الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة Ahmed A.Maksoud

بالنسبة للجزء اللى أنت كنت كاتبه بالأزرق

أخنا مش بناقش ظروف إنشاء كل بلد.......أنا بس كنت برد عليك لما قولت
" ماهو المستوي ده ياباشا جي من جيب الشعب مش من الحكومه
الحكومه هناك متحتكمش علي حاجه وكله من الشعب"

و هو فعلاً ممكن يفطر فى بيته.....و يتعشى في بيته.........بس لو جاع على الضهر يعمل أيه ؟ ما هو مضطر ياكل برة......و أنا بقولك من 12 سنة كان سندوتش البطاطس فى الكلية ب 75 قرش.......أقل واجب دلوقتي هيبقى ب 2 جنيه..........يعني لو كل كل يوم سندوتش بطاطس ب 2 جم فى حوالي 25 يوم دول بس ب 50 جم فى الشهر.

الكورسات.......متاخدش بالقياس على ال IT :)

أنا قبل ما هو يرد أصلاً كنت هقولك لو كورس لغة يبقى مهما عمل مش هيكون زي ما ياخد كورس real life...........و هو طلع بياخد كورس إنجليزي بالفعل.


و طبعاً حاجة زي النت و اللبس........دول حسب ظروفه بقى اللي هو أدرى بيها......حسب يقدر يوفر أيه على حساب أيه.

انا أعتقد أنه لو كان بأيده أنه يوفر فيهم و يرحم نفسه من ركوب المواصلات فى أخر أسبوع فى الشهر زي ما بيقول كان عملها......بس الأولويات بتختلف من واحد للتاني.

يا ريت بس تقولي أنت بقى متوسط مصاريف الشهر لأسرة أب و أم و طفلين تعمل كام علشان نرجع لموضوعنا الأصلي :)

المشاركة الأصلية كتبت بواسطة youssef_u

مصنع الكراسي

ههههه عيب كده أأساحبى

Kareem.ElAraby
فيه مهن ما ينفعشي ينزل من مستواه وسط زملاته في الشغل ولا مراته تلبس أي حاجه و السلام ولا العيال ما يجيبوس لبس عيد أو يبقوا دون المستوي !
الدكتور , الصيدلي, المهندس ...ايه ده و المحاسب ملوش نصيب بنهم ولا ايه

المشاركة الأصلية كتبت بواسطة Kareem.ElAraby

و المحاسب و كل المهن وحياتك المفروض يبقي من حقهم يكونوا في أحسن مستوي ممكن بس زي ما حضرتك شايف فيه ناس عاجباني تفكيرها و طريقه كلامها و ناس تانيه غالبا عاوزين الواحد ينزل بطقم واحد طول السنه عشان ما يبقاش اسراف و ناس معتبره الكورسات ترفيه و العربيه و بنزينها كده بقيت انا مرفه
فبأسكت عشان ما أضايقش حد بكلامي و ردودي
الحقوق بقيت كماليات !
و لو كنت قولت اتنين متجوزين بالعافيه 2.5 كان اتقال عليا ايه بقي ؟!؟!؟!؟!
يا سيدي كبر مخك :]