المشاركة الأصلية كتبت بواسطة exact
بحصوص موضوع الدبرياج
العربيات المانيوال المواصفات الخليجية بتنزل انها متدورش الا لو دست دبرياج (حاطين زرار ورا الدواسه) عشان ما تنساش وتدور والعربية معشقه فتنط منك فقط
بخصوص الضغط على الدبرياج اثناء التدوير... من دونه احسن... وواحدة واحدة نقول ليه... اما بتبقى شايل رجلك من عالدبرياج بتبقى البلية بعيدة والديسك (ثابت عالفلام) معشق مع الاسطوانة (راكبه على عامود دريك الفتيس) والعمود ده في وضع المور بيبقى معليهوش اي حمل اطلاقا (بيدور عالفاضي)
لو انت ضغطت دبرياج... البليه هتضغط عالديسك (البليه لو جديدة يبقى مفيش مشكلة انما لو ادنى بوش فيها يبقى اتضاف حمل) الديسك مش معشق وبالتالى الدريك نسبيا هيكون واقف
The Good Practice
او الممارسة الجيدة حسب كذا كتالوج لعربيات انك تمور العربية وتضغط ضغطة بنزين للآخر وتدور.... ولو العربية بقى لها فترة تسند لها سنة بنزين وهتلقط معاك على طول