متابع
عرض للطباعة
متابع
متابع
ما تقلقش : عندك سبايك 100 و 250 و كيلو و لغاية 10ك بس لو تقدر
الأفضل على الإطلاق بالنسبة للإدخار هو الأونصة و النصف أونصة لإنك ببساطة لو جايب سبيكة 100 جم و بفرض إنك محتاج فلوس مبلغ معين مثلا قيمته 15 ألف فإنت فى الحالة دى تضطر تبيع السبيكة كاملة و تضيع مكسب فرق الجرامات لو حتبيعه بعد سنتين أو أكتر .
أما بالنسبة لسهولة البيع فهى فعلا تتوقف على حالة السوق .لو إفترضنا ركود فى السوق فى الحالة دى التجار بتفكر زيك و عايزين يحافظوا على السيولة لذلك بيعها صعب فى أوقات الأزمات
بص هو الاسهل فى السيوله انك تقدر تبيعه بسرعه هو الجنيه الدهب لانه بيكون عيار 21 وبيكون 8 جرام وتقدر تتاكد من الختم وانت عند اللى بتشترى منه وبعد متطلع من عنده تروح عند محل تانى يشيك عليه برضه
معذرة بفتح نقاش في موضوع قديم
انا اتصلت بالسرجاني وقاللي انهم مش بيشتغلوا في السبائك في دلوقتي
واتصلت بمحلين في شارع الصاغة واحد منهم قاللي هتاخد فاتورة عادية فيها الوزن والمبلغ المدفوع
فمش عارف هي دي كده شهادة السبيكة ولا لأ
وقاللي كمان إن السبائك منها أنواع
بالنسبة للجاي من برة (سويسرا - دبي)
لما تيجي تبيع بيتباع بنفس جودته وهياخد على الجرام 5 جنيه عند الشراء
وبيبقى عبارة عن كيلو ذهب بيقطع منه الوزن المطلوب
فياريت لو حد عنده خبرة في الموضوع يفيدنا في الكلام ده
حد اشترى ياجماعة
شكرا جدا ليك على تعبك والله انا محتار بس اديك شايف انهيار الجنية المتواصل ومش عارفين اخرتها اية بس اللى متأكد من ان خرتها مش كويسة
انا شايف ان الدهب احسن ملاذ للحفاظ على فلوسك .. وممكن حتى تبيعة برة البلد وتسترد فلوسك , لكن لو شايل فلوسك بالجنية فابلمنظر دة فلوسك هتروح عليك
كلامك مظبوط بس خد بالك من حاجه الدهب سعره عالميا دلوقتى متقلب وبيحصل فيه هبوط في أوقات كتير بس سبب صعوده في مصر الفتره الاخيره هى الزياده غير المبررة لسعر الدولار بالرغم ان الدولار عالميا لو طالع الدهب ينزل والعكس بس في مصر الموضوع ليه حسبه تانيه فأنت لو بعته بره وانت شاريه في مصر بالغالي فأنت كده حققت خساره
فالمشكلة والحيره هي ان لو في واحد بس في الحكومه بيفهم قدر ياخد قرار حاسم يقلل الدولار جنيه واحد بس بعيداً عن ضخ دولارات من الاحتياطي ده مفترض انه حيعمل سيوله جامده جداً خاصه مع صغار المضاربين اللي مؤكد حيبيع علشان يقلل خسائره وساعتها بس الدهب حينزل لسعره الحقيقي قصاد قيمته
ولكن طبعاً ده سيناريو سعيد في توقيت مظلم مش باين له ملامح او اتجاهات وبالتالي متقدرش تاخد قرار وتكون متأكد من نتايجه
وربنا يكرم ونتمنى البلد حالها ينصلح