ناس كتير قالولي على موضوع رفع دعوى صحة ونفاذ على عقد بيع السيارة الابتدائي بدلا من دفع رسوم عالية في الشهر العقاري؟ يا ترى حد عملها قبل كده ؟ ووحدة التراخيص بالمرور بتاخد بيها ولا لأ؟
ناس كتير قالولي على موضوع رفع دعوى صحة ونفاذ على عقد بيع السيارة الابتدائي بدلا من دفع رسوم عالية في الشهر العقاري؟ يا ترى حد عملها قبل كده ؟ ووحدة التراخيص بالمرور بتاخد بيها ولا لأ؟
للا سف مالوش لازمه
المرور لايعترف الا بالعقد الصادر من الشهر العقاري
انا عملتها بس لسه ماروحتش المرور ولكن كام واحد قال انه جرب الموضوع ونفع
انا برضو عملتها بس لسة منتظر الحكم اخر الشهر ان شاء الله وربنا يسهل
بس فعلا فى كذا واحد اكدوا لى الموضوع ده وكمان ناس محاميين وعلى الله التساهيل
وطب وديه تكليفتها في حدود كام ؟ وياريت حد يقولنا نفعت مع المرور في نقل الملكية ولا لأ
اتا عملتها مرتين والمرور بيعترف بيها طبعا بس لازم تاخد معاك ورقة من المحكمة اسمها الصيغة التنفيذيه بتطلع بعد الحكم بحوالى اسبوعين والتكلفة من 350 الى 500 حسب المحامى
لما هي التكلفة للدعوى 500 جنيه امال العقد المسجل تكلفته كام؟؟
لسه عاملها لاخويا اتكلفت 350ج لانها سريعه (في اسبوعين بس) تم تحديد جلسه وراح اخويا يمضي قدام القاضي واخد ورقه الحكم
ايه الكلام الجديد ده طيب عايزين تفاصيل اكتر و ادق و خطوه خطوه و المرور بيتعامل معاك ازاي و بيقبلها و لا لا علشان لو مقبلهاش يبقي حضرتك احنا كده لبسنا في الحيط فياريت لو حد عملها فعلا و مشيت الخطوات معاه لغايه ما رخص يعرفنا خبرته في القصه دي
متابع للاهمية
طب دلوقتي انا ببيع و المشتري عايز يعمل دعوى صحة ونفاذ عقد بيع
انا موقفي بيبقي اية في الشهر العقاري هل سأضل المالك للسيارة بالنسبة ليهم
متابع
أعرف إثنين عملوها ..واحد عملها في دمياط ..المرور قبلها وعدت ..وواحد عمل بنصيحته في إسكندريه وعملها ..المرور غلس عليه ومقبلهاش ..وقالوله في المرور روح الشهر العقاري ينفذ الأول وبعدين تجيبلنا عقد من الشهر العقاري ننفذ إحنا عليه ..إحنا مش جهة نقل ملكيه ...إحنا جهة إصدار تراخيص تسيير مركبات ..جهة تنفيذ أحكام نقل الملكية هي الشهر العقاري ..طبعا راح الشهر العقاري لقى نفسه لابس في مصاريف نقل ملكيه ...يعني بتاع دمياط عملها وعدت ..وبتاع إسكندرية إتكعبلت معاه ..سبحان الله ..أرزاق
لو حضرتك البائع ... ليس لك اى دخل فى القضيه ... المشترى هو الى بيرفعها ...
فقط حيجيلك اخطار من المحكمه على العنوان ... لا تذهب ... و بالتالى القاضى حيعتبرك غير معترض و حيحكم بالنفاذ ...
و بمجرد المشترى بيعمل صحه النفاذ ... بيروح المرور يرخص لنفسه عادى و الرخصه بتبقى باسمه لانه المالك ...
تحياتى ...