الموضوع: استفسار بخصوص الحي الرابع والخامس بأكتوبر

السلام عليكم يا جماعه ..
مبدأيا انا كنت بصراحه بشوف اكتر من موضوع عن موضوع العقارات دا .. وماكنتش برد عليه مش عارف ليه .. بس ما علينا .. يمكن يكون دا الوقت المناسب
اولا وبجد الى بيدور على شقق فى اكتوبر .. انا ممكن اخدمه كويس فى الموضوع دا ودا يمكن عشان انه بقى مجال شغلى حاليا انا بحترم المنتدى دا جدا ومن زمان وانا بحب دايما اقرا مواضيعه .. لكن مش بشراك بصراحه .. المهم نيجي لثانيا بقى ..
بالنسبه للحى الرابع فهو حى محترم جدا طبعا .. وبالنسبه لصاحب الموضوع انا بس عايز اعرف منه هو بيدور على مساحه قد ايه .. انا عندي متوفر مساحات فى الحى الرابع بس ابتدا من 100م وانت طالع .. مش بس كده .. وكمان عندي تسهيلات كويسه .. ومرونه فى السداد .. وللامانه وكلامى يشهد عليه ربنا انا فيها شقه مساحته 110م تانى نمره من المحور وعامله 2250000 والى فى العماره القدمها بتتباع ب 260000 وانا هسيب النقطه دي يرد عليها زميلنا الى قال عنده شقه 220م فى الحى الرابع هو برضه اكيد عارف الاسعار الى بتبقى تانى نمره من على المحور المركزى وعلى فكره برضه انا عندي شقتين 220 و 240 م الاتنين 420000 واحده كاش والتانيه بتسهيلات وانا تحت امركم فى اى حاجه ..
ومش بس كده بالنسبه للزميل الى بيقول ان فى حجات فى التوسعات اسعارها 2500 انا عندي حاجه قدام الحى التامن 155م رسبشن قطعتين كبار اوى وبحرى وتلاته نوم كبار واتنين حمام ومطبخ كبير وبقول بالتحديد ان الحجات دي كبيره لاها مش مهدره خالص وسعر المتر ب 2000 جنيه وكمان بتسهيلات الى عايز حاجه ممكن يرد عليا وانا هتواصل معاه وبالتوفيق وربنا يكرم

المشاركة الأصلية كتبت بواسطة youssef_u

في السابع و احنا حاجزين في المرحلة التالته تخلص بعد سنتين تقريبا و المتر من ٢٥٠٠ ل ٣٠٠٠

بعد ازنك حضرتك ماتقليش انك بتتكلم عن مشروح طيبه جاردنز او شركه المحموديه الى بتعمل هناك فى المرحله التالته .. عندي احساس كبير جدا انك بتتكلم عنها .. بغض النظر والله ع ما اقوله شهيد .. لو هي قولى لو مش هيا يبقى ربنا يوفقك .. انا بس عايز انبهك لحاجه معينه بالرغم من انها شركه كبيره ومعروفه لكن بقى الى بيشتغل فى المجال ليه خلفيات كتيره عن الى ممكن بيكون بيدور ..