الموضوع: فلتر المياة اﻷنجليزى

وممكن بالسكر البودرة، بصراحة مش عارف ده ممكن يأثر بالسلب ولا الإيجاب بس أعتقد كل المقصود منه عمل طبقة خشنة بعض الشئ لتنضيف الشمعة زي الصنفره كده.
عموما الشمعة كده كده الفروض آخرها 6 شهور وكده تبقى هاريها.

المشاركة الأصلية كتبت بواسطة mastr_n

فاااااااااااااااااااااااا اااااااااااااااشل
وعن تجربة

هو إيه إللي فاشل. الملح ولا الفلتر؟!
على فكرة ده أكتر فلتر محترم في السوق دلوقت بس إتأكد إنه الأصلي ولما تغير الشمعة هات الإنجليزي الأصلي بالكربون ( الكربون جوه السيراميك بيشخشخ ) أم 70-80 جنيه. الصيني أم 35 زي قلتها.

الفلتر مش فاشل وجامد جدا انا بستخدمه بقالي 3 سنوات بس بيحتاج تنظيف كل اسبوع لانه بتسد وبتقل كميه المياه الي خارجه منه وعشان تنظفه كويس بلاش لا ملح ولا سكر بيتنظف بفرشه سنان خشنه وتدعك بيها الفلتر تحت الميه الجاريه لحد ما يرجع ابيض تاني او ممكن صنفره ناعمه تحت المياه الجاريه برضو بيرجع جديد تاني

المشاركة الأصلية كتبت بواسطة wwaeel

الفلتر مش فاشل وجامد جدا انا بستخدمه بقالي 3 سنوات بس بيحتاج تنظيف كل اسبوع لانه بتسد وبتقل كميه المياه الي خارجه منه وعشان تنظفه كويس بلاش لا ملح ولا سكر بيتنظف بفرشه سنان خشنه وتدعك بيها الفلتر تحت الميه الجاريه لحد ما يرجع ابيض تاني او ممكن صنفره ناعمه تحت المياه الجاريه برضو بيرجع جديد تاني

أنا بعمل كده بالضبط لكن أنا جايبله فرشة مخصوص هو تقريبا لغسيل المواعين خشنه شوية بس ميزتها إن مساحتها أكبر من فرشة السنان فبتأدي المهمه أسرع.
بس في رأي بلاش الصنفره عشان ممكن تاكل من طبقة السيراميك وتقلل من كفائته. والله أعلم.

هو ممكن ناس تشوف بطئ سريان المياه من الفتر ده أو إحتياجه للتنظيف كل شوية إنها حاجة تخنق بس ده دليل إن قدرة عالية على الفلتره لأن مسامه ضيقة. حيب ماهو مكتوب على العلبه 0.9 مايكرون وده كويس جدا. يافرحتي بفلتر المياه نازله ترخ منه وعمال يعدي بلاوي طبعا العين متشوفهاش.

المشاركة الأصلية كتبت بواسطة r_gamal1

المشكله ان الفرشه مبتعملش حاجه فا بطر انضفه ب سلكه مواعين بس جربت موضوع الملح لقيته كويس وبينضف الشمعه تمام بس كنت قلقان ان الملح ياثر على الميه

أظن المح مش هيأثر علي المياه للدرجه وكده كده لو فيه بقايا هتروح بسرعة مه تدفق الميه. بس الخوف إنه يسد مسام الفلتر الميكروسكوبية، معرفش هل ده وارد ولا لأ.

الفلتر لما بتوسخ بيتسد المسام الدقيقه بتاعته علي السطح الخارجي والهدف من تنظيفه انك بتشيل طبقه رقيقه جدا من السطح الخارجي الي فيها المسام اتسدت ويصبح الفلتر كالجديد ومتخفش ده مش هيوز الفلتر لان انت لما بتعمله بفرشه سنان او صنفره ناعمه او اي فرشه خشنه بتشيل طبقه حوالي 0.02 ملى وسمك الفخار بتاع الفلتر حوالى 10 ملى يعني علي مدار عمر الشمعه مش هتتاثر انا غيرت الشمعه عندي بعد سنه استخدام وكنت بغسله كل اسبوع او بالفرشه ولما غيرت الشمعه كسرت القديمه عشان اشوف سمكها ووحالتها لقيت سمكاها مقلش كتير وان المسام الي بتتسد هي الي علي السطح الخارجي فقط