نصيحة لسه شارى لانوس 1

**mahmoud labeb** · 30-12-2012 06:46 AM

السلام عليكم،

الحمد لله انا لسه شارى عربية لانوس 1 موديل 2000 وانا لسه جديد اوى ومعنديش خبرة خالص عايز اعرف ايه اهم حاجة اعملها؟
وايه افضل انواع الزيوت اللى تناسبنى واسعارهم؟ وهل لازم اغير زيت الباور والفرامل والفتيس ولا ازودهم بس؟
اسف على الاطالة وشكرا

**original** · 30-12-2012 06:56 AM

اعمل صيانة كاملة ونزل الزيوت كللها (باور - فرامل - فتيس) ومعرفش عاملة كم كيلومتر!! بس استخدم زيت 5000 موبيل أو شل..

**CaptaiN-AhmeD** · 30-12-2012 07:28 AM

غير زيوت ياباشا "لراحتك انتا "حتى لو جداد ريح دماغك وخلاص وزيت الماتور اكيد موبيل 5000 xhp
واكشف ع تيل الفرامل والطنابير , وغير سير كاتينه
وواحده واحده متعملش كل حاجه لاحظتها فيها وانت بتشتري او بعدها سواء عفشه او خبطه عاديه او اي حاجه دلوقتي عشان العين وربنا يباركلك فيها

**megadeath** · 30-12-2012 10:05 AM

ممكن معلومات عن العربية ؟ و هى مانيوال و لا اتوماتيك ؟

**akmm** · 30-12-2012 10:07 AM

الف مبروك ... وشوف حاله الكاوتش ...

**zomzom11** · 30-12-2012 10:18 AM

اولا الف مبروك عالعربيه واهلا بيك معانا هنا
اول شئ حضرتك تروح زياره للميكانيكى الى انت بتثق فيه او اى حد مضمون عن طريق اصحابك يبص لك بصه وتكتب وراه لسته بكل حاجه العربيه محتاجاها وبعدين تطلب منه يقولك ايه الحاجات المهمه الى تقدر تعملها الاول وايه الى ممكن تاجله للمره التاليه وما تفتحش صدرك جامد عشان ما يشتغلكش
ولو عنده جهاز ممكن يكشف عليها ويقولك اخبار الدنيا ايه وغالبا انت عملت كده لما اشتريتها
غالبا هاتحتاج طقم سيرفيس الى هو " سير كاتينه - سير دينامو - سير تكييف - بوجيهات - فلتر هواء- فلتر بنزين - اسبراى جنك لتنضيف البوابه - بلية كاتينه " دى الاساسيات بتاعة السيرفيس هايزيد عليها الى هو يطلبه طبعا جايز جدا يطلب تيل امامى لانه بيستهلك اسرع من الخلفى وعلى حسب كشفه عالعربيه هايحدد طلبات يطلبها وهو الى هايدلك عليها
بعد تحديد الطلبات تنزل التوفيقيه لو انت قريب من وسط البلد او ش دمشق لو انت فى م الجديده او ابو الحسن لو انت فى الجيزه او المنيرى فى فيصل عشان تجيب الحاجات بسعر حنين شويه وما تستسهلش وتجيب من جنب الميكانيكى لان الطلعه الاولى دى صعبه شويه وهاتدفع مبلغ محترم
شوية نصائح بقى جيب سلك بوجيهات وخليه معاك غالبا ممكن تحتاجه اثناء تغيير البوجيهات - سير الكاتينه كذا نوع وكلهم واحد وسعره 45-50 جنيه
ارجو اكون افدتك ولو فى اى حاجه كلمنى وان تحت امرك 01068568209 حازم

**tarek_2005** · 30-12-2012 10:40 AM

سيور وزيت وفلاتر فقط
الزيت ممكن اوي امارات مصر افضل من موبيل دا مع فرض ان العربية معدية 100000 كم

**hessenp** · 30-12-2012 11:53 AM

الف مبروك ربنا يعطيك خيرها ويكفيك شرها

**zomzom11** · 30-12-2012 11:56 AM

نسيت اقولك ممكن تشترى جركن زيت شل 5000 وفلتر زيت وتخلى الميكانيكى يغير الزيت بعد ما يخلص لكن لو هاتاخد وقت غير زيت الاول قبل ما تلف لفة السيرفيس دى
بالنسبه للزيوت الناس هنا كلهم بيشكرو فى موبيل وشل وفى كمان عرض فى امارات لو البنزينه فى طريقك انا بغير عندهم تغير 7 مرات متتاليه عندهم يغيرولك الثامنه هديه انا ملتزم معاهم وغيرت 5000 كيلو ال 7 مرات ان شاء الله المره الجايه عليهم وبعدين هانقل على شل 5000
وفى ناس بيقولولك ممكن تغير زيت عادى مش غالى وتمشى عليه شويه بتاع 500 كيلو كده تغسل بيه الموتور وبعدين تغير زيت نضيف
المهم انك تبدأ بزيارة الميكانيكى

الموضوع: نصيحة لسه شارى لانوس 1

LinkBack

أدوات الموضوع

عرض

-

-

-

-

المواضيع المتشابهه

افكر بين الوجان و لانوس اريد نصيحة

لسه شارى لانوس 2004 ومش عارف حاجه خالص الحقونى

لسه شارى لانوس 2 ولاحظت كام حاجة

نصيحة ما بين رينو كليو ودايو لانوس

باركولى وساعدونى ( لسه شارى لانوس 99 جديد )

الكلمات الدلالية لهذا الموضوع

المفضلات

المفضلات

ضوابط المشاركة