-
مشكلة الفيرنا فى المطبات
السلام عليكم جميعا انا لسه من اسبوعين شارى عربية فيرنا 2006 وحالتها ما شاء الله كويسة جدا من صاحبى اللى معايا في الشغل اصلا بس انا ساكن في حته كلها مطبات وكل مطب لازم اسمع حكة العربية مش عارف بقى ممكن الشاسيه ولا الشكمان بس تقريبا من الشكمان لانى بسمع الحكة بعد اما اعدى من العجلة الخلفية المهم واحد صاحبى نصحنى ان انا احط علايات فوق الوسست الخلفية للعربية فما النصيحة..... انا كان عندى اكسل وبتاع العفشة ركبلى 2 سوست في الخلف ومكانش عندى اى مشكلة مع المطبات ........بس تقريبا الاكسيل اعلى من الفيرنا فانا بطلب من حبايبى يفيدونى افادكم الله
-
ركب علبة شكمان بتاعة موديل 2009 او اعلى... مشكله الشكمان الواطى اتحلت من اول موديلات 2009
-
قدامك حل من اتنين و انسى خالص موضوع العلايات ده (العربيه مش ناقصه عومان)
1- و ده الأسهل و الأقل فى التكلف انك فعلا تجيب علبه 2009 او 2004 الكورى كنت رشحتها لحد من زمايلنا هنا و كانت تمام
2- الحل المكلف تحط ورا مساعدسن هوا بس علشان العربيه متنزلش الا بالنسبه طفيفه جدا متخليهاش تحك او تقلل من الحك جدا
نصيحه ابعد تماما عن اى حاجه تعلى العربيه
-
السلام عليكم ورحمة الله
ممكن تركب 2 صداده رينو ب 90 ج
وكاوتشتين علايه ب 30 ج ( ولو مفيش حمولة اوى ممكن بلاش كاوتشات )
ومتزودش سرعه عن 90-100 كم
وربنا يستر طريقنا جميعا يارب
-
هقولك خلاصه تجربه 5 سنين معا العفشه الخاصه باليهونداى النترا خليجى وفيرنا واكسنت وسوناتا
احسن عربيه تركبها كعفشه فى الهيونداى السوناتا
بالنسبه للباقى مشكله الوطى ده شى بقا طبيعى
انا ركبت اول مرة علايه وحده مش عملت حاجه
بعدها ركبت 2 علايه
خد بقا عندك دبدبه فى المطبات عشان المساعد مفتوح لاخرة
تمام
كل كم شهر تلاقى عاوز تغير مساعدين وتربط عفشه
المساعد مش بياخد ويدى فى المطبات عشان مفتوح لاخره
عشان العلايات
تمام
تلاقى بقا شويه وقومت مركب سوست اعلى حلقه او 2 وقومت شايل كل العلايات
نشفان بقا فى المطبات تحس ان حديد بيخبط فى حديد وطبعا بياثر على الكرتيرات
واخر شى وصلت ليه وجايب حل نسبيا وكويسن
وبعدين عن العك وفتى الصنايعيه والحورات
امامك 2 حل
لبتغير المساعدين والسوست لسوست مساعدين عربيه تانيه تكون بنفس الكفائه ونفس المواصفات بس السماعدين والسوست اعلى
او بتسيب العربيه ذى ما هى
وتغير مقاس الكاوتش لاعلى
مثال عربيه بيرتكب عليها مثلا 13 175 60
بيبقى متاح للعربيه تركب مثلا 13 185 على 60
ومش هيضر بالعفشه
او مقاس 14
ده الحل هيديك علو للعربيه عن الارض من 5 الى 10 سنتى علو طبيعى بدون تائثير على العفشه او حكات فى الصاح وطبعا بيبقى كل حاجه قدام عنيك وبيديك ثبات ايضا للعربيه
والحل ده انا جربته اخر حاجه بعد قرف وفتى وتجارب وهنا وهنا
وشغال كويس معا انى حتى لو راكب جيب شروكى هتلبس مطبات وتحك ههههههه
اتمنى ان اكون اضفت ليك معلومة
-
غير علبة الشكمان اللى ورا وركب العلبة الجديدة اللى بتنزل فى الموديلات الأحدث من عند أبو اليزيد..
-
انا مؤيد لفكرة العلبة الجديدة بتاعت الشكمان من ابو اليزيد و الحل التاني جنط 14 المتاح للفيرنا بنفس المواصفات
-
بالنسبة للجنط 14
في ناس عامله 65*185 وفى ناس عامله 60*185 ؟؟؟؟؟؟؟؟؟؟؟؟
وكمان هل الافضل جنط حديد ولا اسبور ؟
وازاى احافظ على الجنط من الخرابيش وكيفية معالجته فى حالة حدوثها ؟
معلش سؤال على جنب كده
فانوس الفيرنا االامامى بكام من فضلكم ؟
وشكرا جزيلا
-
عاجز عن الشكر ليكو جميعا
جزاكم الله كل خير والله على المعلومات المفيدة وتقريبا من ملخص كلامكو جميعا ان اغير علبة الشكمان الخلفية والكلام داه انا سمعته ان التعديلات في الموديلات الحديثة علشان الموضوع داه .........ان شاء الله هاعمله وهابلغكوا بالنتيجة والف مليون شكر على المعلومات القيمة وهذه النصائح الغالية
Content Relevant URLs by
vBSEO 3.6.0 PL2