رينو غلت 3 ألاف رسمــــــــــــــــــــــ ـــــــــي من أول الأسبوع الجاي

**midon1** · 30-12-2012 04:16 PM

الحمد لله اني حجزت خلاااااااااااااااص

مسئول معرض السبع كمني وقالك حظك حلو انك حجزت
أسعار رينو الجديده نزلت ومن أول واحد يناير سعرها اترفع 3 ألاف جنيه رسمي وقالي لو مش مصدق اتصل بالتوكيل علي الأسبوع الجاي كده واسأله

وعلي فكره قالي ان المعارض هتبدأ تبيع بالسعر الجديد ده في الشحنه اللي وصلت الأسبوع اللي فات بالفعل واستثني من كده اللي حجزوا خلاص ودفعوا مقدم

الحمد لله كمان مره اني حجزت خلاص ولو حد بيفكر يحجز بقي ينزل بسرعه يشوف معرض لسه بيبيع بالأسعار الثديمه ويحجز

بالتوفيق

**Refaat33** · 30-12-2012 05:27 PM

حضرتك متأكد إن الأسعار الجديدة مش هتتطبق على إللي حاجز ؟

**midon1** · 30-12-2012 06:09 PM

هو معرض السبع لما كلمني قالي ان حظي حلوعلشان الأسعار الجديده مش هتتطبق علي لاني حاجز

وقالي ان الزياده دي مقرره من 1 يناير
وهتتطبق علي الشحنه اللي وصلت

هو كان في كلام قديم فعلا ان في زياده في أسعار الرينو من أول السنه الجديده ومتهيألي ان الخبر ده كان من الشركه المستورده نفسها

**gebreel** · 30-12-2012 06:17 PM

اللي حاجز مع التوكيل هيستلم بالسعر الجديد اما المعارض فعلى حسب المعرض نفسو لو واخد قبل الزيادة حصته هيبيعها بالسعر الجديد ولا القديم

**hossam_elwani** · 30-12-2012 06:44 PM

خليها تكمل وكله يركب الموجه

**Land_Cruiser** · 30-12-2012 07:16 PM

فى معظم التوكيلات خاصه لما يكون الاستلام بعد الحجز بمده كبيره نسبيا التوكيل بيسلم المشترى بالسعر الجديد مش بالسعر ساعه الحجز و المشترى بيدفع الفرق إلا لو كان الاتفاق غير كده من الاول

**midon1** · 30-12-2012 07:22 PM

لو كان كده

يبقي كويس أوي اني جبت من معرض الحمد لله

بس متأخر في الاستلام بقالي أسبوع بحاله أهو

بيقولي شهاده البيانات لسه موصلتش !!!
محدش يعرف ايه شهاده البيانات دي !!!!؟؟

**MohammedAladel** · 30-12-2012 07:26 PM

الكلام دا على كل العربيات ؟

**gebreel** · 30-12-2012 07:40 PM

كدة يبقى دخل اللوجان في فئة ثاني خالص و ده غباااااااااااااااء شديد و هيفقدها الميزة بتاعتها اللي هي السعر مقابل القيمة لأن المعارض كانت بتبيع بالاوفر برايس زي سعرها الرسمي دلوقتي و بالتالي هتنط تقرب من ال90نات و بكدة يبقى دخلها في فئة مش هتقدر تنافس فيها