الأخ العزيز يا ريت نمرة سامح محمد وعنوانه وبور زون مش بسمع إنو واو في عالم التعديل مع جزيل شكري لردود حضرتك
ما اعتقد حضرتك تقصد سامح اللى هو sam chips على ما اذكر سامح كنترولات بس وبالنسبة للمهندس احمد الوكيل دة شغله معروف ومعظم العربيات الجبارة اللى فمصر هو اللى عاملها زى الأيفو بتاعت عدلى 600 حصان وعربية احمد طارق البى ام اللى فيها موتور السوبرا 700 2JZ وعربية خالد امام اللى فيها موتور النيسان السلفيا SR20 DET ودة رقم تليفون المركز بتاعه 01000776541_ 01003336222
ودة رابط بيدج الفيس :
http://www.facebook.com/pages/EVO-CL...ref=ts&fref=ts
حضرتك لازم تحدد السيارات انواعها اىه عشان اعرف اساعدك.
فقط للتصحيح سيارة احمد طارق تم بنائها بالكامل عند المهندس احمد الوكيل و التعديلات و البرمجة تمت عندنا على الداينو
ههههههههههههههه...... اعتذر عن مقاطعة الحوار..... و اطلب السماح من الاعضاء في الي هقوله... بالمقارنة بالي قريته في التلات صفحات الي فاتت... ليه محدش بيشتغل في القديم... انا معايا 504 مش لاقي حد يشتغل فيها و محدش عايز يمد ايده عليها..... و انا بصراحة بحبها و مش عايز افرط فيها..... افكاري فيها بسيطة مش لدرجة تربو و كده... انما انتيك و اكزوست و تغيير الفرامل و الطنابير بالكامل و شوية شغل بسيط في الشكل... و يمك سوبر شارجر... و لو ممكن تعديل بعض الاجزاء الميكانيكية بتاعت الة الجر باجزاء سبور... يعني الكلتش كيت كامل و الفلاي وييل و الكرانك شافت و الكام... حد ممكن يفيدني... لو ممكن ياريت الرد ب ايه الي ممكن يتعمل و تكلفته... مشكلتي اني مجنون بالعربية دي... مش لدرجة صاحب الموضوع الاصلي ... يا اخي 7 عربيات مرة واحدة ... و هتشيل 1500 و تحط 5000... كامل احترامي ليك و ربنا يوفقك في مشاريعك ...
اسف للاطالة و تحياتي للجميع
متابع
لقيت مجنون بالعربيات زيى .. انا زيك بصرف كل ما أملك عالعربيات تقريبا بس الحمد لله انا معايا إبيزا 94 ومسقطلها 2000 2E بس إوعى وشك .. العربيه بسم الله ما شاء الله أدائها زفت :(
انا عمال أقرأ هنا عن أسامى ناس فى التعديلات وحاجات مش فاهم أغلبها
ياريت لو حد يدلنى على إسم مكان أروحه يظبطلى العربيه إللى خربت بيت أهلى دى
حرام لما تبقى إبيزا موديل 94 تبقى متكلفه 55 ألف وفى الآخر أدائها يبقى زفت :(
كله بيقولى بالمبلغ ده كان زمانها بقت عربيه خرافيه .. قدر الله وما شاء فعل .. إتضحك عليا وإتعمل الصح معايا فمش حفضل أبكى على اللبن المسكوب .. بس عايز ورشه يكونوا إللى شغالين فيها أساتذه ومش بينصبوا ويستغلوا إن إللى قدامهم مش فاهم حاجه :( :(
إللى إتقالى إن المشاكل عندى تتلخص فى
1 - ال Air Flow Meter بتاع ال 1800 BB مش بتاع ال 2000 2E
2 - ترمبة البنزين بتاعة 1300 CC
3 - طقم الدبرياج ناس تقولى كويس وناس تقولى ضايع وانا مش عارف مين صح
4 - ضفيرة العربيه مش معموله كويس
الأربع حاجات دول لو حيتظبطوا ظبطة فنان ويكون بيراعى ربنا .. يبقى يتكلفوا كام ويتعملوا عند ميين ؟؟؟؟؟