حاجة غريبة حصلتلي

**mgelgel** · 30-12-2012 05:24 PM

امبارح مروح علي الطريق الدولي حسيت وانا سايق علي 100 بغربلة مرة واحدة في الطارة فهديت و ركنت افتكرت عجلة نامت ولا حاجة لقيت العجل تمام و مفيش حاجة ظاهرية قمت ماشي تاني شوية و الغربلة ظهرت بعد سرعة 60 بس المرة دي جامدة و الطارة عاوزة تحدف شمال جامد و انا ماسكها بالعافية و مشيت علي سرعة 30 بالعافية و فيه صوت طقطقة جامدة من ناحية العجل بس عشان كان معايا الاولاد و ساعة المغربية خفت اركن تاني و سايستها لحد موصلت البيت نزلت الاولاد و روحت للميكانيكي حكيتله اللي حصل و ركب و جرب و المفاجاة مفيش اي حاجة لدرجة انه قاللي يمكن الصوت جاي من عربية جنبك؟؟؟و انا كنت مندهش ضحكت و قلتله العربية دي بتخاف منك و رجعت ع البيت و النهاردة نزلت بيها تاني علي طريق الساحل الشمالي و جبت 120 و مفيش الهوا
مش عارف تفسير ده ايه و كل اللي فاكره اني اليوم ده كنت رشيت wd40 علي البدالات عشان كانت بتزيق بسيط و زودت شوية علي صليبة الدركسيون فهل ده ليه علاقة ؟؟؟؟؟؟؟؟

**blazer** · 30-12-2012 05:55 PM

مكنتش تمشى من عندة الا لما يرفع العربيه ويبص على الكبالن والمقصات وبارات الدركسيون
وتتأكد من ربط صواميل العجل
نصيحتى متتحركش بيها الا لما تكشف تانى عليها كويس

**mgelgel** · 30-12-2012 06:06 PM

حضرتك عندك حق بس ساعتها كان الوقت اتاخر وانا بس قولت اجرب النهاردة عشان النهاردة الاحد و بكره ان شاء الله هوديهالو بدري و اشوف ايه الحكاية

**megadeath** · 30-12-2012 06:32 PM

كوبلن داخلى في بوش

**mohammedabdallh** · 30-12-2012 06:36 PM

المشاركة الأصلية كتبت بواسطة blazer

مكنتش تمشى من عندة الا لما يرفع العربيه ويبص على الكبالن والمقصات وبارات الدركسيون
وتتأكد من ربط صواميل العجل
نصيحتى متتحركش بيها الا لما تكشف تانى عليها كويس

++++1111

**mgelgel** · 30-12-2012 07:13 PM

طيب يا جماعة الكوبلن الداخلي ده وظيفته ايه و ليه العربية كانت بتحدف شمال جامد و الغريب ان النهارده مفيش اثر للموضوع ده

**haitham2011** · 30-12-2012 08:09 PM

راجع علي جلد الكبالن لو فيه قطع يبقي الكبلن هيملص قريب

**tarek_2005** · 31-12-2012 01:11 PM

الكبلن الداخلي وظيفته نقل الحركة من كرونة الفتيس الي اكس الكوبلن الخارجي
ممكن بيضة طرف او بيضة مقص او جلبة مقص او صباع ميزان او كاوتشة صدر الميزان وكلهم الشمال طبعاً يعني يعيد علي العفشة الشمال كلها بالزات والاحتمال المستبعد ركبة الميزان الشمال بها شرخ