الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة Kareem.ElAraby

هو حضرتك اتخرجت أو شغال
أصل كم الاحلام الورديه و النموذج و السيناريو المثالي ده بصراحه أحسدك عليه لو بعد كل طلعت متجوز و مخلف و عايش كده بالضبط

طب أقولك حاجه تبعتلي ال CV يتاعك و أدورلك علي شغل بالمبلغ ده و نشوف هتعرف تمشي كده ولا لا !

عندنا في الهندسه و تحديدا في التصميم لما بنيجي نحسب الاجهادات و القوي و الحاجات ديه
اياك ثم اياك ثم اياك تعمل DESIGn علي ال OPERATING CONDITIONS بالعكس انت بتعمل DESIGN علي ال WORST CASE , و بتاخد FACTOR OF SAFETY كمان

ما ينفعشي أفترض ان مفيش اجهادات ولا قوي ولا حمل و أقولك أقل التكاليف أهي في التصميم ده
طب فين الكود و ال STANDARD و ال MINIMUM SAFETY REQUIREMENTS

انا قاري الكلام من الصبح بس قولت أرد عليك لما أفضي و أرجع البيت عشان لاجل الامانه حضرتك و كلامك ضايقني لما حضرتك مواطن و زينا و بتفكر كده أومال بقي المسئولين اللي مش حاسين بينا و فوق نقولهم ايه و كل واحد في ملكوته

ما ينفعشي الكلام ده

يا رب مكني انني أعرف أخدم البلد ديه و أصلح فيها و أخليها زي بره علي حق ربنا عشان النماذج اللي زي حضرتك تعرف قد ايه الكلام اللي بتقال ليها كله فشنك
يا رب بس مش علشان النماذج اللى زى لانى والله معارض ومتعاطف مع اصدقائى اللى فعلا حيتضروا من اى ارتفاع فى الاسعار
تصبح علي خير

يا باشا براحه عليا بس واضح جدا ان حضرتك قريت بس اخر مشاركتين ليا فى الموضوع لان اكيد لو كنت قريت مشاركاتى كلها مكنتش حترد عليا كده لانك كنت حتعرف انى معارض للموضوع جدا وقولت حلول ليه غير الضغط على الناس واتكلمت كلام كتير بس حضرتك فتحت اخر صفحه بس
وعلى العموم انا والله كنت بفترض ارقام ردا على ا/Ahmed A.Maksoud بس انما انا مش متجوز وخريج تجاره وحاليا شغال مع اخويا مؤقتا لانى مش لاقى شغل محترم وراكب كيا برايد مش bm ولا حاجه وانا والله بضحكلانى كنت بفترض ارقام وواخد الموضوع هزار لانى عارف اللى انا كاتبه مش واقعى ومع ذلك مش هيكفى وبعدين يا باشا واضح قوى لما بقول حيفضل 1500 جنيه فى السنه انى بتتريق على الواقع المؤلم
ومع ذلك حصل خير واتمنى حضرتك تقرا مشاركاتى فى الموضوع ومواضيعى كله علشان تتاكد انى بس كنت بفترض ارقام وانى اصلا معارض لاسلوب الحكومه
وعلى فكره انا دخلى فى الشهر اكتر من 1500 جنيه ومش متجوز ويدوب بيكفونى لوحدى بعد لما بشيل جزء احوشه فاكيد لما اتجوز مش حيكفى ضعفهم حتى
وزى مقولت قبل كده كان الله فى عون المتجوزين والحمد لله على العزوبيه

المشاركة الأصلية كتبت بواسطة Kareem.ElAraby

بكره لما تخلص و تشتغل و تتجوز و تخلف و تقبض 2500 صافي في الشهر ان شاء
هتضحك يا جميل !

المشاركة الأصلية كتبت بواسطة Ahmed A.Maksoud

يا باشا بالراحة على الراجل..........هو كمان معترض على فكرة

القصة بس أني سألت على متوسط المصاريف زي ما أنت شوفت و هو الوحيد اللى رد

و مع إعتراضي على بعض ما جاء فى رده من مصاريف زي مصاريف الأكل اليومية...........قولت برضه ناخد الرد بتاعه على سبيل المثال.

عموماً..........فيه حاجة أو أتنين من الحاجات اللى قالها أنا شايفها رفاهية........زي الجراج مثلاً.......و أحنا المفروض بنتكلم أن البلد تبقى فى حالة تقشف.....و المواطنين كذلك.

خليني بقى أسألك بما أنك متجوز زي حالاتي.......متوسط المصاريف فى رأيك للبنود اللى أنا قولتها كام ؟ و لو فيه بنود تانية نسيتها يا ريت تذكرها.....و نفترض حتى أن الراجل مدخل عياله مدرسة حكومة......مش خاصة.......شوف مصاريف الكتب و الكشاكيل و مرواح و رجوع و مصروف للعيال جنيه فى اليوم مع أنه ميجبش حاجة دلوقتي بس معلش...معندوش تكييفات...ولا سخانات كهرباء....عربية 128.....كده يعني.......ما أحنا أتفقنا أن الموضوع تقشف :)

علشان بس نوضح لأخوانا المناصرين للفكرة أن أقل متطلبات الحياة لأسرة صغيرة ماشية يا دوب على قدها بدون رفاهية بتتكلف كام.

بس هو ده قصدى اننا نفتح باب لمناقشه ميزانيه اسره متجوزه بعد محطينا افتراض بس
وشكرا يا باشا على توضيحك ل ا/Kareem.ElAraby لانه واضح ان فى سوء تفاهم بس

رجاله المنتدي و الاعضاء
واضح ان طريقه الكلام بانت عصبيه و فيها تنشنه
فانا بأعتذر لاي شخص تضايق أو حس انني هجومي بس الكلام اللي عندي بيبقي brain storming
فما بأصدق أكتبه بسرعه بأقرب صيغه ممكنه
اعتذاري ليكم مره تانيه
و انا قاري الموضوع من الاول علي فكره بس الردود انا بأسيب الناس عشان أعرف الناس و طريقه تفكيرها و دماغها

المشاركة الأصلية كتبت بواسطة Ahmed A.Maksoud

يا باشا بالراحة على الراجل..........هو كمان معترض على فكرة



القصة بس أني سألت على متوسط المصاريف زي ما أنت شوفت و هو الوحيد اللى رد

و مع إعتراضي على بعض ما جاء فى رده من مصاريف زي مصاريف الأكل اليومية...........قولت برضه ناخد الرد بتاعه على سبيل المثال.

عموماً..........فيه حاجة أو أتنين من الحاجات اللى قالها أنا شايفها رفاهية........زي الجراج مثلاً.......و أحنا المفروض بنتكلم أن البلد تبقى فى حالة تقشف.....و المواطنين كذلك.

خليني بقى أسألك بما أنك متجوز (انا مش متجوز ولا خاطب ولا قاري فاتحه ولا مرتبط أصلاا بلاش ضرب :])
زي حالاتي.......متوسط المصاريف فى رأيك للبنود اللى أنا قولتها كام ؟ و لو فيه بنود تانية نسيتها يا ريت تذكرها.
شوف حضرتك انا بأبقي قاعد في الشغل و شايف الناس و متابع مصاريفهم ممكن واحد بيقبض 3 يكفوه و ممكن واحد بيقبض الضعف و بردو ما يكفهوش و لاجل الامانه انا مش عاوز أدخل في موال الجواز ده عشان كده
ممكن حضرتك تقولي البنود و أرد عليك بند بند
....و نفترض حتى أن الراجل مدخل عياله مدرسة حكومة......مش خاصة.
المدارس الحكومه فلوس في الارض قارن بينهم و بين الخاصه و اللغات و شوف انهي فيهم أسرع انه يدخل سوق العمل التجريبي شغال نسبيا و ده أضعف الايمان و هتصرف الضعف أكتر من الضعف كورسات و دروس عن ما كنت هتصرفه عشان يبقي زي أقرانه لو دخلته خاصه أو لغات شفت نماذج كتيره كده في الكليه
......شوف مصاريف الكتب و الكشاكيل و مرواح و رجوع و مصروف للعيال جنيه فى اليوم مع أنه ميجبش حاجة دلوقتي بس معلش...معندوش تكييفات...ولا سخانات كهرباء....عربية 128.....كده يعني.......ما أحنا أتفقنا أن الموضوع تقشف :)

سيدي الفاضل المواطن من حقوقه عيشه كريمه , تأمين صحي,
معندوش تكييفات ولا سخانات و عربيه 128 ليه تحرمه من حقه في حاجات زي كده
ما ممكن يبقي عنده دول و متوسط الحال مش مبذر أو بذخ و اسراف

علشان بس نوضح لأخوانا المناصرين للفكرة أن أقل متطلبات الحياة لأسرة صغيرة ماشية يا دوب على قدها بدون رفاهية بتتكلف كام
لو اتنين لسه متجوزين MINIMUM 2.5-3.5 , و كده لو حصل طاريء أو المدام بقت حامل هيسند و يريح علي والده و ياخد منه اعانه و ديه شكلها وحش في حق الراجل ودام مراته
مصاريف ال BABY بس كولاده الدكتور بياخد 3000 في ايديه !
و أعرف واحد بيصرف بامبرز بس 1000 جنيه في الشهر
و يا سلام بقي لو جالك توأم
.

المشاركة الأصلية كتبت بواسطة Kareem.ElAraby

رجاله المنتدي و الاعضاء
واضح ان طريقه الكلام بانت عصبيه و فيها تنشنه
فانا بأعتذر لاي شخص تضايق أو حس انني هجومي بس الكلام اللي عندي بيبقي brain storming
فما بأصدق أكتبه بسرعه بأقرب صيغه ممكنه
اعتذاري ليكم مره تانيه
و انا قاري الموضوع من الاول علي فكره بس الردود انا بأسيب الناس عشان أعرف الناس و طريقه تفكيرها و دماغها

يا راجل بقى طلعت زميل فى العزوبيه وفى المعارضه كل ده ورديت كده هههههههههه وعلى فكره انا متضايقتش لانى عارف ان اكيد فى غلطه مش مقصوده حصلت
وزى مقولت حصل خير

المشاركة الأصلية كتبت بواسطة eslamrace

يا راجل بقى طلعت زميل فى العزوبيه وفى المعارضه كل ده ورديت كده :e_braces[1]: هههههههههه وعلى فكره انا متضايقتش لانى عارف ان اكيد فى غلطه مش مقصوده حصلت
وزى مقولت حصل خير

شفت بقي
أصل معظم الخلق اللي بيشوفوني
مش خلصت و اشتغلت شوفلك عروسه و هاتلك شقه عاوزين نشوف عيالك
بأتغاظ غيظ منهم
أخر ما زهقت قلتلهم اللي عاوزني أتجوز يدفع المهر و الشبكه و الشقه و الفرح و انا عليا الخروجات و الخلفه

بأقولك فاكس كل ده

يلا شرم أو ساحل :]