول بمسافة مناسبة
يعنى بحوالى 30 او 40 متر و دا عشان بعض الناس اللى ماتصدق انك اديت اشارة لاتجاه ما الا و تجدها مصرة اصرار جنونى على انها تعدى الاول قبل ماتدخل فى الاتجاه اللى انتا عايزه و مديله اشارة و قبل الدخول بحوالى 10 متر المفروض هنا عينيك على المراية الجانبية ( زاوية 90 درجة ) مع اهمية اخذ لمحة سريعة و متكررة على الطريق امامك حتى لا تصدم احد ما يكون هدا سرعته لاى سبب .
و هو الموضوع كله ( القيادة ) مع الاستمرار يتحول الى طريقة الية تنفذا بدون اى توتر او قلق او خوف . و بالتوفيق ان شاء الله
مع تحياتى،،،،،
محمد السيد
فى مساحات معينة اسمها المنطقة العمياء ودى مش بتيجى بالنظر فى المراية ولا لو بصيت جنبك بطرف عينك كدة
لازم تبص جنبك لورا شوية تقريبا يكون نظرك موازى لكتفك
لان المنطقة اللى جنبك او بمعنى اصح لو عربية ماشية جنبك لكن بجانب نصف السيارة الخلفى وبينها وبينك مترين تلاتة مثلا مش هتشوفها ولا بجنب ولا فى المراية
ودى المنطقة العمياء
يعنى الحل انك لو هتكسر جامد كدة لازم نظرة الكتف دى
مجرد انك تلمح بس فى عربية جنبك ولا لأ
واحد صاحبى كان فى انجلترا بيقولى ان دى بيدققو عليها جدا فى اختبارت الرخص برا لانها ممكن تتسبب فى انك تخبط اللى جنبك ببساطة
وفى حل تانى انابعملة كتير وهوا انك لما تبص فى المراية لو خلاص مفيش حاجة وعايز تشوف المنطقة دى اتحرك لقدام شوية ناحية الدركسيون وبالتالى زاوية الرؤية فى المراية هتكون اوسع وهتشوف المنطقة دى ، بس دى بتيجى بالتعود لو مش واخد عليها هتحس انك متلخبط برضو شوية وتبقى خايف ليكون جنبك عربية خصوصا فى الجرى والطرق الزحمة
سواء كدة او انك تبص جنبك أيهما انسب بقى على حسب الموقف اللى انت فية والأسرع بالنسبالك
والله يا باشا انت لازم تبص في المرايات الجانبيه قبل ما تتحرك يمين او يسار ولازم المرايا الداخليه للسياره تضبطها بحيث تكون كاشفه الطريق خلفك وجايبه في نفس الوقت الزجاج بتاع الباب الخلفي اللي وراك والطريقه الصح بقي اللي درسناها هنا في مدرسة الامارات لتعليم القياده بتقول انك تبص اول شئ في المرايه الجانبيه اليسري وتتأكد من عدم وجود سيارات قريبه منك وتاني شئ تبص في المرايا الداخليه وتتأكد من عدم وجود عربيه بجوارك لان المرايا الجانبيه لا تظهر لك العربيه اللي جنبك مباشرة ولكن المرايا الداخليه تظهرها لك لانها كاشفه ليك الجزء الخلفي من عربيتك الشمالي اما بالنسبه لو عايز تنتقل للحاره اليمين فبتبص في المرايا الجانبيه اليمين وبعد ما تتاكد من عدم وجود عربيات بتبص علي يمينك ويكون نظرك بمحازاة كتفك اليمين علشان تكشف لو فيه عربيه جنبك ولا لا علشان احنا قلنا قبل كده المرايا الجانبيه بتكشف العربيات اللي وراك لكن مبتكشفش العربيات اللي جنبك
مناقشة جميلة وكلام ممتاز يا شباب
بالنسبة لي انا شاري مراية للصالون عريضة ومقعرة من التوفيقية بـ 9 جنيه
الصراحة فرقت جامد لأنها بتجيبلي اللي ورايا بزاوية جميلة وواضحة جدا تكاد تغنيني عن مرايتين الجنب
اضف على كده مرايتين صغيرين مقعرين الواحدة بجنيه ونص ملزوقة على مرايتين الجنب ودي فرقت معايا قويييييييييييييي في الركن :wacko:
طبعا مفيش اى اضافة ممكن اقولها غير حاجة واحده انك تسوق بالمنطق بمعنى
انا ماشى على الشمال يبقى مش محتاج ابص فى المرايا الشمال بكون محتاج اليمين واللى فى النص نسبيا
لو انت فى ملف وواحد مغطى عليك كل حاجة فى ناس بتقف لكن بالعكس انا باعتمد على الشخص ده بنسبة 100% لو هو ماشى صح مش هايحصلنا حاجة ولو هو ماشى غلط عربيتة هاتتكسر وانا مش هايحصل لى حاجة ومش بطبق ده على الطرق السريعة
لو هاتتنقل من حاره لحاره لازم تلف بعنيك على المريات مرتين / المره الاولى بتشوف الطريق كله علشان تحدد احتمالاتك وتعرف ايه اللى هايكون فى المناطق العمياء - والمره التانية علشان تبدأ تنفذ قرارك
اسهل سواقه وانا اسف انى اقول احقر سواقة هيه انك تمشى بسرعة اكبر من سرعة كل اللى حواليك فى اللحظة ديه نسبيا وانا بقول نسبيا انت مش محتاج مريات خالص لأن اى مكان فاضى فى الطريق هو ملك لك لكن المشكلة دايما فى اللى جاى وراك
... حصلت معايا مرتين على طريق السويس و كنت حتسفلت
الف بعد الشر عنك
بجد يا جماعة تلاقى الناس قافلة المرايا اليمين وماشى ( فهلوة) ومش فارقة معاه هو لما يحب يجيى يمين يكسر ويدخل كأن ما فيش غيره على الطريق ويكسر عليك ويقوللك معلش وبقت حاجة صعبة
في مشكلة صغيرة متهيألي ان مفيش حد اتكلم فيها
وهي في حالة الدوران إلى اليمين حتى لو مفيش مرايا (طبعا انا معرفش اسوق من غير المريات لأنها مهمة جدا)
1- السيارة المتجهة إلى اليمين مفترض انها بتحضر للإتجاه (باستخدام الإشارات) من قبل الدوران بحيث انها في حالة الدوران بتكون بالفعل في اقصى اليمين من الطريق
2- في حاجة اسمها الذوق وسلوكيات الطريق وللأسف الشديد ده مش متواجد عندنا مفترض السيارة القادمة من الخلف لما ترى أن السيارة التي أمامها بتعطي اشارة اتجاه إلى اليمين يبقى من الذوق انتظار السيارة حتى تأخذ وضعها السليم وبعد كده تكمل الطريق واعتقد ان ديه اهم نقطة لأن لازم بتعتمد على خطأ الغير ديه وجهة نظري والله اعلم
كلام سليم بس فيه ملاحظة.... مينفعش ادى اشارة انى داخل يمين قبل الدخلة اليمين ب 2 سنتى و اتوقع ان الناس تاخد بالها... ممكن ببساطة يبقى فيه جنبى واحد على اليمين و انا ادى اشارة يمين و احود و اخش فية و بعد كدة اقول " ما انا مديك اشارة"...
طيب الراجل الغلبان دة حيعمل اية بالاشارة بتاعتى و هو فى نص عربيتى؟؟ يطلع على الرصيف ولا يطير فى الهوا عشان يوسعلى؟؟... كمان لما انا داخل يمين... لية ممسكتش يمين من بدرى طالما داخل يمين؟؟
فى بقى ناس تانية اظرف من كدة بكتير... تلاقية ماشى بسرعة السلحفاة و وراك بكتير... و اول ما تدى اشارة انك داخل يمين يبقى عايز يحشر نفسه على يمينك و يعدى منك... طيب ما انا مديك اشارة من 3 سنين... بقى حلو اليمين دلوقتى لما انا جيت ادخل فيه؟؟
الموضوع فى الاخر سلوكيات و بديهيات... ناس كتير سلوكياتها زفت و ناس تانية موصلتش لمستوى الذكاء الكافى لاستيعاب البديهيات
MMamdouh
+1111111111111111111111111111111اقتباس:
انا بظبط المرايات اليمين بحيث يظهر لى جزء بسيط من جنب عربيتى والرؤيه الاكثر للخارج يعنى معرفش موضوع 90 درجه ومفهمتش ازاى اعمله
افتح المراية اكتر من كدة... مش لازم جزء من عربيتك يبان فى المراية لان المنطقة دى متغطية بمراية الصالون... لما تفتح المراية لبرة حتجيب مساحة اكبر لليمين و تكشف اللى ماشى فى الحارة اللى على يمينك
فى الوضع الحالى لازم اللى ماشى يمينك يبقى لازق فيك عشان يبان... و تحس بالموضوع دة لما تبص فى المراية متلاقيش حاجة و لما تحود يمين تلاقى عربية داخلة فى الباب بتاعك
MMamdouh
باشمهندس ممدوح
ازيك اولا واشكرك ثانيا
اكيد احنا متفقين مع بعض
النقطة اني بقول في عملية تحضير قبل ما ادخل يمين حتى لو معايا مرايا في جزء اسمه المنطقة العمياء اكيد برده مش ح اشوف السيارة فببساطة انا بعطي اشارة وانتظر كام ثانية علشان ادي فرصة للسيارات القادمة من الخلف انها ترى الاشارة (وطبعا قدر الاستطاعة محاولة مراقبة الطريق عن طريق المرايات المتاحة
ووبطئ باتجه يمين حتى السيارات القادمة من الخلف لما بترى السيارة بتتجه لليمين فتعمل حسابها على كده
طيب الراجل الغلبان دة حيعمل اية بالاشارة بتاعتى و هو فى نص عربيتى؟؟ يطلع على الرصيف ولا يطير فى الهوا عشان يوسعلى؟؟.
الاخ اللي بيدخل من ناحية اليمين (طبقا لقواعد القيادة ممنوع تخطي السيارة من اليمين) يااما يعدي بسرعة ياأما مايعديش اصلاً فطبعا (لو لاقدر الله) اتخبط ده اكيد ح يكون هو اللي غلطان
أما بخصوص العبقرية عند السائقين فاكيد اكيد انا متفق مع حضرتك
انا مرة سائق تاكسي جري ورايا علشان يزعق لي تخيل ليه؟؟؟!!!!
بيقول.....
ايه ياباشمهندس ...
علشان تيجي يمين بتدي اشارة يمين
وعلشان تيجي شمال بتدي اشارة شمال
ايه يعم خنقتنا انت فاكر نفسك فين
هاهاهاهاهاهاهااهاهاهاهاها
طبعا انا ضحكت ومشيت
تحياتي إليكم جميعا
باعانى من نفس المشكلة