السلام عليكم ورحمه الله وبركاته
انا دلوقتى يا جماعه عندى مشكله فى العربيه الباور بيفصل كل شويه وانا ماشى والدركسيون بيتقل جدا ولازم ابطل العربيه وادورها تانى علشان يشتغل فكنت عاوز اعرف هيا ايه المشكله بالظبط وحلها ولو حد حصل معاه نفس الموضوع قبل كده ويقدر يفيدنى علشان اللى اتقاللى ان الماكينه بتاعت الباور هتتغير واحد فى عزبه شلبى قاللى هيركبهالى وهتتكلف الف جنيه وانا مش عارف اعمل ايه
هى العربيه بونتو 2003 باور كهربا
ممكن يكون عيب حساس السرعة
مكانة في الجيربوكس من ناحية السواق
جرب كده تفكه و تنضفه و تركبه أو ممكن تغيره او تشوف السلك بتاعة عند كهربائي
انا كان عندي المشكلة دي و راحت لما اتنضف
و ان شاء الله خير و تحت أمرك في أي استفسار
اقتباس:
المشاركة الأصلية كتبت بواسطة sa3dizer
بس هو لما الباور بيفصل زرار السيتى لما بأشغله مش بيشتغل ولا بينور فى التابلوه
بس قبل كده كان ممكن اشغل السيتى فى اى وقت وعلى اى سرعه
ممكن توضحاى اكتر فين مكان الحساس ده ووظيفته ايه
معلش يا باشا تاعبك معايا
الحساس ده اللي بيقرا سرعة العربية
ايه علاقتة بالباور ؟
الباور بيفصل عند 80 أو الفرامل المفاجئة و ده للأمان
المكان :
و انت فاتح الكبوت و وشك للعربية
الجير بوكس هيبقا على يمين الموتور تحت اليمين ناحية السواق
الحساس اللي متعلم بالاحمر
http://imageshack.us/scaled/landing/...n8igtz9bqy.jpg
و ده شكلة و هو مفكوك
http://www.autopartportal.com/produc...468173746f.jpg
ممكن تبقى الفيشة اللي بتركب فيه مهزوزه أو عايز تفك و تتنضف أو يتغير
أتمنى أكون أفدتك و تحت أمرك في أي استفسار
انا عندي مشكله مشابهه الباور بيفصل اما الف الدركسيون علي الاخر يمين و انا بركن مثلا ابطل العربيه و اشغلها يشتغل دا يبقي ايه
يا جماعة بعيدا غن الموضوع في حاجة عجبتني ..اسم استاذ سعد جامد جدا يا باشا اسم سعدايزر دة...
نفس الكلام يا باشا كان بيحصل معايا! و اتحلت لما فكيت الحساس و خدلة تنضيفة محترمة باسبراي أكاي و ركب و محترم نفسه بفضل الله من ساعتهااقتباس:
المشاركة الأصلية كتبت بواسطة kaboali
ههههههه! ما يغلاش عليك الاسم :dاقتباس:
المشاركة الأصلية كتبت بواسطة i_am_legend
شكرا يا باشا علي الرد حجرب انضف الحساس و اقول لكم علي النتيجة
المشكلة هتكون فى كنترول الباور لان البونتو ليها اثنين كنترول واحد للعربية ومكانة تحت البوابة وواحد للباور ودة مكانة تحت قطمة الدركسيون روح الوكالة واسأل على كنترول بور بونتو شمال
الف شكر يا استاذ سعدايزر على اهتمامك وردك
انا فعلا بصيت على الحساس ده والفيشه بتاعته راكبه كويس
اقتباس:
المشاركة الأصلية كتبت بواسطة charming
شكرا يا باشا على ردك
هو كنترول الباور ده اللى بيقولوا عليه ماكينه السيتى باور
انا فى حاجه كمان لاحظتها وانا ماشى بأحس بخبطه كده فى الدركسيون وصوتها جاى من القطمه فعلا واول ما بتحصل الخبطه دى الباور يفصل
انا على فكره من اول ما جبت العربيه وفى لمبه منوره احمر فى التابلوه مش عارف بتاعت ايه هى لمبه على شكل دركسيون
لا شكر على واجباقتباس:
المشاركة الأصلية كتبت بواسطة ozy2026
اللمبة الحمرا دي بتاعت الباور
بخصوص كنترول الباور هاتفك الأربع مسامير اللي في البلاستيك اللي تحت الدركسيون
هتلاقي في أخر القطمه تحت بوكس لونه سيلفر هو ده كنترول الباور
ده شكل كنترول الباور
http://i1057.photobucket.com/albums/...2012/986-3.jpg
ممكن تكون الفيشة مش راكبا برضو أوالكونترول عايز يتثبت :E_braces[1]:
أو ممكن تكون الكونترول عايز يتغير
بص كدة و تحت أمرك في أي إستفسار
منين نجيب الكنترول داة وبكام والف شكر لحضرتك
أنا معرفش السعر للأسف بس كلم دول و إسألاقتباس:
المشاركة الأصلية كتبت بواسطة haany_ghazy
جديد : الكيلاني
نمرة 0225799069
كلمه و اسأله علي السعر
و فيه محمد يوسف في شارع فيصل, طبعا دة لو عاوز جديد
لو عاوز استيراد
مجدي البيومي في الحرفيين
و دي نمرة واحد اسمه مدحت اللي ماسك المحل: 01226936665
و فيه واحد جانبه بتاع فيات وواحد قدامه بردو بتاع فيات
الف شكر استاذ سعيد على مساعدتك
وداة يخلينى اطمع فى كرم حضرتك . انا معايا بونتو كلاسيك مديل 2009 و العربية بتسقف لما بتسخن طول ماهية باردة متسقفش ياريت تدلنى على السبب او اعمل اية وللك جزيل الشكر
هو الحساس ده موجود فى الفيات اللى مفهوش طلمبه باور كهربا زى السيينا كده مثلا ؟؟؟اقتباس:
المشاركة الأصلية كتبت بواسطة sa3dizer
اصل الفتيس عندى فيه حساس طالع منه سلك معرفش بتاع ايييه
لا شكر على واجب .. التسقيف ده ليه 100 سبب الافضل وديها عند ميكانيكي يكون عندة جهاز كشف يبصلك عليهااقتباس:
المشاركة الأصلية كتبت بواسطة haany_ghazy
آسف على التأخير في الرد
أغلب العربيات حساس السرعة بتاعها في الفتيس ما عدا العربيات اللي فيها ِabs بيبقى في الفراملاقتباس:
المشاركة الأصلية كتبت بواسطة hwk
اقتباس:
المشاركة الأصلية كتبت بواسطة sa3dizer
طب هو فى واحد قاللى افك كابلات البطاريه خالص والمسهم ببعض علشان افرغ اى شحنه وابيت العربيه كده علشان اعمل ريستارت للكنترول ف ايه رأي حضرتك فى الكلام ده
المشكله ان الفبره اللى تحت الدركسيون ده عاوزه مفتاح النكيه وانا مش عندى
كلام جميل بس لو المشكلة لسة موجودة الكنترول هينور تانياقتباس:
المشاركة الأصلية كتبت بواسطة ozy2026
ده كدة مسكن مش حل :)
مشكلتك حصلت معايا زمان و حلها كان سهل , ان شاء الله ينفع معاكاقتباس:
المشاركة الأصلية كتبت بواسطة ozy2026
فك كابلات البطارية الاتنين, ماتلمسهمش مع بعض لأن الموضوع دة هيقلل عمرها جامد , نظفهم من الشحم و اتأكد انك ركبتهم و مثبتهم كويس
بس كدة!
معلش مشاركتى متأخرة لأنى مش فاضى أدخل المنتدى من زمان