الموضوع: حاجة غريبة حصلتلي

فعلا الجلب بتاعة المقصات رايحة في داهية و كمان النهاردة نزلت بيها مشوار البلد و كنت محاسب في السواقة و انا راجع عملتها تاني عديت علي الميكانيكي رفع العربية و حل العجلة الشمال لقيت جلبة برضه في المقص الشمال مدمرة و جرب العربية في حتة واسعة و مكسرة لاحظت ان لما يلف بشكل دائري ناحية الشمال الصوت بيظهر بس مش بنفس الدرجة قاللي ده الكوبلن بس مش عارف ليه انا مش مقتنع عشان المفروض الكوبلن في الطوالي ميعملش الصوت الجامد اللي كان بيحصل معايا و كمان الحدفة الجامدة للطارة حتي وانا ماشي علي الاولاني؟؟؟ عموما بكره نفك الجنب الشمال كله و نشوف هنعمل ايه
سؤالي هو انا سالت علي جلب المقصات GM قالولي ال 4 ب 160 جنيه و المقص ال ctr عامل 180 جنيه
و فيه واحد بتاع استيراد قاللي جوز المقصات عاملين 150 جنيه و قاللي جيب العفشجي و ينقي براحته
ايه الاحسن اغير جلب بس ولا المقصات و لا اجيب اتنين استعمال نضاف ؟؟؟؟؟؟؟؟؟

باشا هوا انتا رحت للعفشجي ده فين :) عشان انا في اسكندرية جارك و لو نضيف قلي عليه :)

النهاردة فضيت نفسي و قولت مبدهاش بقي العربية كده اشتكت ولازم اعمل كل اللي فيها
الاول روحت للميكانيكي و غيرت الكوبلن الشمال لانه كان بيعمل صوت اثناء الدوران
و بعدين عديت علي العفشجي و حل المقصات و لقي الجلب الكبيرة طبعا بايظة و الصغيرة مشققة و كمان بيض المقصات واحد خفيف قوي و التاني بيعض قمت مشتري جوز مقصات ctr و ركبهم و قالي اضبط زوايا
بس ملحقتش فبكره ان شاء الله هضبط و اقولكم النتيجة
التكاليف
160 كوبلن -بيقولو الماني لقيت حاجات كوري ب 120 بس قولت استنضف
30 مصنعية الكوبلن
360 جوز مقصات ctr
60 مصنعية العفشجي
للزميل اللي كان بيسال عن العفشجي هو في العجمي لو عاوز مكانه بالضبط ممكن اوصفهولك