ياجماعه معايه فى حدود 70 الف و مشارف اجيب ايه .. ناس قلتلى لانوس زيرو و ناس صنى مستعمل و انا مش عارف لانى جديد على موضوع العربيات ده ارجوكم افيدونى
عرض للطباعة
ياجماعه معايه فى حدود 70 الف و مشارف اجيب ايه .. ناس قلتلى لانوس زيرو و ناس صنى مستعمل و انا مش عارف لانى جديد على موضوع العربيات ده ارجوكم افيدونى
ياريس ..
حدد الاول انت عايز ايه من العربية
فخامه و ثبات و معمره
ولا اعادة بيع و سعر قطع غيار
عموما 70 الف يجيبولك
فوكاس 2006 - ميجان 2006-2008 - امبريزا 2006 - بى ام 94 - اوبل فيكترا 98 و ممكن اعلى - سيتروين سى 4 2007-2008 كل دى عربيات فيها فخامة و ثبات و قطع غيار معمره
على الناحية الاخرى يجيبولك
لانسر 1300 2006-2007 حالتها حلوه - ياريس - النترا 2007-2009 و دى عربيات متوسطة من حيث كل حاجة بس قطع الغيار الاصليه بتاعتها و خصوصا الانسر غاليه شوية
لانوس - فيرنا عربيات مهروسه فى السوق المصرى من 12 سنة و قدمت جدا جدا
لو مكانك هجيب الفوكاس او الامبريزا او الميجان
لو زيرو ممكن رينو لوجان و هتبقى موديل السنه و معاها ضمان ٣ سنين و حضرتك المالك الاول ليها و هتريح دماغك من مشاكل العربيات المستعمله و تقدر تعمل عليها تأمين أما لو مستعمل ممكن نيسان صنى او لانسر بومه او تويوتا ياريس و العبره فى المستعمل بالحالة الاحسن طبعا و لابد من الكشف الدقيق منعا للمفاجآت الغير سعيده
عايز جديد ولا مستعمل لو جديد اعتقد لازم تزود عليهم وتجيب لانوس لو مستعمل تجيب لانسر او يارس او نيسان سوبر صالون
وممكن جولف4
بورا
انا مرضتش اقول لانسر علشان المبلغ علشان يجيب عربية فابريكا ومتميزة هتبقي 1300
وال 1300 فال لانسر لا افضله بصراحة
كراي ..
الزيرو هيريحك جامد و معاك لوجان او لانوس
مستعمل صنى او ياريس عربيات جميله برضه و اهم حاجه الحاله و الكشف الدقيق
لوجان زيرو
تويوتا ياريس مستعمل
نيسان صنى برضو 70 يجيبو حاله حلوه
هيونداى اكسنت لو عاوز كورى واعاده بيع
وفى هوندا وبى ام وسوبارو ده حسب دماغك انت وسواقتك ومتطلباتك
تحياتى
طيب يعنى اغلب الناس قالت لو مستعمل يبقا صنى او يارس و لو جديد لانوس . انهى الاحسن الصنى ولا اليارس من ناحيه قطع الغيار و سعر اعاده البيع . و العربيه عامتا ؟