-
زى ما قال الأستاذ أحمد بالنسبة للتزيقة ممكن تكون البطاحة ,,, ولوخبطة كمان يبقى احتمال كبير البطاحة عايز تتأكد
خلى حد يركب مكانك فى العربية ودورها على النظام الوهمى اللى بيحرر الدريكسيون من غير ما يدور الموتور وإنزل وخلى حد يركب مكانك ويلف الدريكسيون يمين ولاحظ السوستة اللى راكبة على المساعد لو لقيتها بتنطر من مكانها وهو بيلف يمين يبقى البطاحة فعلا ركز هتعرف الصوت جاى منين
-
ممكن التوكيل يكون قصده على حاجة تانية إحنا منعرفهاش غير الشريط ؟؟
-
عدنا طبعا شاكر لافضلكم وجزاكم الله خيرا وحبيت اقفل الموضوع عشان اللى يفتحوا يستفيد
مبدائيا العربية مطلعتليش رسالة ايرباج ولا لمبة فى حين ان اللمبة بتنور فى التشيك اب الاول لتشغيل العربية وبصيت زى ما الاستاذ محمد قال على الدركسيون من وراء مفيش اى حاجة واقعة والشريط بيلف عادى واضح انهم فعلا بيشتغلونى او كان قصدهم يناجدوا مخدات الايرباج
اشكر الاستاذ احمد بخصوص هانى لانوا يبعد عنى اربع دقائق وفعلا كشف على ترشيح الزيت قالى حاجة بسيطة ومتقلقش
والجميل انوا كشف على كل حاجة التوكيل قالى عليها وفرجهالى بنفسة ودى ميزة مش فى التوكيل
بالنسبة لعلبة الدركسيون مسك كل عجلة بايده وهزهاواحدة كانت سابتة والتانية كانت بتلق فقالى دى حلها تغير بارات
اما البطاحة كان فى واحدة كويسة وواحدة متاكله
الورشة مش كبيرة بس هو حد فاهم وعندوا كذا عربية ميجان ومخدش منى اى فلوس وقلتلوا هعدى عليك كمان شهر عشان الصيانة ال٦٠ حارقة شوية
-
نسيت اقولكم انا جربت مثبت السرعة والمحدد وكل الزراير الخاصة بيهم كلوا تمام الحمد لله
-
كدا تمام يبقى الشريط عندك مفيهوش أى حاجة وياريت تشكى التوكيل
-
بص ياسيدي ....صلي علي النبي علبة الدركسيون بيبوظ فيها ٣ حاجات ١ بارات خارجية ب ١٥٠ الاتنين
٢ بارات داخلية ١٦٠ الاتنين
٣ حشو ودا ب ١٠٠ عند الخراط فا مش كلهم بايظين اكيد البارات الداخلية ب ١٦٠ وهتركبهم كل التكلفة هتبقي ٣٠٠
المساعدين الامامية هاتهم استيراد بس حوالي ٣٥٠ او منرو في حدود ٣٠٠ الواحد ومعاه ضمان سنة والبطاحة تركي ب ٢٥٠
بخصوص ترشيح الزيت هيحل القاعدة اللي فوق علي الشمال وانت واقف قدام العربية وشوفها بالمرة سليمة ولا لا وهيحل الطبب اللي هلي علي اليمين وخليه يديلهم سيلكون كويس وهو بيركبهة وهيحل كويل الربع وسير الكاتينة وابقي بص عليه بالمرة وسير الدينامو المهم بقي اويل سيل الكرنك الخلفي ب ١٠٠ والامامي ب ٥٠ وايل سيل الكامة بالمرة ب ٥٠ وسير الكاتينة ١٥٠ وقاعدة استيراد ٢٠٠ وسير دينامو فيبي ٨٠ وجوان كارتيرة ٥٠ ولو كل دا سليم وبس اويل سيل كامة وكرنك هتكلفك ان شاء الله بالمصنعية ٥٠٠ جنيه وبسيطة ان شاء الله
Content Relevant URLs by
vBSEO 3.6.0 PL2