انا معايا دايو لانوس أنا لسه عاملها صيانه تغير فلتر بنزين وزيت وهواء وسير كاتينه .... بس فى مشكله انها بتاكل بنزين كتير أنا بحطلها بنزين 92 وكل المشى داخل البلد بس مش معناها انها تاكل البنزين ده كله ايه الحل ؟
عرض للطباعة
انا معايا دايو لانوس أنا لسه عاملها صيانه تغير فلتر بنزين وزيت وهواء وسير كاتينه .... بس فى مشكله انها بتاكل بنزين كتير أنا بحطلها بنزين 92 وكل المشى داخل البلد بس مش معناها انها تاكل البنزين ده كله ايه الحل ؟
كام المعدل بالظبط كرقم؟
وياترى حضرتك حسبتها ازاي؟
تحياتي
Sent from my SE Arc S using Forum Runner
طيب البوجيهات؟؟ وتنظيف الكربيراتير؟؟
موضوع مفيد بس افتكر عشان تحسب معدل الاستهلاك بشكل مضبوط فول العربيه واطلع على طريق مفتوح على الغيار الخامس وبعد المشوار مون تانى واحسب الاستهلاك مع المسافه المقطوعة وطبعا يفضل من غير تكييف وياريت قافل الزجاج وضابط ضغط الاطارات وان شاء الله خير
أنا يا جماعه هفضى التنك وافول 20 لتر واشوف هى هتعمل كام كيلو ؟ بس خايف انها تسحب الوساخه اللى فى التنك ايه الحل ؟
وكنت عاوز اعرف ايه اللى ممكن يقلل استهلاك البنزين واحد بيقولى يمكن علشان انت لسه بتتعلم ورجلك لسه تقيله على البنزين مع انى والله بمشى بالراحه ومش بجيب اخر الغيار ولا بجرى مع انى لسه عاملها دوره الصيانه كامله ومغير فلتر البنزين وغلست الانجكشن . هل المشى بالراحه يخلى العربيه تاكل بنزين كتير ولا الجرى ؟؟
براحة اوي وبسرعة اوي تستهلك بنزين اكثر السرعة المثلي في استهلاك البنزين مابين 80 و 90 كم / ساعة
طريقة الحساب كده مش دقيقة...
أفضل طريقة تفول بنزين للزور وتصفر العداد وتمشي مشاويرك...
بعدها تروح تفول للزور تاني وتشوف العربيه خدت كام لتر بالظبط قصاد كم كيلو مشيتهم عالعداد ساعتها هتقدر تعرف الاستهلاك بالظبط...
تحياتي
Sent from my SE Arc S using Forum Runner
ياريت يا جماعه تقولولى ايه الحل العربيه تاكل بنزين ايه المفروض اللى انا اعمله ؟
انا عربيتى 2006 لانوس كان فيها نفس العيب غيرت البوجهات بس ال ngk كود bpr6es
الحمد الله الاستهلاك اتحسن
وده سعره بكام واجيبه منين ؟؟ لان بسال واحد قالى كل اللى موجود مضروب وواحد قالى استعمل البيرو صنع فى فرنسا .
توكيل ngk في شارع الحوض المرصود بالسيدة زينب ولهم فرع بالمعادي بعد ميدان الجزائر والطقم ب 55 جم مش 35 جم
طيب والنوع البيرو ده كويس ولا اى كلام ؟؟
مسمعتش عن البيور ده قبل كده
في الدينسو وفي انواع تانيه كتير محترمة بس بلدنا وعربيتنا مش محتاجة ده كله
بوجيهات بيرو نزلت مصر من حوالي 7 او 8 سنين .... و قرأت عنها اول ما نزلت ..... و هيه مصنوعه من التيتانيوم ( معنديش معلومه ايه الفايده ) .........و معرفش حد قام بتجربتها .....
http://nileup.com/up/uploads/nilemotors_13573866231.gif
موقع الشركه : Ultra X Titan. The Spark Plug Innovation with state-of-the-art Electrode Geometry | BorgWarner BERU Systems GmbH
البيرو ممتازة وشغالة تمام فى الفولكس ونفس الشركة ليها منتجات كتير غير البوجيهات
المفروض تقريبا كده 10 لتر تعمل متوسط كام كيلو على طريق سريع و كام كيلو فى وسط المدينة
انا عندى العربيه بتعمل فى 20 لتر 165 كيلو داخل البلد