ممكن حد بيفهم في الاقتصاد يفهمنا يعني ايه كلام البنك المركزي ده

الكلام ده منقول من مصراوي ممكن حد بيفهم اقتصاد يفهمنا

أعلن البنك المركزي اليوم السبت، عن تدشين آلية جديدة لشراء أو بيع الدولار الأمريكي تستهدف الحفاظ على احتياطي النقد الأجنبي وترشيد استخدامه.
وتتضمن الآلية قيام البنك المركزي بطرح عطاءات دورية لعملية شراء وبيع الدولار تسمى'' FX Auctions''، حيث تتقدم إليها البنوك بعروضها، مشيراً إلى أن الآلية معمول بها في العديد من الدول.
وأوضح البنك، أنه سيتم العمل بالآلية من يوم الأحد المقبل من الشهر الجاري، لافتاً إلى أن الآلية لن تؤثر على نظام الإنتربنك الدولاري، ولكنها تعد مكملة ومساندة له وسيعملان جنباً إلى جنب.
من ناحية أخرى، أكد المركزي على التزامه بسداد أقساط وفوائد المديونية الخارجية، فضلاً عن ضمان تحويل ناتج تعاملات المستثمرين الأجانب في سوق الأوراق المالية في مصر وفقاً لآلية المستثمرين الأجانب ( صندوق الاستثمارات الأجنبية )، لتحقيق المرونة الكاملة لهم في تعاملاتهم في سوق الأوراق المالية بيعاً و شراءً.
وأضاف البنك '' ونؤكد على قوة و سلامة المركز المالي للقطاع المصرفي المصري والتزامه بضمان كافة حقوق المودعين لدى الجهاز المصرفي بالعملة المحلية والعملات الأجنبية''، مشيراً إلى متابعته للتطورات الاقتصادية والمالية والنقدية واتخاذه لكافة التدابير والقرارات والاجراءات اللازمة للتعامل مع التطورات أولا بأول.
كما ناشد البنك المركزي كافة فئات الشعب المصري وقطاعاته الاقتصادية، بالعمل على ترشيد استخدامات النقد الأجنبي وتشجيع الصناعات الوطنية، تغليباً للمصالح العليا للوطن و عدم اللجوء لآي نوع من أنواع المضاربات التى ستؤثر سلباً على الاقتصاد و تضر بمصالح المواطنين.

و الله يا كريم دا شكله حاجه مهمه

لانى حاولت اعمل بحث على النت لقيت اول صفحتين كلهم اخبار عن مصر و انها سوف تعمل [fx auctions

و برضه مش فاهم

بس شكله مش حاجه وحشه :)

لقيت خبر كان من 2011 عن ان تركيا تقلل aux auctions

http://www.economonitor.com/emredeli...s-fx-auctions/

والله لولا البركة كان زمانا فلسنا من زمان

لا الشعب فاهم الحكومة بتعمل اية ولا الحكومة فاهمه واهو كله لمصلحة المواطن اللى برده مش فاهم حاجة

في رأيي البيان ده انقذ البلد من مصيبة اقتصادية كان هايبقى سببها اشاعة

الموضوع ببساطه بناء على فهمى و انا مش اقتصادى انا مهندس .... زمان كان فى نظام الانتربنك الدولارى و ده كان نظام توزيع الدولار من المركزى للبنوك بناء على راس مالهم و حاجه اسمها الدرجه المدينه (مش متاكد من الاسم بس هو زى ما تقول الدرجه اللى البنك المركزى بيسمح للبنك انه يكون ليه عنده فلوس ... حاجه زى حد الائتمان بتاع الكريدت كارد مثلا) و كانت 10% .... دلوقتى مينفعش الكلام ده فهيطبقو نظام موازى مع الانتربنك بس هيغيرو فى الانتربنك ان النسبه هتكون 1% بس و اللى محتاج اكتر ياخد بنظام العرض و الطلب

شوف الخبر ده من اليوم السابع عن رويترز:
قال البنك المركزى المصرى إنه يعرض 75 مليون دولار فى أول عطاء يطرحه للعملة الصعبة اليوم الأحد، وذلك بحد أقصى 11 مليون دولار للبنك الواحد.

والعطاء جزء من نظام جديد أعلنه البنك أمس السبت، للمحافظة على الاحتياطيات الأجنبية التى قال إنها تراجعت إلى مستوى حرج.

وبموجب النظام لا تستطيع البنوك حيازة مراكز دائنة بالدولار الأمريكى تتجاوز واحد بالمائة من رأسمالها انخفاضا من عشرة بالمائة، ولا يحق للعملاء من الشركات سحب أكثر من 30 ألف دولار يوميا فى حين سيدفع الأفراد رسوما إدارية بين واحد واثنين بالمائة على مشترياتهم من العملات الأجنبية.

بصراحة مش فاهم برضه :(

ولا انا بالتفصيل بس المفروض الاجراء ده يوفر سيوله و يخلى البنوك تجيب من احتياطيها بره لما تلاقى انها هتدفع فى الدولار سعر مربوط بالعرض و الطلب ... اللى فاهمه ان طبعا هيكون فى فتره من عدم الاتزان و السعر هيعلى (حاجه بسيطه) و بعدين يستقر ... حسب توقعاتى الكلام ده هيكون فى خلال يناير و هيستقر بس على 625 مثلا

القاهرة (رويترز) - قال مصرفيون إن الجنيه المصري هبط يوم الأحد لمستوى قياسي عند حوالي 6.30 جنيه للدولار بعد بدء العمل بنظام جديد لعطاءات العملة الصعبة استحدثه البنك المركزي.
كان المستوى القياسي المنخفض السابق نحو 6.26 جنيه للدولار وسجلته العملة المصرية في أكتوبر تشرين الأول 2004.

هبوط الجنيه المصري لمستوى قياسي | أخبار الاقتصاد | Reuters

الكلام ده بالبلدي كده = تحرير سعر صرف الدولار ... يعني الدولة مش هتتدخل في سعر الدولار.

النهاردة الدولار في البنك الأهلي سعر البيع = 637 قرش ... ومش موجود

http://www.nbe.com.eg/ExchangeRate.aspx

طب ايه الفايده اللى هاتعود علينا

حسب معلوماتى المتواضعى فى الموضوع ده
اللى اعرفه عن الانتربنك انه بيثبت سعر صرف الدولار فى كل بنوك مصر على سعر واحد للبيع وللشراء بيحدده البنك المركزى وده اللى ماكنش موجود قبل كده كان فيه فروقات بين البنوك وبعضها وكل واحد حسب حجم تعاملاته وظروف العرض والطلب

وكون ان النظام الجديد هو عرض وطلب حسب كل بنك وتعاملاته ومش هايتساوى اللى بيطلب دولار كتير او قليل .. انا شايفه قرار ونظام مضاد للانتربنك وليس مكمل له !!!
ومردوده انه هتلاقى فيه بنوك بتبيع دولار بسعر اقل وفيه سعر اعلى حسب عرض وطلب عملائه وهو نفسه حسب حجم طلبه من البنك المركزى وبالتالى هايخلق فرص للاخوة السماسرة وتجار العملة انهم يكسبوا ملايين من الهوا زى ما حصل فى تعويم الجنيه فى 2002

بصراحة مصر ما ينفعهاش الاقتصاد الحر لأن كل التجار زى القرع يمدوا لبرة وكل تعاملاتهم بالدولار والعملات الاجنبية والجنيه بيغرق فعلااااا
وباتوقع بعد بضعة سنوات يتم خلق عملة جديدة زى تركيا ما عملت ليرة جديدة = 100 ليرة قديمة لو استمر الحال من سىء لأسوأ كده
والنظام الاقرب للتطبيق فى مصر هو تثبيت سعر صرف الدولار وده معمول فى دول عربية دخلها واستثماراتها بالاف المليارات زى السعودية مثلا
الدولار = 3.75 ريال مدى الحياة وحتى اشعار آخر

صندوق النقد سيجهز على اقتصاد البلد المتهاوي أساسا منذ عصر مبارك ... الحل في رأيي فرض سياسة تقشف صارمة، هناك سلع نستهلكها بمبالغة شديدة ..أنا أسكن بجوار فرن عيش...الدولة تدعم الدقيق من أجل إثراء أصحاب المخابز بالمال الحرام ...صاحب المخبز يسرق نصف وزن الرغيف، ويحصل رسوم شهرية ليسمح للمواطنين بشراء الخبز من مخبزه بواقع أربع جنيهات لكل عشرين رغيف يوميا بدون حد أقصى، في الصباح الباكر يأتي أشخاص يشحنون سيارات ودراجات بخارية بآلاف الأرغفة طبعا لإعادة بيعها أو استغلالها في المطاعم وما إلى ذلك، المواطنون أيضا، هناك أفراد لاحظت أنهم يشترون ما يزيد عن مائة رغيف يوميا، وأعتقد أنه حتى لو كانت الأسرة مكونة من عشرة أشخاص فلن يزيد الاستهلاك عن خمسين رغيفا يوميا، مفتش التموين يأتي كل عدة أيام في السادسة صباحا بسيارته النوبيرا فيجلس بجوار صاحب المخبز يسدد الدفاتر ويذهب دون أن يخطو خطوة واحدة داخل المخبز أو يفكر حتى في النظر للرغيف .... أعتقد بدون مبالغة أن نصف القمح الذي تستورده مصر زائد عن الاحتياج.
يصدق ذلك على البنزين والسولار أيضا حيث يستولي "القائمون" على توزيع السلعة و"الموظفون" الفاسدون على نصف قيمة الدعم بلا مبالغة... في الوقت الذي لا تزال فيه معدلات الإنفاق الحكومي عالية للغاية وبالذات في الهيئات التي يصفها العاملون فيها بأنها ربحية كالبترول والكهرباء وقناة السويس والتليفونات حيث يستمتع العاملون فيها وخاصة الإدارة العليا بمميزات مادية ومعنوية خيالية بالقياس للظروف الاقتصادية للبلد وكأن هذه الهيئات ملك للعاملين فيها وليس للدولة.

يا جماعة امبارح الدولار وصل 6.39 في الصرافة حرااااام بجد هيوصل كام تاني ؟؟؟؟؟

بس اللي في الصرافة قالولي متوقع ينزل بعد حوالي شهر بس مش تحت 6.25

ياجماعة القانون ده حيخي البنوك تضر تجيب دوﻻر بسعر اقل من سعر البنك المركزي يعني من فروعها برا مصر

وده عايزلوا فترة ممكن شهر او اقل او اكثر علشان توفر البنوك الدوﻻر ولما يتوفر الدوﻻر ويصبح الطلب طبيعي

ومعدﻻت العرض والطلب طبيعية حيثبت سعر الدوﻻر تماما

وكده الجنيه يتم انقاذه من ارتفاعات كبيرة و انهيار غير حقيقي لقيمته

طبعا كده اي حد عايز يشتري كميات من الدوﻻر حيأجل لحد مايستقر السعر

ا

اقتباس:

---

المشاركة الأصلية كتبت بواسطة hondawy_2008

يا جماعة امبارح الدولار وصل 6.39 في الصرافة حرااااام بجد هيوصل كام تاني ؟؟؟؟؟

بس اللي في الصرافة قالولي متوقع ينزل بعد حوالي شهر بس مش تحت 6.25

---

هناك مضاربات وجهود حثيثة من جانب بعض القوى المعروفة كانت تحاول منذ شهور إيصال سعر الدولار الواحد لـ14 جنيها مصريا ... نأمل أن ينجح الإجراء الذي اتخذه البنك المركزي بطرح الدولار للبنوك عن طريق المزاد في إفشال هذه الجهود.