السلام عليكم
لو سمحت كنت عايز اسأل عن سعر مكنة دايهاتسو ميرا 99 سعة 1000 سي سي 3 سلندر استيراد بكام ؟ و بتبقي شاملة ايه ؟ ولو في منها جديد يعمل كام تقريبا .. شكرااااااااا
عرض للطباعة
السلام عليكم
لو سمحت كنت عايز اسأل عن سعر مكنة دايهاتسو ميرا 99 سعة 1000 سي سي 3 سلندر استيراد بكام ؟ و بتبقي شاملة ايه ؟ ولو في منها جديد يعمل كام تقريبا .. شكرااااااااا
الموتور بيبقي كامل عمة اسبراتير دينامو مارش وقواعد الموتور والتكييف ان وجد
بالسيور والبوجيهات والزيت بتاع الموتور
بالفتيس كمان لو حتجيبه من بورسعيد عمارات بنك الاسكان
قدامك طريقة الفحص المبدائي شكل الموتور اتاكد ان متغيرلوش جوانات فك غطاء التاكيهات
بص علي الشواكيش ولون الزيت وممكن تعرف لما تفك غطاء الزيت
وبتدوره علي الارض وتسد فرن الشكمان بقماشة علشان تقدر تسمع الماكنة
وتتاكد ان مفيش بخر زيت
خلي بالك من حاجة مهمة تاخد الفاتورة فاضية ومختومة وتاخد2 صورة من الافراج الجمركي
قبل الفحص اللي علي تاريخ الرخصة بحوالي 3 شهور تروح بورسعيد المرور وتقولهم عايز اصدر الموتور ده
اهم حاجه تكون الرخصه بأسمك وعارف اسم وحدة المرور بالضبط الموضوع سهل ومباخدش اكتر من 10 دقائق
وهما يا بيبعتوا الورق المرور بتاعك يا اما بيدهولك وخلاص علي كده مبروك عليك الموتور الجديد
ومتخليهوش هو يخلصلك الورق لسببين
اولهم حيدفعك مصاريف مخلص من 100 الي 200 جنيه بيحطهم في جيبه
ثانيهم انك كده لبست في الموتور لو في حاجه مش حيرضي يرجعه
وتأكد عليه ان معاك ضمان تجربة من اسبوعين الي شهر
بعد ما تركب الموتور تغير
زيت الموتور زيت الفتيس سير الكاتينة والبلية سير الدينامو وطلمبة المية وسير التكييف ان وجد
السعر انا مش متأكد يعني في حدود 2500 الي 2700 بالفتيس
في الغالب سعر واحد بس انا معرفش الكود بتاع الماكنة بتاعتك ايه
يعني مثلا الشاريد 90 CB-23 السيريون 1000 cc موديل 2010 1KR-FE
شوف مع ان ده موديل 90 سعرها حوالي 2700 جنيه
والتانية موديل 2010 سعرها حوالي 3000 جنيه
المهم تاخدها بالكنترول يونت والضفيرة يستحسن
والسعر نفس الرنج اللي قولتلك عليه مش حيزيد كتير
تحياتي