هو اية اللى حصل ؟!

**OussamaShaaban** · 30-12-2012 02:00 AM

سلام عليكم يا جماعة

هو خلاص مفيش عربيات قديمة على اى طريق سريع خااالص او حتى فى سكة سفر

العجل كله بقا جديد ... سبحان الله

يعنى تبقا ماشى فى امان الله تلاقى حتة Audi معدية من جنبك من غير ما تحس و يا سلام لما تلاقى الاسد السبعة راكب peugeot طاب انا عاوز اعرف كل الشعب قلب العربيات القديمة و شغال يجيب جديد و لا انا بشوف حاجات غربية

يا ناس الواحد شاب بيدور على اى اربع فرد كوتش امشى بيهم و اعيش الحلم

**amr.elsayed** · 30-12-2012 02:23 AM

هو انتشار العربيات الجديدة دة امر طبيعي فى كل العالم .. احنا اللى فاهمين غلط ان العربية متوسط عمرها 50 سنة
وانا نفسى كل الناس تبيع القديم وتشترى جديد لان دة بيعطى مظهر حضارى للبلد وبيقلل التلوث
بالنسبة للعربيات زى الاودى والبورش بشوفها كتير فى اسكندرية بس دايما بتكون جماهيرية ليبية والناس دى بقى الفيرنا بتاعتهم سوناتا
شوف بقى العربيات العالية بتاعتهم حتكون ايه .
والموضوع دة بيفكرنى ببيت شعر للشاعر ابن دنقل ماتبصليش بعين راضية وشوف اللى ادفع فيا هههههه

**S O P H O S** · 30-12-2012 02:45 AM

يا باشا شوف حضرتك معاك كام وساعتها نشوف ممكن تشتري ايه
متفكرش فالعربيات الي ماشية لان كل عربية في عربية اعلي منها
ولو فكرت فكده مش هتخلص ولا هترتاح
الحمد الله علي كل شئ ده اهم حاجة
بالتوفيق ..

**Sehsss** · 30-12-2012 03:47 PM

إنه التقسيط يا سيدي

**egyptiandiver** · 30-12-2012 04:20 PM

كل برغوت على قد دمه! على العموم لو في إمكانية مالية يبقى سعتها كلمتين اتنين... القديم يغور! عشان هتذبتهة من هنا تضرب من هناك تلمها كدة تعوج الناحية التانية - لكن لو الواحد حوش شوية فلوس و عمل جمعية و كدة أحسن يجيب عربية الفينات ولا حاجة هتكون بردو حالتها معقولة و أما ربنا يرزق يا سيدي ابقى جيب أحدث... لكن الواحد يجيب عربية موديل سبعينات مثلاً هيصرف عليها كتير و هتقف أكتر ما حتمشي بيها و هتدوخ على قطع غيار و الصنيعية و قرفهم.... ربنا يعملن الصالح جميعاً

**semi** · 30-12-2012 05:15 PM

التقسيط شغال الله ينور
لو روحت عند اي معرض عربيات هتلاقي الناس كلها شغالة في اجراءات التقسيط
واللي امكانياته يجيب فيرنا بيجيب النترا وهكذا
فجأه فعلا لقيت الناس بقت تركب موديلات بسبب ظاهرة التقسيط
ودي ظاهرة مش كويسة امريكا اتخرب بيتها بسببها

**beshomilan** · 30-12-2012 05:19 PM

فعلا انا بلاحظ كده كتير جدا
هو التقسيط اللى عمل كل ده
عموما اى حاجه ارحم من المواصلات

**mo7a_mo7a** · 30-12-2012 06:17 PM

ربنا يرزقك من حيث لا تدري

**hossam_elwani** · 30-12-2012 06:50 PM

المشاركة الأصلية كتبت بواسطة semi

التقسيط شغال الله ينور
لو روحت عند اي معرض عربيات هتلاقي الناس كلها شغالة في اجراءات التقسيط
واللي امكانياته يجيب فيرنا بيجيب النترا وهكذا
فجأه فعلا لقيت الناس بقت تركب موديلات بسبب ظاهرة التقسيط
ودي ظاهرة مش كويسة امريكا اتخرب بيتها بسببها

فعلا كلامك سليم التقسيط هو الى عامل كده بس اختلف معاك ان ده الى خرب امريكا الى خرب امريكا هو تراكم الفوائد بفوائد مركبه عشان انخفاض الحاله الاقتصاديه والمعيشيه للمواطن الامريكى وتسريح العماله الى انعكس على الوفاء بالتزاماته

الكلام ده حصل سنة 2009

واعتقد ان الوضع اتحسن دلوقتى ... ولكن فى الاصل انتعاش المواطن ومن خلاله بيتم البيع بالتقسيط هو ده الرواج الاقتصادى بجداره فى كل السلع