الحقوني يا جدعان جبت اخري مينها

**medo111** · 29-12-2012 11:23 PM

العربيه غيرتلها جوان وش سلندر من خمس شهور عشان القربه ديما كانت بتفور من كام يوم سافرت

القاهره وجيت القربه تاني يوم فارت وروحت خدت هواها عند الميكانيكي ومشيت وجبت غطا جديد وركبته

ومشيت يومين النهارده لقيت صوت حاجه فرقعت والدخان طالع من الجمب اليمين من ناحيه الفلتر نزلت

بصيت لقيت القربه زي ما هي والخراطيم الي حولين الريداتير سليمه والي داخل المكنه سليم والريداتير

العلب الي حوليه سليمه والحراره مظبوطه وبردت كمان خدت العربيه وشغلت التكييف وماشي بالراحه

وعيني علي موشر الحراره وروحت واو ما قربت من البيت ابتديت اشم ريحه شياط والعربيه بتكركر كل ما

اللمس البنزين والعزم بيقل ركنتها ومش عارف فيها ايه يا ريت الي يعرف ايه الي حصل يفيدني

انا نويت ان شاء الله مجرد ما اصلحها ابيعها عشان قرفت من المايه والحوار دا حاجه مقرفه اوي

**temeey** · 29-12-2012 11:55 PM

(العربيه بتكركر كل ما اللمس البنزين والعزم بيقل) ؛ ده معناه إن العربيه سخنت والموتور درجة حرارته تعدت المعدل الطبيعى وممكن تكون ريحة الشياط نتيجة إحتراق حاجه بلاستك نتيجة الحرارة المرتفعه بالموتور.
الموضوع بسيط إن شاء الله روح عند واحد بتاع رديترات محترم وخليه براجع دورة التبريد ويحدد مكان تسريب المياه.

الأحمر للمداخلات الأدارية

**medo111** · 30-12-2012 12:07 AM

الحراره معليتش خالص انا شايفها كويس والزيت طبيعي ولا عليه مايه ولا حاجه

**tananybasha** · 30-12-2012 12:23 AM

فرقعه و شياط من الجنب اليمين ؟
طيب السير اخبارة ايه
و بيلف و لا لأ
اصل ممكن يكون محمل على الموتور بسبب حاجة قفشت
و الكركرة و ضعف العزم
هل مرتبطين بانارة لمبة الأعطال

و سؤال اخير
هى العربية نوعها و موديلها ايه

**medo111** · 30-12-2012 12:35 AM

بس في صوت سمعتو لما قربت اوصل زي صوت ونه كدا خفيفه

**temeey** · 30-12-2012 12:42 AM

شيل اسلاك البوجيهات واحد واحد وتأكد ان العربية دايره 4 سلندر ولا متلته وبعدين نتكلم.

**medo111** · 30-12-2012 01:00 AM

يعني هو لو جيوان وش سلندر ميخليش العربيه تكركر*؟؟؟؟؟؟؟؟؟؟

**ULTRA** · 30-12-2012 10:43 AM

لو بتحط مية عادية من الحنفية هتعمل صدأ و الصدأ هيسد مجاري الردياتير و مش هيبرد انا كنت فكيت الردياتير ايام المازدا عند بتاع ردياتيرات و سلكته مجارية كلها مش عارف دة هينفع في ردياتير الاوبل ولة اية

**medo111** · 30-12-2012 04:45 PM

الموضوع مش موضوع تسليك انا من وجهه نظري الي حصل ان كان لسه في هوا في دوره التبريد وعشان انا اشتريت غطا جديد وقفلتو جامد العربيه طلعت الضغط من اضعف حته فيها الي هيا ايه انا مش عارف والكركره دي غالبا وش سلندر وعشان مفيش مايه اصلا في العربيه فا مفيش مايه دخلت جو المكنه فا العربيه مسخنتش هي دي وجه نظري لحد ما الميكانيكي يشوفها بس بجد انا قرفت من الدايره المغلقه دي ومش عارف هل دا كلو بسبب ان الترموستات مش موجوده يا ريت حد يفيدني