الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة hosini2000

هذه المشاركة أكتبها بعد قرارا مني بالمقاطعة كنت واخده بعد حظري على الموقع لأني كتبت كلمة عن الجمارك التي تذهب لجمال و علاء (فاكرينهم ؟)
اليوم دخلت كمشاهد (كعادتي) لاجد هذا الموضوع ..و بصراحة استفزني جدا جدا ..ما استفزني هوالردود و -اعذروني- الولولة على القرار و ان لم يخل الموضوع من مشاركات جيدة ..
بصوا يا جماعة : الله الله ع الجد و الجد الله الله عليه..
الدعم اللي جزء كبير منه بيروح للمحروقات يروح ليه لناس عندها عربيات بينما في ناس مش لاقية تاكل و كلنا بنشتكي من مستوى التعليم و الصحة و الطرق ..مش الأولى بيه صحة و تعليم و طرق و عيش ؟ و لا الفسح و التنطيط و الساباقات و الخمسات ؟
مبارك سابلنا (كلنا) البلد خربانة ..وادامنا طريق من اتنين : يا كل واحد ياخد حتة من اللحاف على قد قوته و جبروته و بالتالي ناس كتير تبرد ..يا إما كلنا نتغطى باللحاف نفسه ..و اللي معاه يستحمل شوية علشان اللي مامعاهوش ..
لكن البلد تبقى في الحالة دي و يسيبوا البنزين أسعاره كده و يتهرب و يتباع في السوق السودا و لا حتى تستهلكه ناس مش محتاجة و أجانب و شباب خارج يتفسح و ناس بتركب عربية لواحدها ..كل هذا السرف و في ناس عايشة في المقابر و ناس بتستلف علشان تعلم عيالها و ناس مش لاقية حق الرغيف و لا الدوا ..

اللي راكب عربية و زعلان انه مش هايعرف يروح مصيف : مش مكسوف من نفسك ؟ مش حاسس ان كلامك فيه حاجة غلط و مش شايف ألوف في البرد ده مش لاقيين غطا و لا اكل و لا دوا ؟

اللي راكب عربية و شايف ان ال5 لتر هايخلصوا في الزحمة : اركب مواصلات ..
انزلوا من عروشكم شوية و اركبوا مع الناس ..عاوزين مصر تنهض ازاي و احنا مالناش شغلة غير التريقة و النقد الباطل و تكسير المجاديف ؟
عاوزين البلد تنهض ازاي و احنا مش عاوزين نتخلى عن أي حاجة و لا نضحي بأي حاجة ؟

لا والله؟؟؟؟؟؟؟ تصدق انا كمان بقالي كتير جدااااا معملتش مشاركات بس مشاركتك اجبرتني علي اني ارد

بس انت عندك حق فعلا لان كل اللي طالع عينه في البلد دي وبيحاول يعيش عيشة بني ادمين لازم يتعاقب
1_ازاي يعني يطلع عيني ليل ونهار عشان اجيب عربية تلمني انا واسرتي بدل البهدلة وكمان ايه عربية فارهة من بتاعة الاغنياء زي الفيرنا ولا الانوس ولا الانسر ولا اي عربية من العربيات الفظيعة دي دا المفرود يدفعوني علي لتر البنزين 7 جنيه مانا اصلي مش عارف اودي الفلوس فين

2_وبعدين يوصل بيا الرفاهية اني اروح مثلا كل يوم شغلي بالعربية ؟؟؟؟؟دي قلة ادب لا وكمان ممكن اتفسح مرة في الاسبوع ولا حاجة ازاي يعني اروح شغلي بالعربية وفي ناس مش لاقية تاكل تصدق انا طلعت مجرم ومعنديش دم ولا احساس بالغلابة لا وخصوصا ان العربية دي انا كسبتها في في كيس شيبسي (احسن تكون فاكر اني طلع عين يمثلا علي ماجبتها ولا حاجة)

3_الحكومة بتديني مرتب كل شهر يخليني اصرف علي 3 عربيات وفي الاخر ازعل لما يزودوا البنزين ويشيلوا الدعم من عليا دانا من كتر الفلوس اللي مش عارف اوديها فين كان نفسي في القرارات الحلوة دي من زمان

4_ماشاء الله لما زودوا عليا الكهربا والمية والغاز حسيت ان الناس الغلابة قلوا اصلهم كانوا بياخدوا الزيادات دي يودوها للغلابة اللي مش لاقيين ياكلوا اللي حضرتك بتتكلم عليهم اللي احنا طبعا مش منهم احنا من الاغنيا اللي معاهم عربيات

5_وياتري بئي عربيات سيادة الريس هتدخل في الدعم؟؟؟ولا هيحاسبهوهم بالغالي هم كمان عشان خاطر الغلابة؟؟؟

ياريس دا الواحد لو قعد يتكلم للصبح مش هيخلص انا زهقت اصلا من الكتابة
ياريت بس ترحموا الناس بئي وية عشان الواحد خلاص جاب جاز ياجدع
وياريت الحكومة الزباااااااااااااالة دي تتحس بالناس وقبل ماتاخد قرار تدرسه الاول وبلاش بقي كل حاجة نلزقها في محدودي الدخل وعشان خاطر الغلابة لان الغلابة لحد دلوقتي مشافوش منكوا غير انهم زادوا غلب وقرف